________________
.
આ જન્મભૂમિ છે. આ દેરાસરમાં શ્રી સરસ્વતી દેવીની પ્રતિમા છે. નાન્દિયાથી ૧૦ કિ.મી. દૂર છે. પીન્ડવાડાથી બે કિલોમીટરના અંતરે છે. શ્રી સરસ્વતી દેવીની આટલી પ્રાચીન પ્રતિમાનાં દર્શન દુર્લભ છે. નાની મારવાડ પંચતીર્થીનું આ એક સ્થળ ગણાય છે.
૩૦. શ્રી ઉથમણ તીર્થ
મૂળનાયક : શ્રી પાર્શ્વનાથ ભગવાન, શ્વેત વર્ણ, પદ્માસનસ્થ. તીર્થસ્થળ : ઉથમણ ગામ, પહાડની તળેટીમાં, જવાઈબંધથી ૨૦ કિ.મી., શિરોહીથી ૨૨ કિ.મી. અને શિવગંજથી ૧૦ કિ.મી. દૂર છે. અહીં પ્રભુપ્રતિમાની ગાદી નીચેનું શિલ્પકામ જોવાલાયક છે.
૩૧. શ્રી સાંડેરાવ તીર્થ મૂળનાયક : શ્રી શાંતિનાથ ભગવાન, શ્વેત વર્ણ, પદ્માસનસ્થ.
તીર્થસ્થળ : અહીંનાં પ્રભુપ્રતિમાજી અત્યંત ભવ્ય અને કલાત્મક છે. કોઈ કોઈ વખત શ્રી પાર્શ્વનાથ પ્રભુના અધિષ્ઠાયક શ્રી ધરણેન્દ્ર દેવ મંદિરમાં નાગદેવના સ્વરૂપમાં પ્રગટ થાય છે. અહીં સામે ઉપાશ્રયમાં શ્રી મણિભદ્ર ચક્ષનું સ્થાન છે જ્યાં અનેક ચમત્કારિક ઘટનાઓ બને છે. આ ઉપરાંત અહીં કેસરિયાનાથનું દેરાસર છે. ફાલનાથી જાલોર-આહોર રસ્તેના ૧૧ કિ.મી.નું અંતર છે. પ્રતિમાજીના પરિકરની કારીગરી ખૂબ જ સુંદર છે. ૩૨. શ્રી શિરોહી તીર્થ
મૂળનાયક : શ્રી આદીશ્વર ભગવાન, શ્વેત વર્ણ, પદ્માસનસ્થ.
તીર્થસ્થળ: વિ. સં. ૧૩૩૯માં આ તીર્થની સ્થાપના થયેલી છે. આદીશ્વર ભગવાનના દેરાસર ઉપરાંત અહીં બીજાં ૧૯ દેરાસરો છે. અહીં એકીસાથે પહાડની ઓટમાં મંદિરોના શિખરસમૂહનું દ્દશ્ય ઘણું જ મનોરમ છે. અહીંના દરેક મંદિરમાં પ્રતિમાઓ, તોરણો અને ગુંબજોમાં અભૂતપૂર્વ ક્લાનાં દર્શન થાય છે. અચલગચ્છના મંદિર પાસે ઔષધશાળામાં શ્રી સરસ્વતી દેવીની પ્રતિમા, શ્રી સંભવનાથ ભગવાનના મંદિરમાં મૂળનાયક ભગવાનની પ્રતિમા, શ્રી અજીતનાથ ભગવાનના દેરાસરમાં આભૂષણોથી સુસજ્જિત કાઉસગ્ગ મુદ્રામાં બે પ્રતિમાઓ ઘણી જ સુંદર અને કલાત્મક છે. શ્રી આદિનાથ ભગવાનના બાવન જિનાલય દેરાસરમાં મૂળનાયક ભગવાનની પ્રતિમાની શિલ્પકલા અતિ મનોહર છે. મૂર્તિ ઉપર મોતીનું વિલેપન છે. આ જ મંદિરમાં એક હજાર પંચધાતુની પ્રાચીન પ્રતિમાઓ, મરૂદેવી માતા, રાજર્ષિ શ્રી ભરત વગેરેની અતિ સુંદર પ્રાચીન મૂર્તિઓ છે. આ દેરાસરમાં પાછળના ગંભારાના રંગમંડપના દ્વારથી રાજમહેલ સુધી સુરંગ છે જે કંદાચ રાજારાણીઓનાં દર્શનાર્થે બનાવી હશે. અહીંના રાજાઓ જૈન ધર્મકાર્યોમાં ભાગ લેતા હતા અને જૈન ધર્મ પ્રત્યે તેમને અખૂટ શ્રદ્ધા હતી. શિરોહી રોડથી ૨૫ કિ.મી.ના અંતરે શિરોહી આવેલું છે. ધર્મશાળા અને ભોજનશાળાની સગવડ
