Ritthnemichariyam Part 1

Author(s): Swayambhudev, Ramnish Tomar, Dalsukh Malvania, H C Bhayani
Publisher: Prakrit Text Society Ahmedabad

Page 140

तेरहमो संधि
घत्ता
पुव्व-विरुद्ध एण असुरेण विओइउ । को तहो खउ करइ जो दइवें जोइउ ।।
खयरेण तक्खसिल-सिहरे मुक्कु विज्जाहरु संवरु ताम दुक्कु णिय-कंतहे तेण कुमारु दिण्णु परिपालिउ जा जोव्वणु पवण्णु वणिज्जइ काई अणंगु तेत्थु णिक्खोहु भरिउ सोहग्गु जेत्थु णिय-मायरि णयण-सरेहिं विद्ध अवणिय पाविणि पाव-रिख णह-मुहेहिं वियारिय सिहिण वे-वि णं थिय घुसिणंकिय कलस वे-वि णरवइ विरुद्ध धल्लिउ कुमार पावंतु लंभ मयणावयारु गउ वउल-वावि तहिं भायरेहिं सिल-उप्परि दिज्जइ कायरेहिं किउ संवरेण सहुं संपहार कलि फेडिवि आणिउ मई कुमार ८
, घचा सग्गहो ओयरेवि अवरु-वि आबेसइ । संव-कुमारु सुर जंववइहे होसइ ।
[६] रिसि-वयणेहि णिच्छय(१)-पुत्त-काम विण्णवइ णवेप्पिणु सच्चहाम तं त्यसल-वासउ देहि देव उप्पन्जई सो महु पुत्तु जेवं पडिवण्णु असेसु जणदणेण परियाणिउ रुप्पिणि-णंदणेण जंववाहे दिज्जइ णियय मुह जिह सच्च ण ढुक्कइ कहि-मि खुद्द ४ ठिय ताहे जे केरठ वेसु लेवि पइसरिय महुमह-भवणु देवि सुविणाबलि-दसण-दोहलेहि उप्पण्णु महंतेहिं सोहलेहि जय-गंब-बद्ध-वद्धावणेहि णच्चंतेहिं खुज्जय-वामणेहिं
घत्ता
संवु समिद्धि-गउ मयरद्धय-छंदे । वड्ढइ उवहि जिह वड्ढ़ते चंदे ॥