Santukumar Chariya

Author(s): H C Bhayani, Madhusudan Modi
Publisher: L D Indology Ahmedabad

Page 175

१३९
६७
६८
७०
सोऊणमिणं वयणं सम-सुह-दुक्खस्स निय-वयंसस्स । कुमरो सणंकुमारो सवियक्को संकडावडिओ ॥ नणु नत्थि अकहियव्वं मित्ते सम्भाव-नेह-भरियम्मि । भिन्ने वि देह-मित्तेण जस्स चित्तेण न वि भेओ ॥ तह वि न जुज्जइ निय-चरिय-साहणं सुद्ध-बंस-जायाणं । निस्सारा होति गुणा साहिज्जंता सयं जम्हा ॥ ता एयमेत्थ पत्ताबसरं ति विचितिरो सविह - पत्तं । वउलमई विज्जाहर-धुयं निय-दइयमासज्ज ॥ जंपइ जहा पिए नियय-नाण-वलावगय-सयल-तत्ता सि । इय सयलं पि हु मह वइयरं वयंसस्स साहेसु ॥ मह उण निदाए लोयणाणि धम्मति दो-वि हरिणच्छि । इय भणिरो वि निसन्नो रइहर-रइयम्मि सयणिज्जे ॥ वउलमई उण लग्गा कहिउं निय-दइय-चरियम खिलं पि । तया किल कुमरो अवहरिऊण तुरंग-रयणेण ।। एगाए घोर-दव-दारुणाए विलसंत-सवर-मिहुणाए । विरसं-रसंत-कुंजर-जूहाए तसंत-हरिणाए । फुटुंत-गरुय-वंसाए डज्झमाणासमाण-विडवम्मि । खित्तो महाडईए कायर-जीयंत-हेउम्मि ॥ अह एस किमो त्ति वि-हू जाइहि त्ति विचिंतिरेण कुमरेण । मुक्का कराउ रज्जू तुरओ वि-हु तक्खण च्चेव ।। निल्लालियग्गजीहो गरुय-पिवासा-सुसंत-मुह-कुहरो । सासाऊरिय-हियओ · थक्को उद्ध-ट्टिओ चेव ॥
७२
७३
७४
७५
७६
७७
७०. २. सविहि. ३. वलउमइ. अंते : २७०० [ग्रंथाग्र]. ७२.२. धुम्मती. ७३.१. लग्ग; ३. तइय.