Dharmaratnakarandaka

Author(s): Vardhmansuri, Munichandravijay
Publisher: Shardaben Chimanbhai Educational Research Centre

Page 428

अधिकार २० / श्लोक ३७२ / धनसारकथा
४०१
सम्पद्यमाननिःशेष-निरन्तरमनोरथा । वर्धमाना यथासौख्यं, प्राप्ता च वरयौवनं ॥१४॥ अथैनामन्यदा बालां, क्रीडन्तीं निजमन्दिरे । सखीभि: सह सानन्दां, धनसारो व्यलोकयत् ॥१४२।। पूर्वजन्मानुभावेना-ऽनुरागोऽजनि तामभि । वीक्षिता सा चिरं तेन, लोचनैः स्नेहमन्थरैः ॥१४३॥ तयाप्येष जनाध्यक्ष, सस्नेहं सादरं चिरम् । सर्वाङ्ग मन्थरैनॆत्रै-रिवारं विलोकित: ॥१४॥ धनसास्तत: काम, विद्ध: कामशिलीमुखैः । गतो गेहे समं मित्र-स्तामेव हृदि चिन्तयन् ॥१४५॥ धनेनापि हि विज्ञातो, वृत्तान्तोऽयं कथञ्चन । तत: सम्प्रेषितास्तेन, तत्क्षणं निजका नराः ॥१४६॥ श्रीदत्तश्रेष्ठिनो गेहे, जयश्रीयाचनाकृते । गतास्ते कथितं तस्य, धनश्रेष्ठिवचस्तत: ॥१४७॥ प्रतिपन्नं ततस्तेन, वच: सानन्दचेतसा । तैरागत्य नरैस्तुष्टै-र्धनायेदं निवेदितम् ॥१४८॥ ततश्चोभयपक्षाभ्यां, समारब्धा सविस्तरम् । कर्तुं विवाहसामग्री, प्रमोदभरनिर्भरम् ॥१४९।। क्रमेण गणकाख्याते, सम्प्राप्ते लग्नवासरे । वृत्तं तयोः प्रमोदेन, पाणिग्रहणमङ्गलम् ॥१५०॥ पूर्वजन्मानुभावेन, धनसारजयश्रियोः । सञ्जातो निबिड: स्नेहः, समानन्दितचित्तयोः ।।१५१।। अथास्य धनसारस्य, जातं मित्रचतुष्टयम् । सदा शिष्टसमाचार, निबिडस्नेहबन्धुरम् ॥१५२॥ राजपुत्र:सुसेनाख्यो, मन्त्रिपुत्रो गुणाकरः। सार्थवाहसुतश्चन्द्रः, श्रेष्ठिपुत्र:शुभङ्करः॥१५३।। एवं च धनसारोऽसौ, सार्धं तैश्च वयस्यकैः । क्रीडन्नानाप्रकाराभिः, क्रीडाभि: प्रीतमानस: ।।१५४॥ प्रकृत्यैव दयादान-दाक्षिण्यादिगुणान्वित: । प्रकृत्यैव च धर्मार्थी, गमयति स्म वासरान् ॥१५५॥ अन्यदा तं पदे कृत्वा, तत्पिता धननामकः । धर्मस्थाने निजं वित्तं, विनियोज्य यथोचितम् ॥१५६॥ कृत्वा सौस्थ्यं कुटुम्बस्य, संविग्नो भवभीरुक: । शमसुन्दरसूरीणां, समीपे व्रतमाददे ।।१५७।। अथ कुलक्रमायातं, सद्व्यवहारमञ्जसा । विदधद्धनसारोऽपि, राजादिजनसम्मत: ।।१५८|| पूर्वजन्मकृतोदार-सङ्घपूजाप्रभावत: । अचिरादेव च त्रिंश-त्स्वर्णकोटीश्वरोऽजनि ॥१५९।। ततोऽसौ राजपुत्राद्यैः सममेव वयस्यकैः । कुर्वन् शिष्टसमाचारं, बुभुजे निजसम्पदम् ॥१६०॥ अन्यदा बहिरुद्याने, बकुलामोदनामनि । विहरन्त: समायाता, दयासाराख्यसूरयः ॥१६१।। शिष्यसङ्घसमायुक्ता, युक्ता: पञ्चमहाव्रतैः । मतिश्रुतावधिज्ञान-विज्ञातभवविस्तरा: ॥१६२॥ स्थिता: साधूचितस्थाने, सर्वदोषविवर्जिते । आयातो वन्दनार्थं च, नागरिको बहुर्जनः ॥१६३॥ श्रुत्वेदं धनसारोऽपि, समं राजसुतादिभिः । सद्भक्तिकौतुकाक्षिप्तो, वन्दनार्थमुपागतः ॥१६॥
ततश्च सूरिणा सजलजलदनादेन महामिथ्यात्वध्वान्तध्वंसनैकभानुप्रभोंपमा, शारीरमानसानेकदुःखदावानलविध्यापनैकमहामेघसमप्रभा, स्वर्गापवर्गसंसर्गकारिणी,. अपारसंसारसागरनिमजज्जन्तुसन्तानसमुत्तारविधायिनी प्रारब्धा धर्मदेशना. यथा भो भो भव्या ! जन्मजरामरणभीषणोऽयं संसार:, विविधाऽऽधिव्याधिविधुरोऽयं सदासन्नतरापाय: काय:, शरदभ्रविभ्रमोऽयं विभवविस्तार:,