Dashvaikalaik Nandi Uvavai

Author(s): Hiralal Hansraj
Publisher: Hiralal Hansraj

Page 26

श्रीदसवैकालिकरत्र-दसमाध्ययनम्
च चएइ सबसो । सिद्धे वा हवइ सासए, देवे वा अप्परए महिड्डिए ॥ ७॥ त्ति बेमि ॥ इअ विणयसमाही नाम चउत्थो उद्देसो नवममज्झयणं समत्तं ॥९॥
॥ अह भिक्खू नामं दसममज्झयणं॥ तिक्खम्ममाणाइ अ बुद्धवयणे, निचं चित्तसमाहिओ हविज्जा। इत्थीण वसं न आवि गच्छे, वंतं नो पडिआवइ जे स भिक्खू ॥१॥ पुढवि न खणे न खणावए, सीओदगं न पिए न पिआवए । अगणि सत्थं जहा सुनिसिअं, तं न जले न जलावए जे स भिक्खू ॥ २ ॥ अनिलेण न वीए न वीयावए, हरियाणि न छिंदे न छिंदावए । बीआणि सया विवज्जयंतो, सचित्तं नाहारए जे स भिक्खू ॥ ३॥ वहणं तसथावराणं होइ, पुढवितणकट्ठनिस्सिआणं । तम्हा उद्देसि न भुंजे नो वि, पए न पयावए जे स भिक्खू ॥ ४ ॥ रोइअ नायपुत्तवयणे, अत्तसमे मनिज छप्पि काए । पंच य फासे महत्वयाई, पंचासवसंवरे जे स भिक्खू ॥ ५॥ चत्तारि वमे सया कसाए, धुवजोगी हविज बुद्धवयणे । अहणे निजायरूवरयए, गिहिजोगं परिवजए जे स भिक्खू ॥ ६ ॥ सम्मदिट्ठी सया अमूढे, अस्थि हु नाणे तवे संजमे अ । तवसा धुणइ पुराणपानगं, मणवयकायमुसंवुडे जे स भिक्खू ॥ ७॥ तहेव असणं पाणगं वा, विविहं खाइमसाइमं लभित्ता । होही अट्ठो सुए परे वा, तं न निहे न निहावए जे स भिक्खू ॥ ८॥ तहेव असणं पाणगं वा, विविहं खाइमसाइमं लभित्ता । छंदिअ साहम्मिआण मुंजे, भुच्चा सज्झायरए जे स भिक्खू ॥९॥ न य बुग्गहिरं कहं कहिजा, न य कुप्पे निहुइंदिए पसंते । संजमधुवजोगजुत्ते, उवसंते उवहेडए जे स भिक्खू ॥ १० ॥ जो सहइ हु गामकंटए, अक्कोसपहारतज्जणाओ अ। भयभेरवसहसप्पहासे, समसुहदुक्खसहे अ जे स भिक्खू ॥ ११ ॥ पडिम पडिवजिआ समाणे, नो भायए भयमेरवाई दिस्स । विविहगुणतवोरए अनिचं, न सरीरं चाभिकंखए जे स भिक्खू ॥ १२ ॥ असई वोसिट्ठचत्तदेहे, अकुटे व हए लूसिए वा।। पुढविसमे मुणी हविजा. अनिआणे अकोउहल्ले जे स भिक्खू ॥ १३ ॥ अभिभूअ कारण परीसहाई, समुद्धरे जाइपहाउ अप्पयं । विउत्तु जाईमरणं महन्भयं, तवे रए सामणिए जे स भिक्खू ।। १४॥