Book Title: Dharmaratnakarandaka
Author(s): Vardhmansuri, Munichandravijay
Publisher: Shardaben Chimanbhai Educational Research Centre
View full book text ________________
३९२
आचार्य श्रीवर्धमानसूरिरचिते स्वोपज्ञटीकासहिते धर्मरत्नकरण्डके
त्यक्ता दुर्गतिवर्तनी प्रतिहता कष्टा परप्रेष्यता, मानुष्यं सफलीकृतं शशधरे स्वं नाम संलेखितम। सन्ध्यारागचला: श्रिय: सफलतां तैरेव सम्प्रापिता, यैः सद्वित्तचयेन शुद्धमनसा श्रीसङ्घपूजा कृता ॥३६८।। संसारसागरे पोतो, ज्ञानादिगुणभाण्डभृत् । येनायमर्चित: सङ्घ-स्तेन तीर्णो भवोदधिः ॥३६९।। यथाशक्ति यथाभक्ति, यथाकालं यथाधनम् । सङ्घपूजा सदा कार्या, जन्मसाफल्यमिच्छता ॥३७०॥ गृहिणा सद्विवेकेन, संसारभयभीरुणा। पूजनीय: सदा सङ्घः, कृतार्थं जन्म कुर्वता ॥३७१॥ आसन्नसिद्धिकैरेव, सङ्घश्च पूज्यते नरैः । सङ्घपूजारतश्चात्र, धनसारो निदर्शनम् ।।३७२॥
इति श्लोका: सप्तदश प्राय: सुगमा:, तथापि किञ्चिद्व्याख्यायते-कर्मद्रुमकुठारायेति । कर्माण्येव द्रुमा: कर्मद्रुमास्तेषां छेदकत्वात्कुठार इव कुठार: परशुस्तस्मै कर्मद्रुमकुठाराय, सर्वकल्याणकारिणे समस्तश्रेयोविधायिने, जगन्मङ्गलभूताय भुवनमङ्गलकल्पाय, सत्पात्राय शोभनभाजनाय, महात्मने पूज्यात्मने इति प्रथमश्लोकार्थः ॥३५६।।
तथा ज्ञानदर्शनचारित्रसम्पदां कुलसद्मने कुलगृहाय, संसारसारभूताय भवप्रधानकल्पाय, सर्वदासर्वस्मिन् काले सुखहेतवेसुखकारणायेति द्वितीयश्लोकार्थः ।।३५७।।
श्रीमत्सङ्घसमुद्रायेति श्रीमांश्चासौ सङ्घश्च श्रीमत्सङ्घ:, स एव समुद्रस्तस्मै श्रीमत्सङ्घसमुद्राय, गुणरत्नभृतात्मने ज्ञानादिगुणमाणिक्यात्मकाय, पूजां सपर्या पुण्यजन: पुण्यप्राणी कोऽपि कश्चित्कुरुते विधत्ते भक्तिनिर्भरो भक्तिप्रब इति तृतीयश्लोकार्थः ॥३५८॥
शिवसद्मसमारोहणनि:श्रेणि: सिद्धिसौधसमारोहणाधिरोहिणी, सरला दीर्घा, समा वैषम्यरहिता, गुणगात्रैर्ज्ञानादिगुणगात्रकै: समाकीर्णा व्याप्ता सङ्घभक्तिः सङ्घाराधना गरीयसी महीयसीति चतुर्थश्लोकार्थः ।।३५९।।
Jain Education International
For Private & Personal Use Only
www.jainelibrary.org
Loading... Page Navigation 1 ... 417 418 419 420 421 422 423 424 425 426 427 428 429 430 431 432 433 434 435 436 437 438 439 440 441 442 443 444 445 446 447 448 449 450 451 452 453 454 455 456 457 458 459 460 461 462 463 464 465 466