Sindur Prakaran

Author(s): Purushottam Jain, Ravindra Jain
Publisher: Purshottam Jain, Ravindra Jain

Page 49

ਹੇ ਤਰਨਹਾਰ ਜੀਵੋ ! ਤੁਸੀਂ ਮਾਇਆ (ਕਪਟ) ਦੂਰੋਂ ਹੀ ਛੱਡ ਦੇਵੋ। ਇਹ ਕਪਟ ਚਤੁਰਾਈ ਨੂੰ ਪੈਦਾ ਕਰਨ ਵਿਚ ਬਾਂਝ ਇਸਤਰੀ ਦੀ ਤਰ੍ਹਾਂ ਹੈ, ਜਿਸ ਤਰ੍ਹਾਂ ਬਾਂਝ ਔਰਤ ਪੁੱਤਰ ਪੈਦਾ ਨਹੀਂ ਕਰ ਸਕਦੀ, ਉਸ ਤਰ੍ਹਾਂ ਕਪਟ ਕਾਰਨ ਜੀਵ ਵਿਚ ਗੁਣ ਪੈਦਾ ਨਹੀਂ ਹੋ ਸਕਦੇ। ਇਹ ਕਪਟ ਸੱਚ ਰੂਪੀ ਸੂਰਜ ਨੂੰ ਡੋਬਣ ਵਾਲੀ ਸ਼ਾਮ ਦੀ ਤਰ੍ਹਾਂ ਹੈ। ਜਿਵੇਂ ਸੂਰਜ ਛੁਪਣ ਨਾਲ ਚਾਰੇ ਪਾਸੇ ਹਨੇਰਾ ਛਾ ਜਾਂਦਾ ਹੈ, ਉਸੇ ਤਰ੍ਹਾਂ ਕਪਟੀ ਕੋਲ ਸੱਚੇ ਵਚਨ ਲੁਪਤ ਹੋ ਜਾਂਦੇ ਹਨ।
| ਕਪਟ ਦਾ ਸੇਵਨ ਦੁਰਗਤਿ ਰੂਪੀ ਇਸਤਰੀ ਦੇ ਗਲ ਵਿਚ ਵਰ ਮਾਲਾ ਪਾਉਣ ਦੀ ਤਰ੍ਹਾਂ ਹੈ। ਇਹ ਕਪਟ ਮੋਹ ਰੂਪੀ ਹਾਥੀ ਦੇ ਰਹਿਣ ਦਾ ਠਿਕਾਣਾ ਹੈ। ਇਹ ਛਲ ਕਪਟ ਸਮਭਾਵ ਰੂਪੀ ਕਮਲ ਨਾਲ ਭਰੇ ਜੰਗਲ ਨੂੰ ਪਾਲੇ ਦੀ ਤਰ੍ਹਾਂ ਸੁਕਾ ਦਿੰਦਾ ਹੈ। ਭਾਵ ਜਿਵੇਂ ਪਾਲਾ ਪੈਣ ਨਾਲ ਰੂਪ ਕਮਲ ਜੰਗਲ ਸੁੱਕ ਜਾਂਦਾ ਹੈ, ਉਸੇ ਤਰ੍ਹਾਂ ਕਪਟ ਆਦਿ ਦੁਰਗੁਣਾਂ ਕਾਰਨ ਸੱਮਿਅਕ ਗਿਆਨ, ਸੱਮਿਅਕ ਦਰਸ਼ਨ ਅਤੇ ਸਿੱਖਿਅਕ ਚਾਰਿੱਤਰ ਆਦਿ ਗੁਣ ਨਸ਼ਟ ਹੋ ਜਾਂਦੇ ਹਨ।
ਬੇਇੱਜ਼ਤੀ ਦਾ ਨਿਵਾਸ ਕਪਟ ਨਗਰੀ ਹੈ। ਹਜ਼ਾਰਾਂ ਕਪਟਾਂ ਦੀ ਸਹਾਇਤਾ ਕਰਨ ਵਾਲੀ ਇਹ ਮਾਇਆ (ਕਪਟ) ਹੈ। ਇਸ ਲਈ ਮਾਇਆ ਨੂੰ ਦੂਰ ਤੋਂ ਹੀ ਛੱਡ ਦੇਵੋ।
(53) . ਜੋ ਅਨੇਕ ਯਤਨ ਕਰਕੇ ਕਪਟ ਕਰਨੇ ਦੇ ਲਈ ਹੋਰ ਭੋਲੇ ਭਾਲੇ ਮਨੁੱਖਾਂ ਨੂੰ ਠੱਗਦੇ ਹਨ, ਉਹ ਮਨੁੱਖ ਮਹਾਮੋਹ ਰਾਜਾ ਦੇ ਮਿੱਤਰ ਦੀ ਸਵਰਗ ਤੇ ਮੋਕਸ਼ ਦੇ ਸੁੱਖ ਤੋਂ ਰਹਿਤ ਹੋ ਕੇ ਆਪਣੇ ਆਪ ਨੂੰ ਠੱਗਦੇ ਹਨ। ਭਾਵ ਮਾਇਆ ਦੇ ਸੇਵਕ ਮਹਾਮੋਹ ਰੂਪੀ ਰਾਜਾ ਦੇ ਮਿੱਤਰ ਬਣ ਜਾਂਦੇ ਹਨ। ਉਹ ਜੀਵ ਸਵਰਗ ਤੇ ਮੋਕਸ਼ ਨੂੰ ਪ੍ਰਾਪਤ ਨਾ ਹੋਣ ਕਾਰਨ ਖੁਦ ਨੂੰ ਹੀ ਠੱਗਦੇ ਹਨ।
(54)