Atmanand Prakash Pustak 063 Ank 05 06

Author(s): Jain Atmanand Sabha Bhavnagar
Publisher: Jain Atmanand Sabha Bhavnagar

Page 4

શેઠશ્રી ગુલાબચંદ લાલચંદ દોશી
(ટૂંકું જીવનચરિત્ર)
શ્રીયુત ગુલાબચંદભાઈને જન્મ સૌરાષ્ટ્રના સુપ્રસિદ્ધ શહેર જામનગરમાં શેઠશ્રી લાલચંદભાઈ દોશીને ત્યાં શ્રીમતી ગોમતીબેનની કુક્ષિએ વિ. સં. ૧૯૬૮ના માસ ફાગણ વદિ ૧૩ની તિથિએ થયે હતો. અભ્યાસમાં મન ન લાગવાથી ચૌદ વર્ષની નાની ઉંમરે તેઓ મુંબઈ પહોંચ્યા અને કાપડના ધંધામાં અનુભવ લીધે અને પછી તો વ્યાપારમાં પાવરધા બની ગયા, અને ઘણે વેપાર ખેડ્યો. શ્રી ગુલાબચંદભાઈ વગેરે ત્રણ ભાઈઓ છે. બીજા ભાઈઓ તથા શ્રી ગુલાબચંદભાઈના પુત્રો શેઠ પ્રેમચંદ કચરાભાઈની જુની પેઢીમાં કામ કરે છે.
શ્રી ગુલાબચંદભાઈ નાની ઉંમરમાં જ નિવૃત્ત થયા છે. તેમની ધર્મભાવના એવી પ્રબળ છે કે છેલ્લા કેટલાંક વર્ષોથી દર વર્ષે યાત્રાર્થે જવાના ભાવ જાગે અને પતિપત્ની અખિલ હિંદની તીર્થયાત્રાની ટ્રમાં નીકળી પડે. આ રીતે તેમણે સમેતશિખર સહિત ભારતનું નાનું મોટું કઈ પણ તીર્થ યાત્રા માટે છોડયું નથી. તેઓ જીવદયાપ્રેમી પણ છે. દર વર્ષે જીવો છોડાવવાનો નિયમ છે. નાની ઉંમરે ચતુર્થ વ્રત અંગીકાર કરેલ છે. તેઓ જેવા ધર્મનિષ્ઠ છે તેવા સેવાપ્રિય છે. સાધુ-સાધ્વી, તપસ્વી વગેરેની સેવામાં તેઓ આત્મસંતોષ અનુભવે છે. તેમનાં ધર્મપત્ની શ્રીમતી જયાબેન પણ તપસ્વી અને પુણ્યશાળી હિાવા ઉપરાંત ગૃહલક્ષમી છે.
શ્રી ગુલાબચંદભાઈ ઉદારવૃત્તિ ધરાવે છે. ગુપ્તદાન ઘણું કર્યું જાય છે. એટલું જ નહીં પણ જ્યારે જ્યારે તીર્થંપર્યટન કરે છે, ત્યારે કપડાંનો જથ્થા સાથે લઈ જાય છે અને અનેક નિરાશ્રિતજનોમાં વહેંચે છે.
આ વર્ષે તેમણે તીર્થાધિરાજ શત્રુજ્યમાં ચાતુર્માસ કર્યું છે અને નવાણું યાત્રા તથા સાધુ- સાધ્વી, તપસ્વી વગેરેની ભક્તિને સુંદર લાભ લીધે છે.
આ સભાના પેટ્રન થઈ શ્રી ગુલાબચંદભાઈએ અમારા કાર્યમાં જે સહકાર આપે છે તે માટે અમે તેમનો આભાર માનીએ છીએ. તેઓ દીઘયુષ્ય ભોગવે અને પોતાની ધર્મભાવના પ્રજવલિત રાખે એજ અભ્યર્થના !