Dharm vidhi Prakaranam

Author(s): Udaysinhsuri, Shreeprabhsuri
Publisher: Hansvijayji Library

Page 299

सयणं । सरलासओ महप्पा, तं कवडोवासगं भणइ ॥ ६६ ॥ कल्ले मए अवस्सं, गंतव्वं भाय ? सयणभवणम्मि । ता मज्झगिहे कल्ले, ठायव्वं रक्खणकएग ॥ ६७॥ नियकज्जसाहणसह, तं वयगं हरिसिओ स मन्नेइ । सिट्ठीवि तत्थ पत्तो, वीससिओ तम्मि दुट्ठमणे ॥३८. तम्मि दिणे पुरमज्झे, वट्टइ कोमुइमहसवो रम्मो । खिल्लंति पुरवहूओ, रासे तिगचच्चराइसु ॥६९।। खिल्लते नयरजणे, निस्संको कवडसावो सो वि । तं गहिऊण तुरंग, नीहरिभो सिट्टिगेहाओ ॥ ११७० ।। तुरओ वि जह ठिईए, जिणभवणं तिप्पयाहिणीकाउं । वारिज्जतो वि गओ, सरोवरे तम्मि नन्नत्य ॥ ७१ ॥ वलिउं सरोवराओ, पुणो वि पत्तो तमेव जिणभवणं । तत्तो वि गओ गेहे, सो तुरगो इय पुण पुणो वि ॥ ७२ ॥ सो कवडसावओ तं, कत्थ वि अन्नत्य नेउमसमत्थो । जा चिंतेइ उवाय, ताव पभायं पि संजायं ॥ ७३ ॥ अह उगते सूरे, तमु व नट्ठो सदुद्दनिवमंती । जिणदासो वि नियत्तो, तइया नियगेहमासज्जः॥७॥ आगच्छत्तो मग्गे, सिठ्ठी जणवयणओ सुणइ एयं । अज्ज जिणदासतुरओ, सयलं पि हु वाहिओ रतिं ॥ ७५ ॥ किमियं ति खुभियचित्तो, पत्तो गेहम्मि पिक्खइ तुरंगं । परिसंत फेणमुह, न पुणो तं सावयं कूडं ॥ ७६॥ चिट्ठइ एस तुरंगों, हा धम्मछलाउ तेण छलियो ई । इय हरिसविसाएहि, समगं आलिंगिओ सिट्टी ॥७७॥ अह रक्खइ जिणदासो, सविसेसं तद्दिणाउ तं तुरयं । उपहमेसो न गओत्ति वल्लहो सो बहुं जाओ ॥ ७८ ॥ तं अस्सं व पिए ? मं, को वि समत्थो न उप्पह नेउं । ता तत्तदिद्विदिटुं, मगं न मुयामि मुक्खस्स ॥ ७९ ॥ अह कणयसिरी जंपइ, छपिया पेमबंधुरं नाह ! । मा गामकूडसुय इव, जासु जडत्तेण उपहासं ॥१२८०॥ जह पुव्वं किर कत्थवि, गामे एगम्मि गामकूडसुओ। एगो विवन्नजणगो, अइक्खियमाउगो आसि ॥ ८१ ॥ तं अन्नया रुयंती, जंपइ जणणी तुम खु काउरिसो। परपर(रि)वायं