Ritthnemichariyam Part 1

Author(s): Swayambhudev, Ramnish Tomar, Dalsukh Malvania, H C Bhayani
Publisher: Prakrit Text Society Ahmedabad

Page 131

हरिवंसपुराणु जहिं सुंदर मंदिरई अणेयई चंदाइच्च-समपह-तेयई केत्तिउ वार-वार वोल्लिज्जइ हथिणायउरु कहो उवमिज्जइ
पत्ता तहिं पर एत्तिउ दोसु हरिवंस-महदह-डोहणु । दुम्मुहु दुण्णयवंतु जं वसइ दुदठु दुज्जोहणु ॥
[३] णयरु णिएवि गिय-रहसु ण रक्खइ पुच्छइ वालु मह-रिसि अक्खइ किह धरणिहे अंगई कंटइयइ णं णं धणई कणिसब्भहियई किह महि-चिहुर-भारु थिउ उच्चउ गं गं तरु-आराम-समुच्चउ किह उत्थल्लेवि उवहि अहिडिउ णं णं परिहा-वलठ परिठिउ किह हिमवंतु महंतु महीहरु णं णं पुर-पायारु मणोहरु किह हिमगिरि-सिहरई वहु-वहलई णं णं मंदिराई छुह-धवलई किह मेहउल महीयलु पत्तई णं णं गय-विंदई मय-मत्तई किह तरंग मयरहरहो केरा णं णं कुरु-तुरंग पर-पेरा
पत्ता किह थल-भिसिणी भावइ वियसियई सेय-सयवत्तई। गं गं ससि-धवलाई आयई दुज्जोहण-छत्तई ॥
[४] एत्थु अराइ-राय-रण-रोहणु णिवसइ कुरुव-राउ दुजोहणु सच्चहे पक्खिउ दुण्णयवंतउ तेण विवाहु जो हु आढत्तउ उवहि-माल वर-विक्कम-सोरहो देसइ णिय सुय भाणुकुमारहो । मंगल-तूरु एहु ओवज्जइ गंण पाउसे जलणिहि गज्जइ. ४ पुरवरे रच्छावण ओवट्टइ एत्तिउ कुरु-जण्णत्त पयट्टइ एत्थु विवाहे ताहे असुहावणु होसइ तुह जणणिहे महावणु तं णिसुणेवि कुमारु पलित्तउ गंदवग्गि दुव्वाएं छित्तउ । रिसि स-विमाणु मुएप्पिणु तेत्तहे पइसइ कुरुव-राय-पुरु जेत्तहे । ८