________________
S૨૧ છે.
વળી તે સ્થાન સર્વદુઃખલય છે. તે સ્થાનમાં આવનારના સર્વે દુઃખનો ક્ષય થઈ ગયેલો હોવાથી તે સ્થાનમાં સર્વ દુઃખોનો ક્ષયનાશ હોય છે. અર્થાત્ ત્યાં દુઃખનું નામ હોતું નથી એવું તે સ્થાન છે.
વળી કૈવલ્ય છે. તે સ્થાન કેવળ છે, માત્ર છે, ફક્ત છે, અર્થાત્ તે સ્થાન સિદ્ધ ભગવંતોથી વ્યાપ્ત હોવાથી માત્ર તે સ્થાન છે ત્યાં બીજું કાંઈ નથી.
વળી તે સ્થાન અમૃતમ્ છે. એટલે કે અમૃત સ્વરૂપ છે ત્યાં મરણ નથી માટે તે સ્થાન અમરરૂપ - શાશ્વત હોવાથી અમૃત સ્વરૂપ છે.
વળી તે નિર્વાણમ્ છે. બુઝાઈ ગયેલું છે તે સ્થાનમાં સંસર્ગના બધા ભાવો બુઝાઈ ગયા છે. અર્થાત્ આઠ કર્મો નાશ પામી ગયેલા હોવાથી કેવળ આત્મા સ્વરૂપે સ્થિત છે. શીર-આયુ વિ. સર્વ કર્મો બુઝાઈ ગયેલા હોવાથી તે આત્માનું રહેવાનું સ્થાન પણ નિર્વાણ સ્વરૂપ છે.
વળી અક્ષરમ્ છે. ક્ષર એટલે ઝરવું નાશ પામવું. સિદ્ધિગતિ નાશ પામતી નથી અર્થાત્ ધીરે - ધીરે ક્ષય પામીને પણ નષ્ટ થતી નથી માટે તે અક્ષર છે.
વળી તે સ્થાન પરબ્રહ્મ છે. એટલે કે પરબ્રહ્મ સ્વરૂપ છે. તે સ્વમાં કેવળ પરબ્રહ્મ સ્વરૂપ આત્મા જ સ્થિતિ કરતા હોવાથી તે પરબ્રહ્મ સ્વરૂપ છે ત્યાં કેવળ આ આત્માઓને રહેવા માટેનું સ્થાન હોવાથી પરબ્રહ્મસ્વરૂપ સ્થાન બની ગયેલું છે માટે તે સ્થાન પણ પરબ્રહ્મસ્વરૂપ છે.
વળી તે નિઃશ્રેયસ્ છે. આ સ્થાન અત્યંત કલ્યાણકર આત્માના કલ્યાણનું ઘર હોવાથી તે સ્થાન નિઃશ્રેયસ્ સ્વરૂપ છે.
૧૩૪
શકાય
