Dashvaikalaik Nandi Uvavai

Author(s): Hiralal Hansraj
Publisher: Hiralal Hansraj

Page 12

.
navrron
श्रीदसवैकालिकसूत्र-पश्चमाध्ययनम् तं भवे भत्तपाणं तु, संजयाण अकप्पि। दिति पडिआउक्खे, न मे कप्पइ तारिसं ॥ ६२ ॥
एवं उस्सिक्किया ओसकिया, उज्जालिआ पन्जालिआ निवाविया।
उस्सिचिया निस्सिचिया, उववत्तिया (उच्वत्तिया)ओवारिया दए ॥ ॥६३ ॥ तं भवे भत्तपाणं तु, संजयाण अकप्पिरं । दितिअं पडिआइक्खे, न मे कम्पइ तारिसं ॥ ६४ ॥ हुन्ज कटुं सिलं वावि, इट्टालं वावि एगया । ठविअं संकमट्ठाए, तं च हुज चलाचलं ॥६५॥ न तेण भिक्खू गच्छिन्ना, दिट्ठो तत्थ असंजमो। गंभीरं मुसिरं चेव, सबिदिअ समाहियं ॥६६॥ निस्सेणिं फलगं पीढं, उस्सवित्ता ण मारुहे। मंचं कीलं च पासायं, समणट्ठा एव दावए ॥ ६७ ॥
दुरूहमाणी पवडिजा, (पडिवज्जा) हत्थं पायं व लूसए।
पुढवीजीवे वि हिंसेज्जा, जे अ तनिस्सिआ जगे ॥ ॥६८ ॥ एआरिसे महादोसे, जाणिऊण महेसिणो। तम्हा मालोहडं भिक्खं, न पडिगिण्हंसि संजया ॥ ६९॥ कंद मूलं पलंब वा, आमं छिन्नं च सनिरं । तुवागं सिंगबेरं च, आमगं परिवजए ॥ ७० ॥ तहेव सत्तुचुम्नाई, कोलतुन्नाई आवणे । सक्कुलिं फालिअं पूअं, अन्नं वा वि तहाविहं ।। ७१ ॥ विकायमाणं पसढं, रएण परिफासि । दितिअं पडिआइक्खे, न मे कप्पइ तारिसं ॥ ७२ ॥ बहुअट्ठिअं पुप्गलं, अणिमिस वा बहुकंटयं । अत्थियं तिंदुयं बिल्लं, उच्छुखंडं व सिंबलिं ॥ ७३ ॥
अप्पे सिआ भोअणजाए, बहुउज्झिय धम्मिए (य)।
दितिअं पडियाइक्खे, न मे कप्पइ तारिस ॥ ॥७४ ।। तहेवुच्चावयं पाणं, अदुवा वारधोअणं । संसेइमं चाउलोदगं, अहुणाधो विवजए ॥ ७५ ॥ जाजाणेजा चिरावाआ, मइए दसणण वा, पडिपुच्छिऊण सुच्चा वा, जं च निस्संकियं भवे ॥ ७६॥ अजीवं पडिणयं नच्चा, पडिगाहिज संजए। अह संकियं भविजा, आसाइत्ताण रोअए ॥ ७७ ॥ थोक्मासायणट्ठाए, हत्थगम्मि दलाहि मे । मामे अचंबिलं पूरं, नाणं तिण्हं विणित्तए ॥ ७८ ॥ तं च अचंबिलं पूरं, नाणं तिण्हंविणित्तए । दिति पडिआइक्खे, न मे कप्पइ तारिसं ॥ ७९ ॥ तं च हुआ अकामेण, विमणेण पडिच्छि। तं अप्पणा न पिवे । नो वि अन्नस्स दावए ।। ८०॥ एगंतमवक्कमित्ता, अचित्तं पडिलेहिआ। जयं पडिट्टविजा, परिदृप्प पडिकमे ॥ ८१॥ सिया अ गोअरग्गओ इच्छिजा परिभुत्नुअं। कुट्ठगं मित्तिमूलं वा, पडिले हित्ताण फासुअं ।। ८२ ॥ अणुनवित्तु मेहावी, पडिच्छिन्नम्मि संवुडे । हत्थगं संपमजित्ता, तत्थ भुजिज संजए ॥ ८३ ॥ तत्थ से भुंजमाणस्स, अट्ठिअं कंटओ सिआ। तणकट्ठसकरं वावि, अनं वावि तहाविहं ।। ८४ ॥ तं उक्खिवित्तु न निक्खिवे, आसएण न छट्टए । हत्थेण तं गहेऊण, एगंतमवक्कमे ।। ८५॥ एगंतमवक्कमित्ता. अचित्तं पडिलेहिआ। जयं परिविजा, परिठ्ठप्प पडिक्कमे ॥ ८६ ।। सिआ आभिक्खूइच्छिना, सिजमागम्म भुत्तुअं। सपिंडपायमागम्म, उंडुअं पडिलेहिआ ॥ ८७॥ विणएण पविसित्ता, सगासे गुरूणो मुणी। इरियावहियमाययाय, आगओ अ पडिक्कमे ॥ ८८॥ आभोइत्ताण नीसेस, अइआरं च जहकमं । गमणागमणे चेव, भत्ते पाणे च संजए ॥ ८९ ॥ उज्जुप्पनो अणुविग्गो, अवक्खित्तेण चेअसा । आलोए गुरूसगासे, जं जहा गहियं भवे ॥ ९० ॥ न सम्ममालोइअं हुन्जा, पुब्धि पच्छा व जं कडं। पुणो पडिक्कमे तस्स, वोसट्टो चिंतए इमं ॥ ९१ ॥