Santukumar Chariya

Author(s): H C Bhayani, Madhusudan Modi
Publisher: L D Indology Ahmedabad

Page 189

१५३
-
-
-
-
२३२
तत्तो सणंकुमारेण निय-पयावोवहसिय-दिणमणिणा। सिरि-भरहेसर-विहिणा छक्खंडा वि हु मही एसा ।। २३० वास-सहस्सिय-कालेण साहिया पयडिया य निय-कित्ति । तत्तो चउसहि-सहस्स-पिययमा-संग-दुल्ललिओ ।। २३१ वत्तीस-सहस्स-महानरिंद-मणि-मउड-लिहिय-पयवीढो । हय-गय-रह-चुलसीइ-लक्ख-भरक्कंत-महि-वट्ठो ॥ नव-निहि-चउदह-रयणोवलंभ-तइलोय-लोय-कय-तोसो । गयपुर-नयरे पत्तो दिट्ठो य सुराहिवेण तओ।। २३३ पुब्बं सोहम्मवई अहेसि एसो वि मज्झ सरिसो त्ति । परिचिंतिऊण अच्चंत-वंधु-बुद्धीए वेसमणो ॥ २३४ आणत्तो जह गंतुं गयपुर-नयरे . सणंकुमारस्स । . कुणसु पबंधेण लहुं पि महा. रज्जाहिसेयं ति ।। २३५ तह वण-मालं हारं छत्तं मउडं च पायवीढं च । सीहासणं च कुंडल-जुयलं चमरं च पाउय-जुयाणि ॥ २३६ पाहुडमिमं च घेज्जसु चक्किस्स तुम सणंकुमारस्स । इय विविहमिदं सिक्खं घेत्तूणं उत्तिमंगेण ।। २३७ सुरवइ-पेसिय-रंभा-तिलोत्तिमाहिं सहेव वेसमणो । काऊण करेसु नाह-पाहुडं गयपुरे पत्तो ॥ २३८ अह सिरि - सणंकुमारस्स चक्रिणो पाहुडं वियरिऊणं । जक्खो वेसमणो विण्णवेइ जह पहु सुरिंदेण ।। २३६ इह पेसिओ म्हि भणियव्वं पुण जह तुममहेसि सोहम्मे । तियसाहिवई पणमिर-समग्ग-सुर-रमणि-निउरुंवो ॥ २४० तुमए य चुए सुर-मंदिराउ [जाओ] इमो सुराहिवई । इय तेण बंधु-बुद्धीए तुह इमं पाहुडं पहियं ॥ २४१ *२३२मी गाथा पछी (एटले के हस्तप्रतमा ६३ थी ७७ भी गाथा सुधीमां) कोई वीजा ग्रंथनो अंश प्रक्षिप्त थयेलो छे. २३९. २. चक्किस्सणो. २४०- ३. सिररमणि.