Anusandhan 2014 03 SrNo 63

Author(s): Shilchandrasuri
Publisher: Kalikal Sarvagya Shri Hemchandracharya Navam Janmashatabdi Smruti Sanskar Shikshannidhi Ahmedabad

Page 163

जान्युआरी - २०१४
१५७
अत्यार सुधीना लखाणमां जे व्यक्तिविशेषोनो अङ्क साथे निर्देश थयो छे तेमना विशे थोडीक चर्चा -
१. आ. उदयवल्लभसूरिजी वृद्धतपागच्छनी ५७मी पाटे थया. रत्नसिंहसूरिजी तेमना वडील गुरुभाई हता. उदयवल्लभसूरिजी पोताना गुरु छे ओम स्वयं सङ्ग्राम सोनीओ पोताना ग्रन्थ 'बुद्धिसागर'मां (रचना सं. १५२०, गोदावरीना किनारे पैठणपुरमां) तरङ्ग-१, श्लोक-४ मां जणाव्युं छे. गिरनार पर माण्डवगढना श्रीसङ्के मण्डप बंधाव्यो ते आ आचार्यना उपदेशथी (जुओ अनु. ६२ - मण्डपीयसङ्घप्रशस्ति). गिरनार पर बीजां पण धर्मकार्यो तेमना उपदेशथी थयां छे. (जुओ साहित्य, शिल्प अने स्थापत्यमां गिरनार, ले. मधुसूदन ढांकी, प्र.ला.द. विद्यामन्दिर, २०१०, पृ. ९५). श्रीउदयवल्लभसूरिजीना विशेष परिचय माटे जुओ जैन परम्परानो इतिहास - भाग ३, पृ. १६, सं. त्रिपुटी महाराज.
२. आ. रत्नसिंहसूरिजी वृद्धतपागच्छना प्रभावशाळी आचार्य हता. गिरनार साथे तेमनो घणो सम्बन्ध जोडायेलो छे. शाणवसहीनी प्रतिष्ठा (सं. १५०९) तेमना हाथे ज थई हती. जूनागढना रा' महीपाले तेमना उपदेशथी नेमिनाथना प्रासादने सोनानां पतरे मढाव्यो हतो. तेणे आचार्यना उपदेशथी सं. १५०७ मां पोताना राज्यमा अमारि पण प्रवर्तावी हती. आ आचार्यना विशेष परिचय माटे जुओ जै.प.इ. - भाग ३, पृ. १३-१६. सं. त्रिपुटी महाराज.
३. नेमीश्वरजिनप्रासादप्रशस्तिना सम्पादक पं. लाभसागरगणिो प्रशस्तिनी प्रस्तावनामा प्रस्तुत ज्ञानसागरसूरिने तपगच्छपति श्रीसोमसुन्दरसूरिजीना विद्यागुरु तेमज आवश्यक-हारिभद्री-अवचूरि, ओहणिज्जुत्ति-अवचूरि व. ना रचयिता जणाव्या छे. पण वास्तवमां ते ज्ञानसागरसूरिजी प्रस्तुत प्रशस्तिकर्ता ज्ञानसागरसूरिजीथी जुदा ज छे. सोमसुन्दरसूरिजीना विद्यागुरु ज्ञानसागरसूरिजीनो सत्तासमय ज सं. १४०५-१४६० छे. तेओ सं. १५२५मां प्रतिष्ठित जिनालयनी प्रशस्तिना रचयिता कई रीते होय ? वळी, सोमसुन्दरसूरिजीना (सं. १४३०-१४९९) विद्यागुरु ज्ञानसागरसूरिजी देवसुन्दरसूरिजीना पट्टधर हता. ज्यारे प्रस्तुत भ. ज्ञानसागरसूरिजी सं. १५०० पछी भ. उदयवल्लभसूरिनी पाटे आचार्य बन्या हता. तेथी पण उपरोक्त नोंध खोटी ठरे छे.