Dighnikayo Part 2

Author(s): Vipassana Research Institute Igatpuri
Publisher: Vipassana Research Institute Igatpuri

Page 303

२५६
दीघनिकायो-२
(२.१०.४३२-४३३)
राजो एवंवादी एवंदिट्ठी - इतिपि नत्थि परो लोको...पे०... विपाको'ति । सचाहं, भो कस्सप, इदं पापकं दिट्ठिगतं पटिनिस्सज्जिस्सामि, भविस्सन्ति मे वत्तारो- 'याव बालो पायासि राजञो, अब्यत्तो दुग्गहितगाही'ति । कोपेनपि नं हरिस्सामि, मक्खेनपि नं हरिस्सामि, पलासेनपि नं हरिस्सामी'ति ।
गूथभारिकउपमा
___ ४३२. "तेन हि, राजञ, उपमं ते करिस्सामि, उपमाय मिधेकच्चे विजू पुरिसा भासितस्स अत्थं आजानन्ति । 'भूतपुब्बं, राजञ, अञ्जतरो सूकरपोसको पुरिसो सकम्हा गामा अचं गामं अगमासि । तत्थ अद्दस पहूतं सुक्खगूथं छड्डितं । दिस्वानस्स एतदहोसि - अयं खो पहुतो सुक्खगूथो छड्डितो, मम च सूकरभत्तं; यंनूनाहं इतो सुक्खगूथं हरेय्यन्ति । सो उत्तरासङ्गं पत्थरित्वा पहूतं सुक्खगूथं आकिरित्वा भण्डिकं बन्धित्वा सीसे उब्बाहेत्वा अगमासि । तस्स अन्तरामग्गे महाअकालमेघो पावस्सि । सो उग्घरन्तं पग्घरन्तं याव अग्गनखा गूथेन मक्खितो गूथभार आदाय अगमासि । तमेनं मनुस्सा दिस्वा एवमाहंसु - कच्चि नो त्वं, भणे, उम्मत्तो, कच्चि विचेतो, कथहि नाम उग्घरन्तं पग्घरन्तं याव अग्गनखा गूथेन मक्खितो गूथभारं हरिस्ससीति । तुम्हे ख्वेत्थ, भणे, उम्मत्ता, तुम्हे विचेता, तथा हि पन मे सूकरभत्त'न्ति । एवमेव खो त्वं, राजन, गूथभारिकूपमो मछे पटिभासि । पटिनिस्सज्जेतं, राजञ, पापकं दिद्विगतं । पटिनिस्सज्जेतं, राजञ, पापकं दिट्टिगतं । मा ते अहोसि दीघरत्तं अहिताय दुक्खाया''ति ।
४३३. “किञ्चापि भवं कस्सपो एवमाह, अथ खो नेवाहं सक्कोमि इदं पापकं दिट्ठिगतं पटिनिस्सज्जितुं । राजापि मं पसेनदि कोसलो जानाति तिरोराजानोपि- 'पायासि राजञो एवंवादी एवंदिट्ठी- इतिपि नत्थि परो लोको...पे०... विपाको'ति । सचाहं, भो कस्सप, इदं पापकं दिट्ठिगतं पटिनिस्सज्जिस्सामि, भविस्सन्ति मे वत्तारो- 'याव बालो पायासि राजो अब्यत्तो दुग्गहितगाही'ति । कोपेनपि नं हरिस्सामि, मखेनपि नं हरिस्सामि, पलासेनपि नं हरिस्सामी"ति ।
256