Saptapadarthi

Author(s): Shivadityacharya, Jinvardhansuri, J S Jetly
Publisher: L D Indology Ahmedabad

Page 26

।। सर्वज्ञाय नमः ।। ।। श्रीजयप्रभसूरिगुरुभ्यो नमः ।।
शिवादित्याचार्यसूत्रिता सप्त पदार्थी जिनवर्धनसूरिकृतव्याख्यया सहिता । श्रीवर्धमानजिनपोऽस्तु स विघ्नहन्ता
सिंह: स्वतः प्रबलवीर्ययुताय यस्मै । दत्त्वा निजासनमसौ कुरुतेऽङ्घ्रिसेवां
सिंहासनोपरि यतो भगवान् रराज ।।१।। प्रभावविभवावासं प्रतिभादानदक्षिणम् । स्पृशामि शिरसा सौध' गुरुपादरजःकणम् ।।२।। पूर्वशास्त्रानुसारेण बालानां मन्दमेधसाम् । शेमुषीसिद्धये' रम्या जिनवर्द्धनसूरिणा ।।३।। अज्ञानतिमिरध्वंससप्तसप्तिप्रभानिभा ।
किञ्चित् सप्तपदा या व्याख्या प्रस्तूयते मया ।। युग्मम् ।।४।। अतिगहनगम्भीरकणादसूत्र-"प्रशस्तकरभाष्यादिमहाशास्त्रेभ्योऽल्पमेधसां शिष्याणां पदार्थबोधाऽसम्भवात् श्रीशिवादित्याचार्यः तत्प्रतिबोधायाऽल्पतरं सुबोधं सप्तपदा प्रकरणं चिकीर्षुरादौ सर्वविघ्नोपशान्तये शिष्टाचारप्रतिपालनाय चेष्टदेवतानमस्कारमाह
हेतवे जगतामेव संसारार्णवसेतवे ।
प्रभवे सर्वविद्यानां शम्भवे गुरवे नमः ।।१।। नमः-भक्तिभरनि तो मनोवाकायैः प्रह्वीभवामि । 'नम' इत्युक्ते कस्मै नम इत्याकाङ्क्षा । तन्निरासार्थं 'शम्भव' इति । शं सुखं भवत्यस्मादिति शम्भुः-इतिकृत्वा स्रक्चन्दनवनितादेरपि नमस्या स्यात् । तन्निरासार्थं 'गुरव' इति । ननु गृणाति वदति तत्त्वमिति गुरु:-इतीश्वरे गुरुत्वं न सम्भवति,
१. दक्षणम् अ. २ । २. सौव अ. ५। ३. श्लोकोऽयं अ. २ प्रतौ नास्ति । १. शेमुषी = बुद्धिः । ५. प्रशस्तपदभा'
अ.१ ।