Agam 39 Chhed 06 Maha Nishith Sutra Shwetambar Agam Guna Manjusha

Author(s): Gunsagarsuri
Publisher: Jina Goyam Guna Sarvoday Trust Mumbai

Page 16

(३५) महानिसीह छेयसुत्तं (२) द्वि. अ.
मुक्खो, कल्लविलल्लो भवे भवे । विहलवाणी सुयट्टोवि, सव्वत्थऽभक्खणं लभे ॥ १ ॥ अवितह भणियं नु तं सव्वं, अलियवयणंपि नालियं । जं छज्जसिनियायहियं, निद्दोसं सव्वं तयं ॥२॥ एवं चोरिक्कादिफलं सव्वं, कम्मारंभं किसादियं । लद्धस्सावि भवे हाणी, अन्नजम्मकया इहं ॥ ३ ॥ एवं मेहुणदोसेणं, वेदित्ता थावरत्तणं । केसि मतकालाउ माणुसजोणी समागया ||४|| दुक्खं जरंति आहारं, अहियं सित्यंपि भुंजियं । पीडं करेइ तेसिं तु, तण्हा वाहि (बाहे) खणे खणे ||५|| अद्धाणं मरणं तेसिं, बहुजप्पं कठ्ठासणं । थाणुव्वालं णिविन्नाणं, निद्दाए जंति णो वणिं ॥ ६ ॥ एवं परिग्हारंभदोसेणं नरगाउयं । तेत्तीससागरूक्कोसं, वेइत्ता इहमागया ||७|| छुहाए पीडिज्जंति, तत्तभुत्तुत्तरेऽविय । वरंता हत्तिसंतत्तिं, नो गच्छती पवसे जहा ॥८॥ कोहादीणं तु दोसेणं, घोरमासीविसत्तणं । वेइत्ता नारयं भूओ, रोद्दमिच्छा भवंति ते ॥९॥ दढकूडकवडनियडीए, डंभाओ सुइयं गुरुं । वेइत्ता चित्ततेरित्तं, माणुसजोणिं समागया ॥ ७०॥ केई बहुवाहिरोगाणं, दुक्खसोगाण भायणं । दारिद्दकलहमभिभूया, खिंसणिज्जा भवंतिह ॥१॥ तक्कम्मोदयदोसेणं, निच्चं पज्जलियबोदिणं । ईसाविसायजालाहिं, धगधगधगधगस्स (य) ||२|| जेमंपि गोयमा ! बाले, बहुदुहसंधुक्कियाण य । तेसिं दुच्चरियदोसो, कस्स रूसंतु ते इह ? ॥ ३॥ एवं वयनियमभंगेणं, सीलस्स उ खंडणेण वा । असंजमपवत्तणया, उस्सुत्तमग्गायरणा ॥४॥ णेगेहिं वितहायरणेहिं, पायसेवाह । मणेणं अहवा वायाए, अहवा कारण कत्थई, कयकारगाणुमएहिं वा, पमायासेवणेण य ||५|| तिविहेणमणिदियमगरहियमणालोइयमपडिक्कंतमकयपायच्छित्तमविसुद्धसयदोसउससल्ले आमगब्भेसुं पच्चिय अणंतसो वियलंते, दुतियचउपंचछण्हं मासाणं असंबद्धठ्ठी करसिरचरणछवी ॥ १ ॥ देवि माणुसे जमे, कुठ्ठादीवाहिसंजुए। जीवंते चेव किमिएहिं, खज्जती मच्छियाहि य, अणुदियहं खडखंडेहिं, सडं हडस्स सडे तणु ||६|| एवमादीदुक्खाभिभूयए, पलज्जणिज्जे खिंसणिज्जे, निंदणिज्जे गरहणिज्जे उव्वेयणिज्ने अपरिभोगे, नियसुहिसयणबंधवाणंपि भवतीति दुरप्पणो ||७|| अज्झवसायविसेसं तं, पडुच्चा के तारिसं । अकामनिज्जराए उ, भूयपिसायत्तणं लभते ॥८॥ पुव्वसल्लस्स दोसेणं, बहुभवंतरछाइणो । अज्झवसायविसेसं तं, पडुच्चा केई तारिसं ||९|| दसव दिसासु उद्धुद्धो, निच्चदूरप्पिए दढं । णिरूत्थल्लनिरूस्सासो, निराहारेण पाणए ||८०|| संपिडियंगमंगो य, मोहमदिराए घुम्मरिए। अदिडुग्गमणअत्थमणे, भवे पुढवीए गोलया किमी ||१|| भवकायद्वितीए वेएत्ता, तं तहिं किमियत्तणं । जइ कहवि लहंति मणुयत्तं, तो उ तो हुंति णपुंसगे || २ || अज्झवसायविसेसं तं, पवंहंते अइकूरघोररूद्दं । तारिसेवं महसंधुक्किया, मरितुं जम्म जति वणस्सहं ॥ ३ ॥ वणस्सई गए जीवे, उद्धपाए अहोमुहे । विचिठ्ठति अणतयं कालं, नो लभे बेइंदियत्तणं ||४|| भवकायठ्ठितीए वेपत्ता, तमेगेबितिचउरिंदियत्तणं । तं पुव्वसल्लदोसेणं, तेरिच्छेसूववज्जिउं ||५|| जइ णं भवे महामच्छे, पक्खीवसहसीहादओ । अज्झवसायविसेसंत तं, पडुच्च अच्चंतकूरयरं ||६|| कुणिममाहारत्ताए, पंचेदियवहेण य । अहो अहो पविस्संति, जाव पुढवी उ सत्तमा ॥७॥ तं तारिसं महाघोरं, दुक्खमणुभविउं चिरं । पुणोवि कूरतिरिएसु. उववज्जिय नरयं वए ||८|| एवं नरयतिरिच्छेसुं, परियट्टंतो विचिठ्ठई। वासकोडीएवि नो सक्का कहिउं, जं तं दुक्खं अणुभवमा ||९|| अह खरूट्टबइल्लेसुं भवेज्जा तब्भवंतरे । सगडाइठ्ठा (यह) णभरूव्वहणखुत्तुण्हसीयायवं ||१०|| वहबंधणकणणासाभेदणिल्लंछणं तहा । जमलाराईहिं कुच्चाहि कुच्चिज्जंताण य, जहा राई तहा दियहं, सव्वद्धा उ सुदारूणं ॥ १॥ एवमादीदुक्खसंघट्टं, अणुहवंति चिरेण उ । पाणे य एहिति कहकहवि, अट्टज्झाणदुहट्टिए ||२|| अज्झवसायविसेसं तं, पडुच्चा केइ कहवि लब्भंते माणुसत्तणं । तप्पुव्वसल्लदोसेणं, माणुसत्तेवि आगया || ३ || भवंति जम्मदारिद्दा, वाहीखसपामपरिगया । एवं अदिठ्ठकल्लाणे, सव्वजणस्स सिरिं हाइउं ||४|| संतप्पंते दढं मणसा, अकयभवे णिहणं वए। अज्झवसायविसेसं तं, पडुच्चा केइ तारिसं ॥५॥ पुणोवि पुढविमाईसुं, भमंती ते दुतिचउरोपंचेदिएसु वा । तं तारिसं महादुक्खं, सुरूद्दं घोरदारुणं ||६|| चउगइसंसारकंतारे, अणुभवमाणे सुदूसहं । भवकायद्वितीए हिंडते, सव्वजोणीसु गोयमा ! ||७|| चिट्ठति संसरेमाणा जम्ममरणबहुवाहिवेयणारोगसोगदालिद्दकलहब्भक्खाणसंभवि ( वावि) गब्भव सादिसुक्खसंधुक्किए तप्पुव्वसल्लदोसेणं निव्वाणानंदमहूस वथामजोग्गअठ्ठारससीलंगसहस्साहिठ्ठियस्स सव्वासुहपावकम्मरासिनिद्दहण अहिंसालक्खणसमणधम्मस बोहिं णो पावेंतित्ति ||२|| 'अज्झवसायविसेसं तं, पडु (मु) च्चा केई तारिसं । पोग्गलपरियट्टलक्खेसुं, बोहिं कहकहवि पाव ॥८॥ एवं सुदुल्लहं बोहिं, सव्वदुक्खखयंकरं । LTL LLLLLLL श्री आगमगणमजषा १३६९ OR
NORO
(८)