Book Title: Antim Lakshya Karmkshay
Author(s): Hemantvijay, Shantibhai Dagli, Vinubhai Shah
Publisher: Shantibhai Mulchandbhai Dagli
View full book text
________________
તે માટે અનામી-અરૂપી જિનેશ્વર પરમાત્માની અક્ષત પૂજા કરવામાં આવે છે.
અક્ષત અર્થાત્ જે ક્યારેય ક્ષય પામતા નથી મતલબ ઉગાડવા છતાં પણ ઊગતાં નથી તેવા ચાવલ-ચોખાનું બીજું નામ છે અક્ષત.
કર્મગ્રસ્ત અવસ્થાથી સર્વથા-સંપૂર્ણ અને સર્વાશ મુકત થનાર આત્મા મોક્ષમાં જે સ્થિતિ પ્રાપ્ત કરે છે તે સ્થિતિ અનંતકાળ સુધી તેની તે જ રહે છે. તેમાં કોઈ પરિવર્તન આવતું નથી. આવી સ્થિતિમાં આત્મા નામરૂપ, તેથી પણ મુક્ત થાય છે. અર્થાત્ નામ કર્મથી પણ સર્વથા મુક્ત થાય છે.
સર્વજ્ઞ-સર્વદર્શની બનનાર પ્રત્યેક સાધકે સૌ પ્રથમ મોહનીય કર્મનો ક્ષય કરી વીતરાગદશા પ્રાપ્ત કરવી પડે છે. ત્યાર પછી જ્ઞાનાવરણીય, દર્શનાવરણીય અને અંતરાય કર્મનો સર્વથા ક્ષય થતાં અરિહંતાદિ પ્રત્યેક સાધક આત્મા વીતરાગી અનામી-અરૂપીપણું પ્રાપ્ત કરે છે. આવા પ્રભુની અક્ષતપૂજા કરીને આપણે પણ અનામી અરૂપી બનીએ.
૭. નૈવેદ્ય પૂજાથી ગોત્રકર્મનો ક્ષય :નૈવેદ્ય પૂજા ઃ અણાહારી પદ મેં કર્યા, વિગ્રહ ગઈ અનંત,
દૂર કરી તે દીજીએ, અણાહારી શિવ સંત. સમસ્ત સંસારમાં અનન્તાનન્ત પુગલ પરમાણુઓ ઠાંસી ઠાંસીને ભરાયેલા છે. આ પુદ્ગલ પરમાણુઓની જુદી જુદી પર્યાયો જીવના ઉપભોગમાં આવે છે. આજે વર્તમાનમાં એક પણ પુગલ એવા નથી કે જેનો આપણે ભૂતકાળમાં ઉપભોગ ન કર્યો હોય. અર્થાત્ અનંત જીવોએ જેનો ઉપભોગ કરીને એઠાં કરીને છોડેલા પુદ્ગલોનો આજે આપણે, ભોગવટો કરી રહ્યાં છીએ, તાજા અને વણવપરાયેલાં કોઈ પુદ્ગલ પરમાણુઓ બચ્યા જ નથી. માટે એંઠ રૂપે ઉચ્છિષ્ટ જેવા રૂપાંતર પામેલા પુદ્ગલોમાં આપણે આજે આનંદ માણી રહ્યા છીએ.
- શરીરના પણ અનંતા આકાર પ્રકારો પ્રાપ્ત કરી છોડી દીધેલા છે. આ શરીર આવ્યું કે તેની પાછળ આહાર-વિહારની મોટી રામાયણ સર્જાય છે.
૨૭ : અંતિમ લક્ષ્ય કર્મક્ષય
