Sindur Prakaran

Author(s): Purushottam Jain, Ravindra Jain
Publisher: Purshottam Jain, Ravindra Jain

Page 54

ਕਰਨਾ ਚਾਹੁੰਦਾ ਹੈ, ਉਹ ਪ੍ਰਮਾਦ (ਅਣਗਹਿਲੀ) ਵਾਲ, ਧਨ ਦੀ ਇੱਛਾ ਕਰਦਾ ਹੈ। ਮੂਰਖ ਹੋ ਕੇ ਕਵਿਤਾ ਰਚਨ ਦੀ ਇੱਛਾ ਕਰਦਾ ਹੈ, ਥੋੜ੍ਹੀ ਬੁੱਧੀ ਹੋ ਕੇ ਸ਼ਾਸਤਰ ਗਿਆਨ ਦਾ ਵਿਦਵਾਨ ਬਣਨ ਦੀ ਇੱਛਾ ਕਰਦਾ ਹੈ, ਅੰਨ੍ਹਾ ਹੋ ਕੇ ਸਾਰੇ ਪਦਾਰਥ ਵੇਖਣ ਦੀ ਇੱਛਾ ਕਰਦਾ ਹੈ, ਚੰਚਲ ਚਿੱਤ ਹੋ ਕੇ ਧਿਆਨ ਦੀ ਇੱਛਾ ਕਰਦਾ ਹੈ (ਭਾਵ ਸਾਧ ਸੰਗਤ ਬਿਨਾਂ ਕੀਤੇ ਕੰਮ ਉਪਰੋਕਤ ਕੰਮਾਂ ਦੀ ਤਰ੍ਹਾਂ ਹਨ।)
(65)
ਮਨੁੱਖ ਨੂੰ ਉੱਤਮ ਪੁਰਸ਼ਾਂ ਦੀ ਸੰਗਤ ਨਾਲ ਕੀ ਕੁਝ ਨਹੀਂ ਮਿਲ ਸਕਦਾ ? ਭਾਵ ਸਤਿ ਸੰਗਤ ਨਾਲ ਸਭ ਕੁਝ ਮਿਲਦਾ ਹੈ। ਸਤਿ ਸੰਗਤ ਨਾਲ ਭੈੜੀ ਬੁੱਧੀ ਦਾ ਖ਼ਾਤਮਾ ਹੁੰਦਾ ਹੈ। ਮੋਹ ਤੇ ਮਿਥਿਆ ਦਰਸ਼ਨ (ਅਗਿਆਨ) ਦਾ ਖ਼ਾਤਮਾ ਹੁੰਦਾ ਹੈ। ਵਿਵੇਕ (ਸੰਜਮ) ਉਤਪੰਨ ਹੁੰਦਾ ਹੈ, ਸੰਤੋਸ਼ ਜਨਮ ਲੈਂਦਾ ਹੈ, ਨਿਆਂ ਦੀ ਉਤਪਤੀ ਹੁੰਦੀ ਹੈ, ਗੁਣਾਂ ਦੇ ਸਮੂਹ ਵਿਚ ਵਾਧਾ ਹੁੰਦਾ ਹੈ, ਵਿਨੈ ਆਦਿ ਗੁਣਾਂ ਦਾ ਵਿਸਥਾਰ ਹੁੰਦਾ ਹੈ, ਕੀਰਤੀ ਵਿਚ ਵਾਧਾ ਹੁੰਦਾ ਹੈ, ਨਰਕ ਤੇ ਪਸ਼ੂ ਜੂਨ ਦਾ ਨਾਸ਼ ਹੁੰਦਾ ਹੈ, ਆਤਮਾ ਨੂੰ ਧਰਮ ਦੀ ਪ੍ਰਾਪਤੀ ਹੁੰਦੀ ਹੈ।
(66)
ਹੇ ਮਨ ! ਜੇ ਤੂੰ
ਬੁੱਧੀ ਦੇ ਸਮੂਹ ਨੂੰ ਪ੍ਰਾਪਤ ਕਰਨਾ ਚਾਹੁੰਦਾ ਹੈ, ਦੁੱਖਾਂ ਨੂੰ ਦੂਰ ਕਰਨਾ ਚਾਹੁੰਦਾ ਹੈ, ਸੁੱਖ ਦੇ ਰਸਤੇ ਤੇ ਚੱਲਣਾ ਚਾਹੁੰਦਾ ਹੈ, ਯੱਸ਼ ਕੀਰਤੀ ਨੂੰ ਪ੍ਰਾਪਤ ਕਰਨ ਦੀ ਇੱਛਾ ਕਰਦਾ ਹੈ, ਬੇਇਮਾਨੀ ਨੂੰ ਛੱਡਣਾ ਚਾਹੁੰਦਾ ਹੈ, ਧਰਮ ਦੀ ਪ੍ਰਾਪਤੀ ਦੀ ਇੱਛਾ ਕਰਦਾ ਹੈ, ਪਾਪ ਕਰਮ ਦੇ ਫਲ ਨੂੰ ਰੋਕਣਾ ਚਾਹੁੰਦਾ ਹੈ, ਸਵਰਗ ਤੇ ਮੁਕਤੀ ਰੂਪੀ ਲੱਛਮੀ ਨੂੰ ਪ੍ਰਾਪਤ ਕਰਨ ਦਾ ਇੱਛੁਕ ਹੈ ਤਾਂ ਤੂੰ ਗੁਣਵਾਨ ਆਤਮਾਵਾਂ ਦੀ ਸ਼ਰਨ ਅੰਗੀਕਾਰ ਕਰ। ਇਸੇ ਨਾਲ ਤੈਨੂੰ ਉਪਰੋਕਤ ਵਸਤਾਂ ਪ੍ਰਾਪਤ ਹੋਣਗੀਆਂ।
(67)