Book Title: Antim Lakshya Karmkshay
Author(s): Hemantvijay, Shantibhai Dagli, Vinubhai Shah
Publisher: Shantibhai Mulchandbhai Dagli
View full book text
________________
આપણા આત્મા પર લાગેલા કષાયોને દૂર હટાવી આપણે પણ પરમ શીતળતાનો અનુભવ કરી શકીએ. કષાય રહિત શાશ્વત શીતળતા પ્રભુના અંગે અંગમાં પ્રસરેલી છે તેથી તેવા અંગોના સ્પર્શમાત્રથી અને ચંદન દ્વારા અંગ વિલેપન કરવાથી આપણા આત્માને પણ શીતળતાનો અનુભવ થાય છે.
દર્શનાવરણીય કર્મના ઉદયે પાંચ પ્રકારની નિંદ્રાનો ઉદય સતત રહેતો હોય છે. જો મનુષ્યનું આવું ઉત્તમ કુળ પામીને આળસમાં પડ્યા રહેવાથી કર્મનો બંધ થાય છે. આળસ છોડી પ્રભુની ચંદન પૂજા કરી દર્શનાવરણીય કર્મથી હંમેશાં માટે મુક્તિ મેળવવી જોઈએ.
૩. પુષ્પ પૂજાથી વેદનીય કર્મનો ક્ષય :ફૂલપૂજાઃ સુરભિ અખંડ કુસુમ ગ્રહી, પૂજો ગત સંતાપ,
સુમજંતુ ભવ્ય જ પરે, કરીએ સમક્તિ છાપ. મારી તકલીફ તાપ-સંતાપનું મુખ્ય કારણ છે – વેદનીય કર્મ....૧ આત્માના અનંત અવ્યાબાધ સુખ ગુણને ઢાંકનાર છે – વેદનીય કર્મ....!
આત્મવત્ સર્વ ભૂતેષુ અર્થાત્ દ્રવ્ય સ્વરૂપે બધા જ આત્માઓ એક જેવા – એક સમાન છે. માટે આપણને સ્વયંને દુઃખ-ત્રાસ-પીડા પસંદ નથી તેમ બીજા જીવોને પણ દુઃખ આદિ પસંદ નથી હોતાં.
બીજા જીવોને આપણે ત્રાસ-પીડા-દુઃખ-ઉદ્વેગ, પરિતાપ-સંતાપકિલામણા આપીને બાંધેલા વેદનીય કર્મના ઉદયે આપણે પણ તેવી જ વેદના સહન કરવી પડે છે. માટે વેદનીય કર્મથી બચવા માટે સુકોમળ-નરમ અને સુગંધિત પુષ્પનો સહારો લેવો અત્યંત જરૂરી છે.
જેમ કે પુષ્પને હાથમાં લઈ ચૂંથી નાખવામાં આવે તો પણ તે ચૂંથનારના હાથને સુગંધથી ભરે છે. તેમ અરિહંત પરમાત્માને પણ ઘણાં લોકો ઉપસર્ગ, મરણાંત ઉપસર્ગો કરવા આવ્યા છતાં પણ પ્રભુએ કોઈનો પણ પ્રતિકાર નથી કર્યો અને ઉપરથી તેમનું પણ કલ્યાણ થાય તેવી ઉચ્ચ ભાવના રાખી.
૨૩ : અંતિમ લક્ષ્ય કર્મક્ષય
