Book Title: Antim Lakshya Karmkshay
Author(s): Hemantvijay, Shantibhai Dagli, Vinubhai Shah
Publisher: Shantibhai Mulchandbhai Dagli
View full book text
________________
પ્રશ્નના ઉત્તરને સમજીએ...
જળપૂજાથી જ્ઞાનાવરણીય કર્મનો ક્ષય :જ્ઞાન કળશ ભરી આત્મા, સમતા રસ ભરપૂર...! શ્રીજિનને નવરાવતા, કર્મ થાયે ચકચૂર.
જ્ઞાનરૂપી કળશમાં સમતારૂપી રસ ભરીને આત્મા જિનેશ્વર ભગવાનની જલપૂજા કરે છે. તેના કર્મ ખપે છે.
જલપૂજા જુગતે કરો, મેલ અનાદિ વિનાશ,
જલપૂજા ફલ મુજ હજો, માંગું એમ પ્રભુ પાસ. જલ-પાણી-શુદ્ધિનું સર્વશ્રેષ્ઠ સાધન જેમ પાણીથી બાહ્ય ચીજવસ્તુ અને શરીરના અંગોપાંગની શુદ્ધિ થઈ શકે છે. તેમ કેવલજ્ઞાની સર્વજ્ઞ-સ્વચ્છ-નિર્મલપવિત્રાતિપવિત્ર એવા જિનેશ્વર ભગવંતોનો પ્રક્ષાલ-જલપૂજા કરતાં આપણા આત્મામાં રહેલા અનાદિકાલીન જ્ઞાનાવરણીય કર્મનો ક્ષય થાય ને આપણે પણ સર્વજ્ઞ-કેવળજ્ઞાની બની શકીએ.
જલ-બાહ્ય શુદ્ધિનું સાધન છે, તો જ્ઞાનગુણ આંતરિક શુદ્ધિનું પ્રબળ સાધન છે. ક્રોધાદિ કષાયોના દમન માટે જ્ઞાનની પૂર્ણ આવશ્યકતા છે. જ્ઞાન વગર વિચારોમાં પરિવર્તન સંભવ નથી. જ્ઞાનથી વૃત્તિમાં નહીં મનોવૃત્તિમાં પરિવર્તન સંભવ છે.
અનાદિ કાળથી તીર્થકર ભગવંતનો આત્મા પણ જ્ઞાનાવરણીય કર્મગ્રસ્ત હતો. પ્રબળ પુરુષાર્થથી તેઓ જ્ઞાનાવરણીય કર્મમુક્ત થઈ શક્યા. તેવા પ્રભુનો અભિષેક કરતાં આપણે પણ જ્ઞાનાવરણીય કર્મથી મુકત બની શકીએ.
૨. ચંદનપૂજાથી દર્શનાવરણીય કર્મનો ક્ષય:ચંદનપૂજા : શીતલ ગુણ જેમાં રહ્યો, શીતલ પ્રભુ મુખ રંગ,
આત્મ શીતલ કરવા ભણી, પૂજો અરિહા અંગ.. બાહ્ય શીતળતાનો ભંડાર એટલે ચંદન અને આંતરિક શીતળતાનો ભંડાર એટલે તીર્થકર ભગવંતો. આવા પરમ શીતલ પ્રભુની ચંદનપૂજા દ્વારા
૨૨ : અંતિમ લક્ષ્ય કર્મક્ષય
