Sindur Prakaran

Author(s): Purushottam Jain, Ravindra Jain
Publisher: Purshottam Jain, Ravindra Jain

Page 63

ਧਾਰਨ ਦੀ ਇੱਛਾ ਵੀ ਕਰਦਾ ਹੈ। ਜਿਸ ਨਾਲ ਪਾਪ ਦਾ ਖ਼ਾਤਮਾ ਕਰਦਾ ਹੈ। ਦਿਆਲੂ ਕਲਿਆਣ ਦੇ ਸਮੂਹ ਨੂੰ ਪ੍ਰਾਪਤ ਕਰਨ ਦੀ ਇੱਛਾ ਕਰਦਾ ਹੈ। ਸੰਸਾਰ ਰੂਪੀ ਸਮੁੰਦਰ ਦੇ ਕਿਨਾਰੇ ਨੂੰ ਪ੍ਰਾਪਤ ਕਰਨ ਦੀ ਇੱਛਾ ਕਰਦਾ ਹੈ। ਮੋਕਸ਼ ਰੂਪੀ ਲੱਛਮੀ ਨੂੰ ਆਪਣੀਆਂ ਬਾਹਾਂ ਵਿਚ ਭਰਦਾ ਹੈ। ਇਸ ਲਈ ਅਸ਼ੁਭ ਭਾਵ ਛੱਡ ਕੇ ਸ਼ੁਭ ਭਾਵਾਂ ਵੱਲ ਵੱਧਣਾ ਚਾਹੀਦਾ ਹੈ।
ਸੰਮਿਅਕਤਵ ਨਾਲ ਸ਼ੁਭ ਭਾਵਾਂ ਨੂੰ ਕਰਨਾ ਚਾਹੀਦਾ ਹੈ ਕਿਉਂਕਿ ਮਿੱਥਿਆਤਵ ਪੂਰਵਕ ਜੋ ਭਾਵ ਹੁੰਦੇ ਹਨ, ਉਹ ਸਭ ਪਾਪ ਬੰਧਨ ਦੇ ਕਾਰਨ ਹਨ, ਸੰਸਾਰ ਦੇ ਜਨਮ ਮਰਨ ਵਿਚ ਵਾਧਾ ਕਰਨ ਵਾਲੇ ਹਨ। ਇਸ ਲਈ ਸ਼ੁਭ ਭਾਵਾਂ ਵਿਚ ਆਪਣੀ ਆਤਮਾ ਨੂੰ ਲਾਉਣਾ ਚਾਹੀਦਾ ਹੈ।
(87)
ਹੇ ਤਰਨਯੋਗ ਪ੍ਰਾਣੀਓ ! ਸ਼ੁਭ ਭਾਵਨਾ ਦਾ ਸੇਵਨ ਕਰੋ। ਦੂਸਰੇ ਕਸ਼ਟ ਦਾ ਇੱਕ ਕੰਮ, ਜੋ ਸ਼ੁਭ ਭਾਵਨਾਵਾਂ ਤੋਂ ਰਹਿਤ ਹਨ, ਉਹਨਾਂ ਦਾ ਕੀ ਲਾਭ ਹੈ ? ਇਸ ਲਈ ਕਰਨਯੋਗ, ਨਾ ਕਰਨ ਯੋਗ ਕੰਮ ਵਿਚਾਰ ਰੂਪੀ ਜੰਗਲ ਨੂੰ ਸਿੰਜਣ ਵਾਲੀ ਨਹਿਰ ਦੀ ਤਰ੍ਹਾਂ ਹੈ। ਉਪਸੁਮ (ਕਰਮ ਖਾਤਮੇ) ਸੁੱਖ ਨੂੰ ਦੇਣ ਵਾਲੀ ਸੰਜੀਵਨੀ ਅਤੇ ਸੰਸਾਰ ਸਮੁੰਦਰ ਪਾਰ ਕਰਾਉਣ ਵਾਲੀ ਵਿਸ਼ਾਲ ਕਿਸ਼ਤੀ ਦੀ ਤਰ੍ਹਾਂ ਹੈ। ਇਹ ਸ਼ੁਭ ਭਾਵਨਾ ਕਾਮ ਰੂਪੀ ਅੱਗ ਦਾ ਨਾਸ਼ ਕਰਨ ਵਿਚ ਬੱਦਲਾਂ ਦੀ ਤਰ੍ਹਾਂ ਹੈ। ਚੰਚਲ ਇੰਦਰੀਆਂ ਰੂਪੀ ਹਿਰਨ ਨੂੰ ਕਾਬੂ ਕਰਨ ਵਿਚ ਜਾਲ ਦੀ ਤਰ੍ਹਾਂ ਹੈ। ਬੜੇ ਵਿਸਥਾਰ ਵਾਲੇ ਕਸ਼ਾਇ ਰੂਪੀ ਪਰਬਤ ਨੂੰ ਚੀਰਨ ਵਿਚ ਬੱਜਰ ਦੀ ਤਰ੍ਹਾਂ ਇਹ ਸ਼ੁਭ ਭਾਵ ਹੈ, ਮੋਕਸ਼ ਰੂਪੀ ਰਾਹ ਤੇ ਚੱਲਣ ਵਿਚ ਸ਼ੁਭ ਭਾਵ ਪੱਖਚਰ ਦੀ ਤਰ੍ਹਾਂ ਭਾਰ ਢੋਂਦੇ ਹਨ। ਇਸ ਲਈ ਸ਼ੁਭ ਭਾਵਨਾਵਾਂ ਨੂੰ ਧਾਰਨ ਕਰੋ।
(88)