Book Title: Antim Lakshya Karmkshay
Author(s): Hemantvijay, Shantibhai Dagli, Vinubhai Shah
Publisher: Shantibhai Mulchandbhai Dagli
View full book text
________________
પર્યાયો ધારણ કરી, અનંતા જન્મો કર્યા. હવે તો આવા પ્રકારની અસ્થિરતાથી કંટાળ, હે અક્ષય ! જેમ જિનેશ્વર પરમાત્મા પર્યાયોના બદલાવથી બદલાઈને હવે ક્યારેય ન બદલાય તેવી સ્થિર પર્યાયમાં સ્થિર થઈ શક્યા છે, તેમ તું પણ અસ્થિર પર્યાયના વિષચક્રથી મુક્ત થઈ અનંતકાળ સુધી સ્થિર રહેવાવાળી સ્થિર પર્યાય-મોક્ષને પામ.
આવા પ્રકારનું બ્રહ્મજ્ઞાન પ્રાપ્ત કરવા પ્રભુની દીપક પૂજા કરવાની છે. જેમ દીપક પ્રગટ થતાં પ્રકાશ થાય છે અને વસ્તુદર્શન તથા વ્યક્તિદર્શન પ્રાપ્ત થાય છે તેમજ આત્મગુણોનું જ્ઞાન પ્રાપ્ત કરી પોતાના અસલી દ્રવ્ય સ્વરૂપના દર્શન દ્વારા આપણે કર્મથી મુક્ત થવું એવું લક્ષ્ય બને ત્યારે જ આયુષ્ય કર્મથી બચાશે.
આમ આયુષ્ય કર્મના ઉદયે થતાં જન્મ-મરણથી મુક્ત થઈ મોક્ષ-સ્થિર પર્યાય પ્રાપ્ત કરવા દીપક પૂજા અનિવાર્ય છે.
૬. અક્ષત પૂજાથી નામ કર્મનો ક્ષય :અક્ષત શુદ્ધ અખંડ અક્ષત ગ્રહી, નંદાવર્ત વિશાલ,
પુરી પ્રભુ સન્મુખ રહો, ટાલી સકલ જંજાલ. અનામી અરૂપી એવા આત્માને નામી રૂપી બનાવનાર છે નામકર્મ. આ નામકર્મ ૧૦૩ પ્રકૃતિવાળું છે. તેના મુખ્ય બે ભેદ છે. (૧) શુભનામકર્મ, (૨) અશુભનામકર્મ.
પાણીના પરપોટા જેવા ચંચળ અને અસ્થિર શરીરની લાલસા અને પાલનપોષણમાં અમૂલ્ય માનવભવ ગુમાવીને સંસાર સાગરમાં અનંત કાળથી રખડી રહેલા અનામી-અરૂપી એવા આત્માને નામ અને રૂપ-રંગથી યુક્ત બનાવી દીધો. અનેક પ્રકારના રૂપ-રંગ, ગંધ, રસ, સ્પર્ધાદિથી યુક્ત પુદ્ગલ પરમાણુથી નિર્મિત શરીર આદિના રાગે અનંતા ભવોથી કમ બાંધતો જીવ પોતાનું અનામી-અરૂપીપણું જ વિસરી ગયો છે. તેની યાદ તાજી થાય અને હું પણ નામી-રૂપીમાંથી અનામી-અરૂપી બની શકું છું તેવું ભાન અને જ્ઞાન થાય
૨૬ : અંતિમ લક્ષ્ય કર્મક્ષય
