Dashvaikalaik Nandi Uvavai

Author(s): Hiralal Hansraj
Publisher: Hiralal Hansraj

Page 22

Arwwwwwwwwwwwwwwwwwwwwwwwe
श्रीदसवैकालिकसूत्र-अट्ठमाध्ययनम्
(२) पोग्गलाणं परिणाम, तेसिं नच्चा जहा तहा। विणीअतिण्हो विहरे, सीईभूएण अप्पणा ॥ ६ ॥ बाइ सद्धाइ निक्खतो, परिआयट्ठाणमुत्तमं । तमेव अणुपालिज्जा, गुणे आयरियसंमए ॥ १॥
तवं चिमं संजमजोगयं च, सज्झायजोगं च सया अहिट्ट ए। सूरे व सेणाइ सम्मत्तमाउहे, अलमप्पणो होइ अलं परेसिं ।। ६२ ॥ सज्झायसुज्झाणरयस्स ताइणो, अपावभावस्स तवे रयस्स । विसुज्झई जं सि मलं पुरेकडं, समीरिअं रुप्पमलं व जोइणा ॥ ६३ ॥ से तारिसे दुक्खसहे जिइंदिए, सुरण जुत्ते अममे अकिंचणे । विरायई कम्मघणम्मि अवगए, कसिणभपुडावगमे व चंदिम ।। ६४ ॥ त्ति बेमि ॥ इअ आयारपणिही णाम अहममज्झयणं समत्तं ॥८॥
॥ अह विणयसमाही णाम नवममज्झयणं ॥ थंभा व कोहा व मयप्पमाया,गुरुस्सगासे विणयं न सिक्खे । सो चेव उ तस्स अभूइभावो, फलं व कीअस्स वहाय होई ॥१॥ जे आवि मंदि त्ति गुरुं विइत्ता, डहरे इमे अप्पसुए ति नच्चा । हीलंति मिच्छं पडिवजमाणा, करंति आसायण ते गुरूणं ॥२॥ पगईए मंदा वि भवंति एगे, डहरा वि अ जे सुअबुद्धोववेआ। आयारमंता गुणसुट्टिअप्पा, जेहीलिआ सिहिरिव भास कुज्जा ।। ३ ॥ जे आवि नागं डहरं ति नच्चा, आसायए से अहिआय होइ। एवारियों पि हु हीलयंतो, निअच्छई आइपहं खु मंदो (दे) ॥ ४ ॥ आसीविसो वावि परं सुरुट्ठो, किं जीवनासाउ परं न कुजा । आयरिआया पुण अप्पसन्ना, अबोहिआसायण नत्थि मुक्खो ॥५॥ जो पावगंजलिअमवक्कमिजा, आसीविसं वा वि हु कोवइजा। जो वा विसं खायइ जीविअट्ठी, एसोवमासायणगा गुरूणं ॥६॥ सिआ हु से पावय नो डहिज्जा,आसीविसो वा कुबिओन भक्खे । सिआ विसं हालहलं न मारे, न आवि मुक्खो गुरुहीलणाए ॥ ७ ॥ जो पत्वयं सिरसा भित्तुमिच्छे, सुत्तं व सीहं पडिबोहइज्जा । जो वा दए सत्तिअग्गे पहारं, एसोवमासायणया गुरूणं ॥ ८॥ सिआ हु सीसेण गिरि पि भिंदे,सिआ हु सीहो कुविओ न भक्खे । सिआ न भिंदिज व सत्तिअग्गं, न आवि मुक्खो गुरुहीलसाए ॥ ९ ॥ आयरिअपाया पुण अप्पसन्ना,अबोहिआसायण नत्थि मुक्खो । तम्हा अणाबाहसुहाभिकंखी, गुरुप्पसायाभिमुहो रमिज्जा ॥१०॥ जहाहिअग्गी जलणं नमसे, नाणाहुईमंतपयाभिसित्तं ।