________________
અરિહંત પરમાત્મા કેવા છે ? નિરૂપમજ્ઞાનબલવિર્યતેજઃશનૈશ્વર્યમય છે.
તેમનું જ્ઞાન નિરૂપમ છે. જ્ઞાનાતિશયથી શોભતું કેવળજ્ઞાન જગતના સઘળા જ્ઞાનોથી નિરૂપમ છે. બલ અને વીર્ય પણ નિરૂપમ છે. જેમણે પગના અંગૂઠા વડે મેરૂને કંપાવ્યો હતો, જેમની હાથની ટચલી આંગળીમાં જે બળ છે તે આખા જગતના બળને ભેગું કરવામાં આવે તો પણ તેટલું બળ ન થાય તેવું છે. વીર્ય તો તેમનું પૃથ્વીને પણ છત્ર કરવાના સામર્થ્યવાળું છે પરંતુ તેવું કરતા નથી. વળી તેજ પણ નિરૂપમ છે તેથી તેમનું મુખ એવું તેજસ્વી છે કે જેના તેજને સંહરી ભામંડલ બનાવવું પડે છે ત્યારે તે જોઈ શકાય છે. તેમની શક્તિ નિરૂપમ છે. જે શક્તિ ફેરવીને કર્મોનો કચ્ચરઘાણ કાઢી કેવળજ્ઞાન મેળવે છે. ઐશ્વર્ય પણ નિરૂપમ છે. જેની ત્રણ ભુવનમાં ઉપમા નથી. દેવો સમવસરણ રચે છે તેની શોભા અદ્વિતીય હોય છે. વળી કરોડો દેવો તો નિરંતર સેવામાં હાજર રહે છે. આ રીતે નિરૂપમજ્ઞાનબલવીર્યતેજઃ-શકઐશ્વર્યમય છે. ·
-
આપ્તિ પુરુષાય – વળી પરતત્ત્વ કેવું છે ? આદિ પુરુષ છે. આદિ પુરુષ તરીકે પરતત્ત્વ છે કેમ કે તે ચૈતન્યશક્તિરૂપ છે. તે દરેકમાં આદિરૂપ છે: તેના સિવાય જગત નથી અને એક પણ પુરુષાર્થ નથી. જગતના સર્જનમાં પ્રથમ ચૈતન્યશક્તિ છે. તે શક્તિ છે તો જ પુરુષાર્થ થઈ શકે છે. માટે તે આદિ પુરુષ છે.
અરિહંત પરમાત્મા કેવા છે ? આદિ પુરુષ છે.
જેમણે જગતનું સ્વરૂપ દેખાડ્યું, વ્યવહાર, બતાવ્યો, નિશ્ચય બતાવ્યો અને મુક્તિનો માર્ગ સ્પષ્ટ કર્યો તેથી તે આદિપુરુષ થયા. ત્યારપછી ગણધર ભગવંતોએ આચાર્ય ભગવંતોએ તે માર્ગ આપણા સુધી પહોંચાડ્યો માટે આદિ પુરુષ અરિહંત પરમાત્મા છે.
શક્રસ્તવ
૧૨૫
