Book Title: Dharmaratnakarandaka
Author(s): Vardhmansuri, Munichandravijay
Publisher: Shardaben Chimanbhai Educational Research Centre
View full book text ________________
३९४ .
आचार्य श्रीवर्धमानसूरिरचिते स्वोपज्ञटीकासहिते धर्मरत्नकरण्डके
गृहिणा सद्विवेकेन, संसारभयभीरुणा। पूजनीय: सदा सङ्घः, कृतार्थं जन्म कुर्वता ॥२॥
इति श्लोकद्वयं कण्ठ्य म् ॥३७०-३७१॥ अथ सङ्घपूजाकर्तुरासन्नसिद्धिकत्वं दर्शयन् दृष्टान्तमाह-आसन्नसिद्धिकैरेवेत्यादि श्लोक: सुगमः ॥३७२॥
धनसारकथानकं त्विदंअस्तीह मन्दरोदार-सुरमन्दिरमण्डितम् । कैलासपर्वतोत्तुङ्ग-प्रेवत्प्राकारवेष्टितम् ॥१॥ भूरिपुण्यजनाकीर्णं, कुबेरपुरसन्निभम् । पुरं विश्वपुरं नाम, महाधनजनाकुलम् ॥२॥ बभूव तत्र विख्यातो, राजमान्यो महाधन: । महायशा महात्यागी, सार्थवाह: सुमङ्गल:।।३।। प्रकृत्यैव सदाचार:, सत्यसन्ध: सदाशय: । दयादाक्षिण्यसौजन्य-गाम्भीर्यादिगुणालय: ॥४॥ परोपकारतानिष्ठः, सुसन्तुष्टः प्रियंवदः । पापभीरु: सुधीरात्मा, धर्मिष्ठो धार्मिकप्रियः ॥५॥ कल्पवृक्ष इवाध्यक्ष-पूरितार्थिमनोरथ: । सद्बन्धुकुमुदानन्दी, सद्वृत्त: पार्वणेन्दुवत् ।।६।। सुरूप: सुभग: श्रीमान्, कृतज्ञः सुकृती कृती । सदादेयः सतां मुख्य:, शान्तमूर्तिर्गुणप्रियः ॥७॥ बभूव प्रेयसी तस्य, प्रीतिपात्रं प्रियंवदा । सुनन्दाख्या सतीमुख्या, बन्धुवर्गस्य वत्सला ॥८॥ मुक्तावलीव सद्वृत्ता, सद्गुणग्रामराजिनी । सौम्या सर्वजनानन्दा, चन्द्रमूर्तिरिवामला ॥९॥ पद्मपत्रविशालाक्षी, विशालकमलालया। मूर्ता लक्ष्मीरिवात्यन्तं, सर्वलोकस्य वल्लभा ॥१०॥ सीतेव रूपसम्पन्ना, शीलालङ्कारधारिणी । ध्वस्तदोषारुणस्येव, मूर्तिर्लब्धमहोदया ॥११॥ सालङ्कारा सुवर्णाढ्या, सुपदा लक्षणान्विता । सदर्था जैनवाणीव, विबुधानन्ददायिनी ॥१२॥ देवानां पूजने सक्ता, गुरूणां भक्तिकारिका । स्त्रीजनोचितकार्येषु, दक्षा सरलमानसा ॥१३॥ हर्षोल्लसितरोमाञ्चा, जल्पन्ती मधुरं वच: । या ददौ सर्वदा दानं, दीनादिभ्यो निरुत्सुका ॥१४॥ सप्रमोदोऽनया साधु, सार्थवाह: सुमङ्गलः । कुर्वाण: स्वकुलाचारं, बुभुजे विषयान् वरान् ॥१५॥ अन्यदा बहिरुद्याने, चम्पकामोदनामनि। विहरन्त: समायाता:, सूरय: शीलसुन्दरा:॥१६॥ भव्यपद्माकरादित्या, बहुशिष्या बहुश्रुताः । स्थिता: साधूचिते स्थाने, सर्वदोषविवर्जिते ॥१७।। वन्दनार्थं समायातो, नागरिको जनो बहुः । सुमङ्गलोऽपि सानन्दः, सपत्नीक: समाययौ ॥१८॥ ततो गम्भीरनादेन, सूरिभिर्गुणभूरिभिः । महामोहं निरस्यन्ती, प्रारब्धा धर्मदेशना ॥१९॥ भो भो भव्या भवादृ:-मङ्गु मोक्षाभिकाङ्गिभिः । विमुच्याधर्मकर्माणि, यतितव्यं धर्मकर्मसु ॥२०॥ यत: सद्धर्म एवात्र, सर्वसौख्यप्रसाधकः । साधुश्रावकभेदेन, स च द्वेधोदितो जिनैः ॥२१॥
Jain Education International
For Private & Personal Use Only
www.jainelibrary.org
Loading... Page Navigation 1 ... 419 420 421 422 423 424 425 426 427 428 429 430 431 432 433 434 435 436 437 438 439 440 441 442 443 444 445 446 447 448 449 450 451 452 453 454 455 456 457 458 459 460 461 462 463 464 465 466 