Antim Lakshya Karmkshay

Author(s): Hemantvijay, Shantibhai Dagli, Vinubhai Shah
Publisher: Shantibhai Mulchandbhai Dagli

Page 5

મોક્ષમાર્ગના આરાધકની પ્રાર્થના
શુદ્ધ સામાયિક દશાની પ્રાપ્તિ
હે શ્રી સીમંધર સ્વામી અરિહંત પ્રભુ આપને જે સુખ પ્રાપ્ત થયું છે, તે સુખ અમ સર્વેને પ્રાપ્ત હો, જગતના સર્વે જીવોને પ્રાપ્ત હો.
૧.
હે દેવાધિદેવ, અરિહંત પ્રભુ, વિતરાગ પરમાત્મા, જિનેન્દ્ર દેવ, મારા અંતરમાં બિરાજમાન સિદ્ધ સ્વરૂપી વિતરાગ પરમાત્મા વર્તમાને, ભરત ક્ષેત્રે પ્રવર્તમાન, પ્રત્યક્ષ, પ્રગટ, જ્ઞાની ભગવંત મને ચરમ શરીરી તિર્થંકર પરમાત્મા જેઓ જન્મજાત માતાના ગર્ભમાંથી જ નિરંતર સામાયિક દશામાં જ રહે છે, જેથી કરીને એમનું વિકલ્પ રૂપ “હું ગર્ભપ્રવેશથી જ નિર્વિકલ્પ, આત્મસ્વરૂપમાં સહજરૂપે એકરૂપ, એકાકાર અને અભેદ હોવાથી નિર્વિચાર, નિર્વિકલ્પ, ભાવાતીત, શબ્દાતીત દશામાં શુક્લ ધ્યાનાગ્નિમાં પ્રચંડ જ્ઞાનાગ્નિમાં ચાર ઘનઘાતિ કર્મો ભસ્મીભૂત થતાં, સંવરપૂર્વક નિર્જરા થતાં પોતાનું કેવળજ્ઞાન સ્વરૂપે પ્રગટ થયું. તત્પશ્ચાત્ આઠે કર્મોનો ક્ષય થતા મોક્ષે ગયા તેવી આત્માની શુદ્ધ સામાયિક દશા અમને નિરંતર પ્રાપ્ત થાઓ, પ્રાપ્ત થાઓ, પ્રાપ્ત થાઓ. આ ભાવ પ્રાર્થના થકી અમે ભાવાતીત દશાને પામીએ અને નિર્ભાવી દશા અમારામાં નિતાન્ત અવસ્થામાં રહે. આ અમારી અંતિમ ઇચ્છા અમને નિરઈચ્છક દશામાં લઈ જાય.
૨.
૪ : અંતિમ લક્ષ્ય કર્મક્ષય