Bandhhetubhangprakaranam

Author(s): Yashovijay Upadhyay, Shilchandrasuri
Publisher: Yashobhadra Shubhankar Gyanshala Godhra

Page 30

शतानि । सर्वसङ्ख्यया त्रयोदशबन्धहेतुभङ्गाः चतुःषष्टिशताधिकं लक्षम् ।
ते चैव दश कायपञ्चकवधग्रहणे चतुर्दश । पञ्चकसंयोगे च भङ्गाः षड्, इति तद्युक्तप्रागुक्ताङ्काभ्यासे भङ्गानामेकनवतिशतानि विंशत्यधिकानि । अथवा कायचतुष्टयवध--भयप्रक्षेपे चतुर्दश । तत्र भङ्गानां द्वाविंशतिसहस्राणि शताष्टकं च । एवं कायचतुष्टयवध-जुगुप्साप्रक्षेपेऽपि । कायत्रयवध-भय-जुगुप्साप्रक्षेपे वा चतुर्दश । तत्र भङ्गास्त्रिंशत्सहस्राणि चत्वारि च शतानि । सर्वसङ्ख्यया चतुदशवन्धहेतुभङ्गाः पञ्चाशीतिसहस्राणि विशं च शतम् ।
त एव दश कायषट्रकवधप्रक्षेपे पञ्चदश । पटसंयोगे चैक एव भङ्गः, ततः प्रागुक्तविधिना भङ्गाः पञ्चदशशतानि विंशत्यधिकानि । अथवा कायपञ्चकवध-भयप्रक्षेपे पञ्चदश । तत्र भङ्गा एकनवतिशतानि विंशत्यधिकानि । एवं कायपञ्चकवध-जुगुप्साप्रक्षेपेऽपि । यद्वा कायचतुष्टयवध-भय-जुगुप्सा प्रक्षेपात् पञ्चदश । पण्णां चतुष्कसंयोगे च भङ्गाः पञ्चदशेति तद्युक्तप्रागुक्ताङ्कताडने भङ्गा द्वाविंशतिसहस्राण्यष्टौ च शतानि । सर्वसङ्ख्यया पञ्चदशवन्धहेतुभगा द्विचत्वारिंशत्सहस्राणि पष्टयधिकानि च पञ्च शतानि ।
त एव दश कायपट्कवध-भयप्रक्षेपे पोडश । तत्र पञ्चदशशतानि विशानि (?विंशत्यधिकानि) भङ्गानाम् । एवं कायकषटकवध-जुगुप्साप्रक्षेपेऽपि । अथवा कायपञ्चकवध भय-जुगुप्साप्रक्षेपे पोडश । पण्णां च पञ्चकसंयोगे भङ्गा एकनवतिशतानि विंशत्युत्तराणि । सर्वे पोडशबन्धहेतुभङ्गा द्वादशसहस्राणि पष्टयधिकशताधिकानि (शतानि)।