Atmanand Prakash Pustak 062 Ank 10 11

Author(s): Jain Atmanand Sabha Bhavnagar
Publisher: Jain Atmanand Sabha Bhavnagar

Page 3

આ સભાના માનવંતા નવા પેટ્ર શેઠશ્રી અમૃતલાલ ડાયાભાઇ
(અમદાવાદવાળા)
શેઠશ્રી અમૃતલાલભાઈ નો જન્મ સં. ૧૯૯૭ ના ભાદરવા વદ ત્રીજના રોજ આખરેડમાં જૈન કુટુંબમાં થયો હતો. પિતાશ્રી ડાયાભાઈ મહેકમચંદની સ્થિતિ તે વખતે સામાન્ય પ્રકારની હતી. માતુશ્રી મંગુબેન ધાર્મિકવૃત્તિના હતા તેમણે વશ સ્થાનકની ઓળી વષીતપ વગેરે કર્યા હતાં. નાની ઉંમરમાં જ પિતાશ્રીને સ્વર્ગવાસ થતાં શ્રી અમૃતલાલભાઈ દાદાશ્રીની છત્રછાયા નીચે મોટા થયા હતા અને તેમની તરફથી સારો એવો ધાર્મિક સંસ્કારોનો વારસો મેળવવા ભાગ્યશાળી થયા હતા. તેમણે પંચપ્રતિકમણ તથા પ્રકરણ સુધીનો ધાર્મિક અભ્યાસ કર્યો હતો.
સ્થિતિ સામાન્ય હોવાથી પાંચ અંગ્રેજી સુધીનો અભ્યાસ કરીને નાની ઉંમરમાં જ તેમણે ધંધામાં ઝંપલાવ્યું અને પુરુષાર્થથી આપબળે આગળ વધી વ્યાપારી ક્ષેત્રમાં પ્રગતિ સાધી. આજે તેઓ નોબેલ ટ્રેડીંગ કંપનીના ભાગીદાર છે.
સામાજિક ક્ષેત્રે પણ તેઓ પોતાને ફાળો આપી રહ્યા છે. ગીફટ ગલર્સ એસોસીએશનના પ્રમુખ તથા પ્રિન્સેસ સ્ટ્રીટ-લુહારચાલ જૈન સંઘના પ્રમુખ તરીકે પિતાની સેવાઓ આપી રહ્યા છે. તેઓ તથા તેમનાં ધર્મપત્ની શ્રીમતી મહાફમીબેન બંને ધાર્મિક વૃત્તિના અને સરળ સ્વભાવી છે. તેમણે દાનવૃત્તિ પણ કેળવી છે; યથાશક્તિ શુભ કાર્યોમાં ધનને સ વ્યય કરતા રહ્યા છે. તેમજ પૂ. સ્વ. શ્રી સિદ્ધિસૂરીશ્વરજીદાદાનું અમદાવાદમાં પિતાને ત્યાં ચાર્તુમાસ બદલાવ્યું હતું અને ઉત્તમ પ્રકારનો લાભ લીધો હતો. તેમણે કેસરીઆઇ, સમેતશિખર, ગિરનાર આબુ, રાણકપર, સિદ્ધગિરિ વગેરે તીર્થોની યાત્રાઓ કરી છે.
નવા યુગને અનુકુળ દૃષ્ટિ પણ તેમણે કેળવી છે. મોટા પુત્ર ભરતભાઈ બી. કેમ એલએલ. બી. છે. બીજા પુત્રોને પણ સારી રીતે કેળવણી આપેલી છે.
આવા એક કાર્યકુશળ અને ધર્મપ્રેમી ગૃહસ્થનો આ સભા પેટ્રન તરીકે સાથ મેળવી શકી છે તે બદલ પિતાને આનંદ વ્યક્ત કરે છે તથા સાથે આપવા બદલ તેઓશ્રીને આભાર માને છે. તેઓશ્રી દીર્ધાયુષી રહે અને સભાએ ઉપાડેલ જૈન સાહિત્ય તથા સંસ્કારના પ્રચારના કાર્યમાં તેઓશ્રીને સાથે વધુ અને વધુ મળતા રહે તેમ આ સભા ઈચ્છે છે.