Santukumar Chariya

Author(s): H C Bhayani, Madhusudan Modi
Publisher: L D Indology Ahmedabad

Page 184

१४८
.
अह विण्हुस्सिरि-मरणुल्लसंत-गुरु-सोग-विहुरिय-विवेओ । अंसु-जलाविल-नयणो विक्कमजसो नरवई · दढं ॥ १७२ रोएइ हसइ गायइ: वग्गइ नच्चेइ सुयइ उट्टेइ । .. अन्नाओ वि किरिया गहिलीहूओ कुणइ वहुहा ॥ १७३ न य विण्हुसिरीए कलेवरं छिवे उं पि देइ अन्नस्स । ता मंतीहिं मंतेऊण नरिंदं च वंचेउं ।। १७४ नेउं विण्हुसिरीए कलेवरं उज्झिअं अरण्णम्मि । निवई वि तिन्नि दियहाणि चत्त-नीसेस-आहारो ॥ १७५ थक्को वहु-प्पयारं विलवंतो ता समग्ग-सचिवेहिं । मरिही इमो न जी[व]इ तं अवलोहि (?) त्ति मंतेउं । १७६ नीओ अरण्ण-देसे तत्तो परिगलिर-पूय-पन्भारं । वायस-कुल-आयड्डिय-नयणजयं सगसगित-किमि ।। १७७ वहु-विह-विहंग-खंडिय-तुंडं अइ-पूयगंध - वीभच्छं । विण्हुस्सिरिमवलोएऊणं संजाय-वेरग्गो ॥ १७८ धिसिधिसि जोए निमित्तं पावेण कुलक्कमो परिच्चत्तो । निय-सोलं च कलंकियमाइण्णा पागय-किरिया ॥ १७६.. अप्पा विगोविओ सव्वत्थ महीए मए हयासेण । तीए इमो विवागो विवेइ - जण कय-भवुब्बेओ ॥ १८० इच्चाइ बहु-वियप्पं अप्पाणं निदिऊणमणुसमयं । जज्जर-तणं व रज्जं उज्झेउं सो महासत्तो ॥ १८१ गहिऊणं पव्वज्जं सुव्वय-मुणि-नाह-चलण-मूलम्मि । काऊण विविह-कट्टाणुढाणं तणुमिणं चइउं ॥ . १८२ तियसत्तेणुप्पन्नो सणंकुमारम्मि अमर-भवणम्मि । नियय-द्विइ-खएणं पुणो स तत्तो वि हु चवेऊण ॥ १८३
१७२. १. मरण. १७५. २. उज्झिउं. १७७. ४. किम. १७६. २. कुलयकम्मो. १८३. ४. ठयेऊण.