________________
૮૨
છે. આગ્રા ફોર્ટથી આ મંદિર એકાદ કિ.મી.ના અંતરે છે. રહેવા માટે ગામમાં ધર્મશાળાઓ છે.
૭. શ્રી સૌરીપુર તૌર્થ
મૂળનાયક: શ્રી નેમિનાથ ભગવાન, શ્યામ વર્ણ, પદ્માસનસ્થ.
તીર્થસ્થળ : યમુના નદીને કિનારે વસેલા સૌરીપુર ગામે-બટેશ્વરથી ૨ કિ.મી.ના પહાડી રસ્તે આવેલા આ સ્થળે રાજા શ્રી સમુદ્રવિજયની પટ્ટરાણી શિવાદેવીની કુખે શ્રી અરિષ્ટનેમી અથવા શ્રી નેમિનાથ ભગવાનનો જન્મ થયેલ છે. ભગવાનના ચ્યવન અને જન્મ કલ્યાણક અહીં થયેલ છે. અહીંથી ઘણા પ્રાચીન અવશેષો મળી આવે છે. શિકોહાબાદ ૨૫ કિ.મી., આગ્રા ૭૫ કિ.મી.ના અંતરે છે. રહેવા માટે ધર્મશાળા છે.
૮. શ્રી દેવગઢ તીર્થ
મૂળનાયક: શ્રી શાન્તિનાથ ભગવાન, કાયોત્સર્ગ મુદ્રામાં.
તીર્થસ્થળ : બેતવા નદીને કિનારે વસેલા દેવગઢ ગામથી ૩ કિ.મી. દૂર આવેલ પહાડોની ઉપર ૪૦ મંદિરોનો સમૂહ છે. દરેક મંદિરમાં ભિન્નભિન્ન ક્લાઓનાં દર્શન થાય છે. પહાડ ઉપર ગીચ જંગલ છે. ધર્મશાળામાંથી હથિયારબંધ માણસ સાથે આવે છે. લલિતપુર ૩૧ કિ.મી. છે જ્યાંથી જિરોન, જાખલોન, રોપુરા થઇને આવી શકાય છે. દેવગઢની આજુબાજુ બીજાં ઘણાં તીર્થો છે જેનો અભ્યાસ કરવો જરૂરી છે. ૯. શ્રી અયોધ્યા તીર્થ
મૂળનાયક: શ્રી અજીતનાથ ભગવાન, તામ્ર વર્ણ, પદ્માસનસ્થ. તીર્થસ્થળ :
આ સ્થળે શ્રી આદીશ્વર ભગવાનના ચ્યવન, જન્મ, દીક્ષા કલ્યાણક તથા શ્રી અજીતનાથ ભગવાન, શ્રી અભિનંદન સ્વામી, શ્રી સુમતિનાથ અને શ્રી અનંતનાથ ભગવાનના ચ્યવન, જન્મ, દીક્ષા તથા કેવલજ્ઞાન, એમ કુલ્લે ૧૯ જેટલા કલ્યાણકોની આ મહાન ભૂમિ છે. શ્રી ભરત ચક્રવર્તીએ અહીં રહી સમગ્ર દેશ ઉપર સામ્રાજ્ય સ્થાપિત કર્યું, ત્યારથી
આ દેશ ભારતવર્ષ કહેવાયો. આ સ્થળે અનેક મહાપુરુષોએ જન્મ લીધેલ છે. અયોધ્યા રેલવે સ્ટેશનથી કટરા મહોલ્લો ૨ કિ.મી. દૂર છે રાયગંજ મહોલ્લો ૨ કિ.મી. દૂર છે. જ્યાં આવેલા દિગંબર મંદિરમાં લગભગ ૩૦ ઊંચા શ્રી આદીશ્વર ભગવાનનાં પ્રતિમાજી છે. ફેઝાબાદ ૫ કિ.મી. છે. ભગવાન રામચંદ્રજી સાથે આ સ્થળ સંકળાયેલું છે. મહાન હિન્દુ તીર્થ છે.
૧૦ શ્રી રત્નપુરી તીર્થ
મૂળનાયક: શ્રી ધર્મનાથ ભગવાન, શ્યામ વર્ણ, ચરણપાદુકા.
તીર્થસ્થળ: આજનું રોનાહી ગામ, અહીં શ્રી ધર્મનાથ ભગવાનના ચાર કલ્યાણક
