Agam 39 Chhed 06 Maha Nishith Sutra Shwetambar Agam Guna Manjusha

Author(s): Gunsagarsuri
Publisher: Jina Goyam Guna Sarvoday Trust Mumbai

Page 14

(३५) महानिसीह छेयसुतं (२) प्र. अ. / द्वि. अ. उ. १
अणेगहा । विरयातीअंकुसेण पुणो, माणगइंदं वसीकरे ॥ २॥ मद्दवमुसलेण ता चूरे, वीसयरि (स) यं जाव दूरओ। दट्टुणं कोहको (लो) हाही (ई) मयरे निदे संघडे ||३|| कोहो य माणो य अणिग्गहीया, माया य लोभो य पवडुमाणा । चत्तारि एए कसिणा कसाया, पोयंति सल्ले सुदुरूद्धरे बहुं ||४|| उवसमेण हणे कोहं, माणं वया जिणे । मायं चज्जवभावेणं लोभं संतुठ्ठिओ जिणे ||५|| एवं निज्जियकसाए जे, सत्तभयठ्ठाणविरहीए। अठ्ठमयविप्पमुक्के य, देज्जा सुद्धालोयणं ॥ ६ ॥ सुपरिफुडं जहावत्तं सव्वं नियदुक्कियं कहे । णीसंके य असंखुद्धे, निब्भीए गुरूसंतियं ||७|| भूतोवुद्धडगे बाले, जह पलवे उज्जुए दूरं । अवि उप्पन्नं तहा सव्वं, आलोयव्वं जहठ्ठियं ||८|| जं पायाले पविसित्ता, अंतरजलमंतरेस वा कयमह रातोंऽधकारे वा, जणणीएवि समं भवे ||९|| तं जहवत्तं कहेयव्वं, सव्वमण्णंपि णिक्खिलं । नियदुक्कियसक्कियमादी, आलोयंतेहिं गुरूयणे ॥ २००॥ गुरूवि तित्थयरभणियं, जं पच्छित्तं तहिं कहे। नीसल्लीभवति तं काउं, जइ परिहरइ असंजमं || १ || असंजमं भन्नईपावं, तं पावणे हा मुणे । हिंसा असच्चं चोरिक्कं, मेहुणं तह परिग्गहं ॥२॥ सद्दाईदियकसाए य, मणवइतणदंडे तहा । एते पावे अछड्डुंतो, णीसल्लो णो य णं 'भवे ॥३॥ हिंसा पुढवादिछब्भेया, अहवा णवदसचोद्दसहा उ अहवा अणेगहा णेया, कायभेदंतरेहिं णं ||४|| हिओवदेसं पमोत्तूण, सव्वुत्तमपारमत्थियं । तत्तधम्मस्स सव्वसल्लं मुसावायं अणेगहा || ५ || उग्गमउप्पायणेसणया, बायालीसाए तह य । पंचेहिं दोसेहिं दूसियं, जं भंडोवगरणपाणमाहारं, नवकोडीहिं असुद्धं, परिभुंजं भवे तेणो ||६|| दिव्वं कामरईसुहं, तिविहंतिविहेण अहव उरालं । मणसा अज्झवसंतो, अबंभयारी मुणेयव्वो ॥७|| नवबंभचेरगुत्ती विराहए जो य साहु समणी वा । दिठ्ठिमहवा सरागं, पउंजमाणो अइयरे बंभं ॥८॥ गणणा (प) वमाणअइरित्तं, धम्मोवगरणं तहा। सकसायकूरभावेणं. जा वाणी कलुसिया भवे ||९|| सावज्जवइदोसेसुं जा पुठ्ठा तं मुसा मुणे । ससरक्खमवि अदिण्णं, जं गिण्हे तं चोरिक्कयं ॥ २९०॥ मेहुणं करकम्मेणं, सद्दादीण वियारणे । परिग्गहं जहिं मुच्छा, लोहो कखा ममत्तयं ॥१॥ अणूणोयरियमाकंठ, भुंजे राईभोयणं । सद्दस्सणिठ्ठ इयरस्स, रूवरसगंधफरिसस्स वा ||२|| ण रागं ण प्पदोसं वा, गच्छेज्ना उखणं मुणी । कसायस्स व चक्कस्स, मणसि विज्झावणं करे ||३|| दुठ्ठे मणोवईकायादंडे णो णं पउंजए। अफासुपाणपरिभोगं, बीयकायसंघट्टणं ॥४॥ अछडेंतो इमे पावे, णो णं णीसल्लो भवे । एएसं महंतपावाणं, देहत्थं जाव कत्थई ||५|| एक्कंपि चिठ्ठए सुहुमं, णीसल्लो ताव णो भवे । तम्हा आलोयणं दाउं, पायच्छित्तं करेऊणं। एयं निक्कवडनिद्दभं, नीसल्लं काउं तवं ॥६॥ जत्थ जत्थोवज्जेज्जा, देवेसु माणुसेसु वा । तत्थुत्तमा जाई. उत्तमा सिद्धिसंपया । लभेज्जा उत्तमं रूवं, सोहग्गं जइ णं नो सिज्झिज्जा तब्भवे ॥ २१७|| ति बेमि । ★★★ महानिसीहसुयक्खंधस्स पढमं अज्झयणं सल्लुद्धरणं नाम ॥ १ ॥ ★★★ एयस्स य कुलिहियदोसो न दायव्वो सुयहरेहिं, किंतु जो चेव एयस्स पुव्वायरिसो आसि तत्थेव कत्थई सिलोगो कत्थई सिलोगद्धं कत्थई पयक्खरं कत्थई अक्खरपंतिया कत्थई पत्तगपुठ्ठिया कत्थई तिन्नि पत्तगाणि एवमाइ बहुगंथं परिगलियंति ||७|| निम्मूलुद्धियसल्लेणं, सव्वभावेण गोयमा !! झाणे पविसेत्तु सम्मेयं, पच्चक्खं पासियव्वयं ॥१॥ जे सण्णी जेवी यासन्नी, भव्वाभव्वा उ सुत्थी तिरियमुढाहं, इहमिहाडेति दसदिसिं ॥२॥ असन्नी दुविहे ए, वियलिंदि एगिदिए । वियले किमिकुंथुमच्छादी, पुढवादी एगिदिए ॥ ३ ॥ पसुपक्खीमिगा सणी, नेरइया मणुया नरा । भव्वाभव्वावि अत्थेसुं, नीरए उभयवज्जिए ||४|| घम्मत्ता जति छायाए वियलिंदी सिसिराऽऽवयं । होही सोक्खं किलऽम्हाणं, ता दुक्खं तत्थवी भवे ।।५।। सुकुमालगं गयतालुं, खणदाहं सिसिरं खणं । न इमं अहियासेउं, सक्कणं एवमादियं ||६|| मेहुणसंकप्परागाओ, मोहा अण्णाणदोसओ | पुढवादी गंदी, पण याणंती दुक्खं सुहं ||७|| परिव्वत्तं चऽणतेवि, काले बेइंदियत्तणं । केई जीवा ण पावेंती, केई पुणोऽणादियाविय ॥ ८॥ सीउण्हवायविज्झडिया, मियपसुपक्खीसिरीसिवा। सुमिणतेवि न लब्भंते, ते णिमिसिद्धब्भंतरं सुहं ||९|| खरफरूसतिक्खकरवत्ताइएहिं, फालिज्जता खणे खणे । निवसते नारया नरए, सं सोक्खं कुओ भवे ? ||१०|| सुरलोए अमरया सरिसा, सव्वेसिं तत्थिमं दुहं । उवइ (ठ्ठि) ए वाहणत्ताए, एगो अण्णो तमारूहे ॥ १ ॥ समतुल्लपाणिपादेणं, हाह मे अत्तवेरिणा । मायादंभेण धिद्धिद्धि, परितप्पेदं आया वंचिओ ||२|| सुहेसी किसिकंमंतं, सेवावाणिज्जसिप्पयं । कुव्वताऽहन्निसं मणुया, धुप्पंते एसिं कओ सुहं ? ||३|| परघरसिरिए दिठ्ठाए, एगे इज्झति बालिसे । अन्ने अपहुप्पमाणीए, अन्ने खीणाइ लच्छिए ॥४॥ पुन्नेहिं वडमाणेहिं, जसकित्ती लच्छी य वहुई। पुन्नेहिं, जसकित्ती लच्छी
श्री आगमगुणमंजूषा - १३६७
FRO
XGRO
TOKO
(६)
फ्र