Agam 39 Chhed 06 Maha Nishith Sutra Shwetambar Agam Guna Manjusha

Author(s): Gunsagarsuri
Publisher: Jina Goyam Guna Sarvoday Trust Mumbai

Page 75

(३५) महानिसीह छेयसुत्तं (२) स.अ. [६७]
विंदा, तंजहा=नामालोयणं ठवणालोयणं दव्वालोयणं भावालोयणं, एते चउरोऽवि पए अणेगहावि चउधा जोइज्जति, तत्थ ताव समासेण णामालोयणं नाममेत्तेणं, ठवणालोयणं पोत्थयाइसुमालिहियं, दव्वालोयणं नाम जं आलोएत्ताणं असढभावत्ताए जहोवइट्टं पायच्छित्तं नाणुचिठ्ठे, एते तओऽवि पए एगतेणं गोयमा ! अपसत्थे, जे से चत्यं भावालोयणं नाम ते णं तु गोयमा ! आलोएत्ताणं निदित्ताणं गरहित्ताणं पायच्छित्तमणुचरित्ताणं जाव णं आयहियट्ठाए उवसंपज्नित्ताणं सकज्जुत्तममठ्ठे आराहेज्जा, से भयवं ! कयरे णं से चउत्थे पए १, गोयमा ! भावालोयणं, से भयवं ! किं तं भावालोयणं ?, गोयमा ! जे णं भिक्खू एरिसे संवेगवेरग्गगए सीलतवदाणभावणचउखंधसुसमणधम्ममाराहणेक्कंतरसिए मयभयगावादीहिं अच्च॑तविप्पमुक्के सव्वभावभावंतरेहिं णं नीसल्ले आलोइत्ताणं विसोहिपयं पडिगाहित्ताणं तहत्ति समणुट्ठीया सव्वुत्तमं संजमकिरियं समणुपालिज्जा ।२०। तंजहा- 'कयाइं पावाई ईसाहिं, जे हिअट्ठी ण बज्झए । तेसिं तित्थयरवयणेहिं, सुद्धी अम्हाण कीरओ ॥६॥ परिचिच्चाणं तयं कम्मं, घोरसंसारदुक्खदं । मणोवयकायकिरियाहिं, सीलभारं धरेमिऽहं ||७|| जह जाणइ सव्वन्नू, केवली तित्थंकरे। आयरिए चारित्तड्ढे, उवज्झायसुसाहुणो ॥ ८॥ जह पंच लोयपाले य, सत्ता धम्मे य जाणते । तहाऽऽलोएमिऽहं सव्वं, तिलमित्तंपि न निण्हवं ||९|| तत्थेव जं पायच्छित्तं, गिरिवरगुरूयंपि आव । तच्चरेदेि सुद्धिं, जह पावे झत्ति विलिज्जए ||३०|| मरिऊणं नरयतिरिएसुं, कुंभीपाएसु कत्थई । कत्थइ करवत्तजंतेहिं, कत्थइ भिन्नो उ सूलिए || १ || घसणं घोलणं कहिमि, कत्थइ छेयणभेयणं । बंधणं लंघणं कहिमि, कत्थइ दमणमंकणं ॥२॥ णत्थणं वाहणं कहिमि, कत्थइ वहणतालणं । गुरूभारक्कमणं कर्हिचि, कत्थझ
लारविंधणं ||३|| उरपट्ठिअट्ठिकडिभंगं, परवसो तण्हं छुहं । संतावुव्वेगदारिद्दं, वीसहीहामि पुणोविहं ||४|| ता इहहं चेव सव्वंपि, नियदुच्चरियं जहट्ठियं । आलोत्ता निदित्ता गरहित्ता, पायच्छित्तं चरित्तुणं || ५ || निद्दहामि पावयं कम्मं, झत्ति संसारदुक्खयं । अब्भुटिठत्ता तवं घोरं, धीरवीरपरक्कमं ||६|| अच्छंतकडयडं कट्ठे, दुक्करं दुरणुच्चरं । उग्गुग्गयरं जिणाभिहियं, सयलकल्लाणकारणं ||७|| पायच्छित्तनिमित्तेणं, पारसं थारकारयं । आयरेणं तवं चरिमो, जेणुब्भं सोक्खई तणुं ॥ ८॥ कसाए विहलीकट्टु, इंदिए पंच निग्गहं । मणोवईकायदंडाणं, निग्गहं धणियमारभे ||९|| आसवदारे निरूंभेत्ता, चत्तमयच्छरअमरिसो । गयरागदोसमोहोऽहं, संगो निप्परग्गहो ||४०|| निम्ममो निरहंकारो, सरीरअच्छंतनिप्पिहो । महव्वयाई पालेमि, निरइयांराइं निच्छिओ ||१|| हदी धी हा अहन्नोऽहं, पावो पावमती अहं । पाविट्ठो पावकम्मोऽहं पावाहमाहमयरोऽहं ||२|| कुसीलो भट्ठचारित्ती, भिल्लसूणोवमो अहं । चिलातो निक्किवो पावी, कूरकम्मीह निग्घिणो ||३|| इणमो दुल्लभं लभिउं, सामन्नं नाणदंसणं । चारित्तं वा विराहेत्ता, अणालोइयनिदियागरहियअकयपच्छित्तो, वावज्जंतो जई अहं ॥४॥ ता निच्छयं अणुत्तरे, घोरे संसारसागरे । निबुड्डो भवकोडीहिं, समुत्तरंतो ण वा पुणो ॥५॥ ता जा जरा ण पीडेइ, वाही जाव न केई मे । जाविंदिया न हायंति, ताव धम्मे चरेत्तुऽहं ||६|| निद्दहमइरेण पावाई, निदिउं गरहिउं चिरं । पायच्छित्तं चरित्ताणं, निक्कलंको भवामिऽहं ||७|| निक्कलुसनिक्कलंकाणं, सुद्धभावाण गोयमा ! । तन्नो नट्टं जयं गहियं, सुदूरमवि परिवलित्तणं ॥८॥ एवमालोयणं दांउं, पायच्छित्तं चरित्तुण । कलुसकम्ममलमुक्कं, जइ णो सिज्झिज्न तक्खणं ||९|| ता वए देवलोगंमि, निच्चुज्जोए सयंपहे । देवदुदुंहिनिग्घोसे, अच्छरासयसंकुले ॥५०॥ तओ चुया इहागंतुं, सुकुलूप्पत्तिं लभेत्तुणं । निव्विन्नकामभोगा य, तवं काउं मया पुणो || १ || अणुत्तरविमाणेसुं, निवसिऊणेहमागया । हवंति धम्मतित्थयरा, सयलतेलोक्कबंधवा ॥२॥ एस गोयम ! विन्नेये, सुपसत्थे चउत्थे पए । भावालोयणं नाम, अक्खयसिवसोक्खदायगो ॥३॥ त्ति बेमि, से भयवं ! एरिसं पप्प, विसोहिं उत्तमं वरं । जे पमाया पुणो असई, कत्थइ चुक्के खल्लिज्ज वा ॥४॥ तस्स किं भवे सोहिपयं, सुविसुद्धं चेव लक्खिए। उयाहु णो समुल्लिक्खे ?, संसयमेयं वियागरे ॥ ५ ॥ गोयमा ! निंदिउं गरहिउं सुइरं, पायच्छित्तं चरित्तुणं । निक्खारियवत्थमिवाएण खंपणं जो न रक्खए ||६|| सो सुरहिगंधुभिण्णगंधोदयविमलनिम्मलपवित्ते । मज्जिअ खीरसमुद्दे, असुईगड्डाए जइ पडइ ||७|| एता पुण तस्स सामग्गी, (सव्वकम्मक्खयंकरा) । अह होज्ज देवजोग्गा, असुईगंधं खु दुब्द्धरिसं ॥८॥ एवं कयपच्छित्ते, जे णं छज्जीवकायवयनियमं । दंसणनाणचरित्तं, सीलंगे वा भवंगे वा ॥ ९ ॥ कोहेण व माणेण व माय कसायदोसेणं । रागेण पओसेण व, (अन्नाण) मोहमिच्छत्तहासेणं (वावि) ||६०|| (भएणं कंदप्पदप्पेणं) एएहि य अन्नेहि य गारवमालंबणेहिं जो खंडे । सो सव्वट्ठविमाणे, पत्ते अत्ताणगं निरए ||१|| (खिवे) से भयवं ! किं आया संरक्खेयव्वो उयाहु छज्जीवनिकायमाइसंजमे संरक्खेयव्वो ?, गोयमा ! जे णं छक्कायसंजमं रक्खे से HOTO श्री आगमगुणमजूषा १४२८
5
KO卐卐卐卐卐卐
已