Shakrastava

Author(s): Padmalatashreeji
Publisher: Premilaben Jayantilal Shah

Page 204

રહસ્યાર્થઃ સુકૃત અને દુષ્કત એ બંને મુક્તિમાં બાધક છે માટે તે દેવ! હે આત્મદેવ! પર્યાયમાં રહેલા અમે જે કાંઈ પુણ્ય-પાપ કરીએ છીએ તે સર્વને હે જિન ! હે વીતરાગ ! હે શુદ્ધાત્મા! નિજ સ્થાનમાં રહેલા અર્થાત્ આત્મભાવમાં રહેલા મારા તે કર્મને તું હુંકારપૂર્વક ક્ષીણ કરતો ભગાડી મૂક અથવા ખપાવી દે.
મૂત્ર -
गुह्यातिगुह्य गोप्ता त्वं, गृहाणास्मत्कृतं जपम् । सिद्धिः श्रयति मां येन, त्वत्प्रसादात्त्वयि स्थितम् ॥५॥
અર્થ તું ગુહ્યથી પણ અતિગુહ્ય રક્ષણ કરનાર છું. અમારા કરેલા જપને તું ગ્રહણ કર, જેથી તારી મહેરબાનીથી તારે વિષે રહેલા મને સિદ્ધિ આશ્રય કરે.
રહસ્યાર્થઃ હે જિન ! ચૈતન્ય શક્તિરૂપ આત્મદેવ ! તું જગતનું રક્ષણ કરે છે પરંતુ કોઈ કળી શકતું નથી માટે તું ગુહ્યમાં પણ અતિગુહ્ય રક્ષિત છું. મારા રક્ષણ કરનાર એવા આપનું હું કેવી રીતે ઋણ ચૂકવું? કેમ કે તું ગુહ્યથી પણ અતિશય ગુહ્ય છું ! માટે તું અમારા કરેલા તારા નામના જાપને ગ્રહણ કર ! જેથી ઋણમુક્ત થયેલા એવા મારા ઉપર તારો પ્રસાદ થવાથી-કૃપા થવાથી તારામાં રહેલા મને (અર્થાત તારામાં અભેદરૂપ રહેલા મને) સિદ્ધિની પ્રાપ્તિ થાય.
૧૪૮
શકાય