Book Title: Antim Lakshya Karmkshay
Author(s): Hemantvijay, Shantibhai Dagli, Vinubhai Shah
Publisher: Shantibhai Mulchandbhai Dagli
View full book text
________________
ઓળખી આયુષ્ય કર્મની બેડીઓ તોડી કર્મમુક્ત થાય તેમાં કાંઈ આશ્ચર્ય નથી. સિંહાસન નામના પ્રાતિહાર્યના આલંબને પ્રભુને ઓળખી પ્રભુના ધ્યાને આપણું કલ્યાણ અવશ્યભાવી બને છે.
:: ષષ્ઠ પ્રાતિહાર્ય-ભામંડલ-ષષ્ઠે નામ કર્મનો ક્ષય :
ઉદ્ગચ્છતા તવ શિતિવ્રુતિ-મણ્ડલેન, લુપ્ત-ચ્છદચ્છવિરશોક-તરૂર્બભૂવ II
સાન્નિધ્યતોઽપિ યદિ વા તવ વીતરાગ !
નીરાગતાં વ્રજતિ કો ન સ-ચેતનોપિ ? ॥૨૪॥
હે વીતરાગ દેવ ! જયારે આપના દેદીપ્યમાન ભામંડલની પ્રભાથી અશોકવૃક્ષના પાંદડાની લાલીમા પણ લુપ્ત થઈ જાય છે, અર્થાત્ આપની સમીપતા પામીને વૃક્ષોનો રાગ પણ જતો રહે છે તો એવો કયો સચેતન પુરુષઆત્મા છે કે જે આપના ધ્યાન દ્વારા અથવા સમીપતા પામીને વીતરાગતાને પ્રાપ્ત ન કરી શકે ? અર્થાત્ બધા જ વીતરાગતા પ્રાપ્ત કરી શકે છે.
અનામી એવા આત્માને નામ, રૂપ, રંગ, આકાર, પ્રકારનું દાન કરનાર છે નામ કર્મ.
શુભ વર્ણનામ કર્મના આધારે સારો, રૂપાળો વાન મળે અને અશુભ વર્ણનામ કર્મના ઉદયે અશુભ, કાળો વાન મળે. સુસ્વર નામ કર્મનાં ઉદયે કંઠ સારો મળે. દુસ્વર નામ કર્મના ઉદયે ઘોઘરો અવાજ મળે. કાગડો અને કોયલ બંનેના અશુભ વર્ણનામ કર્મનો ઉદય છે. બંનેને કાળો કલર મળ્યો છે પરંતુ એકનો દુસ્વ૨ નામ કર્મના ઉદયે કર્કશ અવાજ મળ્યો છે. જયારે કોયલને મીઠોમધુરો-કર્ણપ્રિય સ્વર મળ્યો છે. આમ અનેક પ્રકારની ચિત્ર-વિચિત્ર સ્થિતિ સર્જનાર છે નામ કર્મ. શુભ વર્ણ, ગંધ, રસ, સ્પર્શદિનો રાગ કરી આત્માએ ઘણાં કર્મો બાંધ્યાં છે. તેવી રીતે અશુભ વર્ણ, ગંધ, રસ અને સ્પર્શાદિનો દ્વેષ કરીને પણ અનંતાનંત કર્મો બાંધ્યાં છે.
૪૦ : અંતિમ લક્ષ્ય કર્મક્ષય
