Dighnikayo Part 2

Author(s): Vipassana Research Institute Igatpuri
Publisher: Vipassana Research Institute Igatpuri

Page 289

२४२
दीघनिकायो-२
भेदा परं मरणा सुगतिं सग्गं लोकं उपपज्जेय्याथ, येन मे आगन्त्वा आरोचेय्याथइतिपि अत्थि परो लोको, अस्थि सत्ता ओपपातिका, अत्थि सुकतदुक्कटानं कम्मानं फलं विपाकोति । भवन्तो खो पन मे सद्धायिका पच्चयिका, यं भवन्तेहि दिट्ठ, यथा सामं दिट्ठ एवमेतं भविस्सती 'ति । ते मे 'साधू'ति पटिस्सुत्वा नेव आगन्त्वा आरोचेन्ति, न पन दूतं पहिणन्ति । अयम्पि खो, भो कस्सप, परियायो, येन मे परियायेन एवं होति - इतिपि नत्थि परो लोको, नत्थि सत्ता ओपपातिका, नत्थि सुकतदुक्कटानं कम्मानं फलं विपाको 'ति ।
गूथकूपपुरिसउपमा
४१५. “तेन हि, राजञ्ञ, उपमं ते करिस्सामि । उपमाय मिधेकच्चे विनू पुरिसा भासितस्स अत्थं आजानन्ति । सेय्यथापि, राजञ्ञ, पुरिसो गूथकूपे ससीसकं निमुग्गो अस्स । अथ त्वं पुरिसे आणापेय्यासि - 'तेन हि भो, तं पुरिसं तम्हा गूथकूपा उद्धरथा'ति । ते 'साधू' ति पटिस्सुत्वा तं पुरिसं तम्हा गूथकूपा उद्धरेय्युं । ते त्वं एवं वदेय्यासि – ‘तेन हि, भो, तस्स पुरिसस्स काया वेळुपेसिकाहि गूथं सुनिम्मज्जितं निम्मज्जथा’ति। ते ‘साधू'ति पटिस्सुत्वा तस्स पुरिसस्स काया वेळुपेसिकाहि गूथं सुनिमज्जितं निम्मज्जेय्युं । ते त्वं एवं वदेय्यासि - 'तेन हि भो, तस्स पुरिसस्स कार्य पण्डुमत्तिकाय तिक्खत्तुं सुब्बट्टितं उब्बट्टेथा'ति । ते तस्स पुरिसस्स काय पण्डुमत्तिकाय तिक्खत्तुं सुब्बट्टितं उब्बट्टेय्युं । ते त्वं एवं वदेय्यासि - 'तेन हि भो, तं पुरिसं तेलेन अब्भञ्जित्वा सुखुमेन चुण्णेन तिक्खत्तुं सुप्पधोतं करोथा'ति । ते तं पुरिसं तेलेन अब्भञ्जित्वा सुखमेन चुण्णेन तिक्खत्तुं सुप्पधोतं करेय्युं । ते त्वं एवं वदेय्यासि - 'तेन हि, भो, तस्स पुरिसस्स केसमस्सुं कप्पेथा 'ति । ते तस्स पुरिसस्स केसमस्सुं कप्पेयुं । ते त्वं एवं वदेय्यासि – ‘तेन हि भो, तस्स पुरिसस्स महग्घञ्च मालं महग्घञ्च विलेपनं महग्घानि च वत्थानि उपहरथा'ति । ते तस्स पुरिसस्स महग्घञ्च मालं महग्घञ्च विलेपनं महग्घानि च वत्थानि उपहरेय्युं । ते त्वं एवं वदेय्यासि - 'तेन हि भो, तं पुरिसं पासादं आरोपेत्वा पञ्चकामगुणानि उपट्ठापेथा 'ति । ते तं पुरिसं पासादं आरोपेत्वा पञ्चकामगुणानि उपट्ठापेय्युं ।
(२.१०.४१५-४१५)
“तं किं मञ्ञसि, राजञ्ञ, अपि नु तस्स पुरिसस्स सुन्हातस्स सुविलित्तस्स सुकप्पितके समस्सुस्स आमुक्कमालाभरणस्स ओदातवत्थवसनस्स उपरिपासादवरगतस्स
242