Sindur Prakaran

Author(s): Purushottam Jain, Ravindra Jain
Publisher: Purshottam Jain, Ravindra Jain

Page 33

ਉਸ ਪਾਸ ਜਾਨਣ (ਗਿਆਨ) ਦੀ ਵਿਸ਼ੇਸ਼ ਬੁੱਧੀ ਹੁੰਦੀ ਹੈ। ਫਿਰ ਉਸ ਭਗਤ ਨੂੰ ਸਵਰਗ ਦੀ ਪ੍ਰਾਪਤੀ ਵਾਰ ਵਾਰ ਹੁੰਦੀ। ਮੁਕਤੀ ਉਸ ਪੁਰਸ਼ ਵੱਲ ਨਜ਼ਰ ਪਾ ਕੇ ਵੇਖਦੀ ਹੈ। ਸ੍ਰੀ ਸਿੰਘ ਦੀ ਕੀ ਵਿਸ਼ੇਸ਼ਤਾ ਹੈ ? ਗੁਣਾਂ ਦੇ ਸਮੂਹ ਦੇ ਖੰਡਣ ਦਾ ਸਥਾਨ ਬਣ ਜਾਂਦਾ ਹੈ। ਇਸ ਪ੍ਰਕਾਰ ਜਾਣ ਕੇ ਸ਼੍ਰੀ ਸੰਘ ਦੀ ਸੇਵਾ ਕਰਨੀ ਚਾਹੀਦੀ ਹੈ।
(24) . ਚਤੁਰ ਵਿਧੀ ਸ੍ਰੀ ਸੰਘ (ਸਾਧੂ, ਸਾਧਵੀ, ਉਪਾਸਕ, ਉਪਾਸਕਾ), ਚਰਨ ਕਮਲ ਨੂੰ ਆਪਣੇ ਹਿਰਦੇ ਵਿਚ ਧਾਰਨ ਕਰਕੇ ਮਨ ਮੰਦਰ ਨੂੰ ਪਵਿੱਤਰ ਕਰੋ। ਇਹ ਸ਼੍ਰੀ ਸਿੰਘ ਸਾਡੇ ਘਰ ਵਿਚ ਆਪਣੇ ਚਰਨ ਰੱਖ ਕੇ ਸਾਡੇ ਘਰ ਨੂੰ ਪਵਿੱਤਰ ਕਰੇ। ਜਿਸ ਸ੍ਰੀ ਸੰਘ ਦੀ ਭਗਤੀ ਨਾਲ ਅਰਿਹੰਤ ਪਦ ਦੀ ਪ੍ਰਾਪਤੀ ਹੁੰਦੀ ਹੈ, ਜੋ ਤਿੰਨ ਕਾਲ ਵਿਚ ਸਰੇਸ਼ਟ ਪਦ ਮੰਨਿਆ ਗਿਆ ਹੈ। ਇਸ ਪਦ ਤੋਂ ਵੱਡਾ ਸੰਸਾਰ ਵਿਚ ਕੋਈ ਪਦ ਨਹੀਂ ਹੈ। ਇਹ ਅੰਤਿਮ ਪਦ ਹੈ। ਅਰਿਹੰਤ ਪਦ ਦੀ ਤਰ੍ਹਾਂ ਨਾ ਤਾਂ ਛੇ ਖੰਡ ਨੂੰ ਜਿੱਤਣ ਵਾਲੇ ਚੱਕਰਵਰਤੀ ਦਾ ਪਦ ਹੈ, ਨਾ ਸਵਰਗ ਦੇ ਇੰਦਰ ਦਾ। ਜਿਸ ਤਰ੍ਹਾਂ ਕਿਸਾਨ ਖੇਤ ਜੋਤ ਕੇ ਪਾਣੀ ਲਗਾ ਕੇ (ਰੌਣੀ ਕਰਕੇ) ਬੀਜ ਬੀਜਦਾ ਹੈ, ਬੀਜ ਤੋਂ ਪੌਦੇ ਉੱਗਦੇ ਹਨ, ਫਿਰ ਅਨਾਜ ਪੈਦਾ ਹੁੰਦਾ ਹੈ। ਜਦੋਂ ਅਨਾਜ ਪੱਕ ਜਾਂਦਾ ਹੈ ਤਾਂ ਫਸਲ ਵਿਚੋਂ ਕਿਸਾਨ ਅਨਾਜ ਅਤੇ ਤੂੜੀ ਨੂੰ ਅਲੱਗ ਕਰ ਦਿੰਦਾ ਹੈ। ਅਨਾਜ ਦੇ ਨਾਲ ਪਲਾਲ (ਪਰਾਲੀ) ਆਪਣੇ ਆਪ ਆ ਜਾਂਦੀ ਹੈ। ਇਸ ਪ੍ਰਕਾਰ ਸ੍ਰੀ ਸੰਘ ਦੀ ਭਗਤੀ ਕਰਨ ਨਾਲ ਜਦੋਂ ਤੀਰਥੰਕਰ ਤੇ ਅਰਿਹੰਤ ਪਦ ਪ੍ਰਾਪਤ ਹੁੰਦਾ ਹੈ ਤਾਂ ਕੀ ਚੱਕਰਵਰਤੀ ਅਤੇ ਇੰਦਰ ਪਦ ਨਹੀਂ ਮਿਲਦੇ ? ਜ਼ਰੂਰ ਮਿਲਦੇ ਹਨ। ਜਿਸ ਸ੍ਰੀ ਸੰਘ ਦੇ ਗੁਣਗਾਣ ਵਿਚ ਦੇਵ ਗੁਰੂ ਬ੍ਰਹਸਪਤਿ ਕਰਨ ਵਿਚ ਅਸਮਰੱਥ ਹਨ, ਇਹ ਸ਼੍ਰੀ ਸੰਘ ਕਿਸ ਤਰ੍ਹਾਂ ਦਾ ਹੈ ? ਇਹ ਸ਼੍ਰੀ ਸਿੰਘ ਸਾਰੇ ਪਾਪ ਕਰਮਾਂ ਦਾ ਖ਼ਾਤਮਾ ਕਰਨ ਵਿਚ ਸਮਰੱਥ ਹੈ। ਅਜਿਹਾ ਜਾਣ ਕੇ ਸ਼੍ਰੀ ਸੰਘ ਦੀ ਭਗਤੀ ਕਰਨੀ ਚਾਹੀਦੀ ਹੈ।