Agam 39 Chhed 06 Maha Nishith Sutra Shwetambar Agam Guna Manjusha

Author(s): Gunsagarsuri
Publisher: Jina Goyam Guna Sarvoday Trust Mumbai

Page 25

(३५) महानिसीह छेयसुत्तं (२) तृ. अ.
वा अज्झावयंति वा अहीयंतं वा अज्झावयंतं वा समणुजाणंति ते णं महापावकम्मे महतीं सुपसत्थनाणस्सासायणं पकुव्वंति ||१०|| से भयवं ! जइ एवं ता किं पंचमंगलस्स ण उवहाणं कायव्वं ?, गोयमा ! पढमं नाणं तओ दया, दयाए य सव्वजगज्जीवपाणभूयसत्ताणं अत्तसमदरिसित्तं, सव्वजगजीवपाणभूत् अत्तसमदंसणाआ य तेसिं चेव संघट्टणपरियावणलिवणोद्दावणाइदुक्खुप्पायणभयविवज्जणं तओ अणासवो अणासवओ य संवुडासवदारत्तं संवुडासवदारणं च दमोपसमो तआ य समसत्तुमित्तपक्खया समसत्तुमित्तपक्खयाए य अरागदोसत्तं तओ य अकोहया अमाणया अलोभया अकोहमाणमायालोभयाए य अकसायत्तं तओ य सम्मत्तं सम्मत्ताओ य जीवाइपयत्थपरिन्नाणं तओ सव्वत्थ अपडिबद्धत्तं सव्वत्थापडिबद्धत्तेण य अन्नाणमोहमिच्छत्तक्खयं तओ विवेगो विवेगाओ य हेयउवाएयवत्थुवियालणेगंतबद्धलक्खत्तं तओ य अहियपरिच्चाओ हियायरणष य अच्चं तमब्भुज्जमो तओ य परमत्थपवित्तुत्तमखं तादिदसविहअहिंसालक्खणधम्माणुठ्ठाणिक्ककरणकारावणासत्तचित्तया तओ य खंतादिदसविहअहिंसालक्खणधम्माणुट्ठाणिक्ककरणकारावणासत्तचित्तयाए य सव्वृत्तमा खं सव्वुत्तमं मिउत्तं सव्वत्तमं अज्जवभावत्तं सव्वुत्तमं सज्झतरसव्वसंगपरिच्चागं सव्वुत्तमं सबज्झब्भंतरदुवालसविहअच्चंतघोरवीरूग्गकट्टतवचरणाणद्वाणाभिरमणं सव्वुत्तमं सत्तरसविहकसिणसंजमाणुट्ठाणपरि- पालणेक्कबद्धलक्खत्तं सव्वुत्तमं सच्चुग्गिरणं छक्कायहियं अणिगूहियबलवीरियपुरिसक्कारपरक्कमपरितोलणं च सव्वुत्तमसज्झायज्झाणसलिलेण पावकम्ममललेवपक्खालणंति संव्वुत्तमुत्तमं आकिंचणं सव्वुत्तमं परमपवित्तसव्वभावंतरेहिं णं सुविसुद्धसव्वदोसविप्पमुक्कणवगुत्तीसणाअट्ठारसपरिहारठ्ठाणपरिवेढियसुदुद्धरघोरभंभवयधारणंति, तओ एएरं चेव सव्वुत्तमखंतीमद्दवअज्जयमूटरत-यसहजमसच्चसोयआकिंचणसुदुद्धरबंभवयधारणसमुट्ठाणेणं च सव्वसमारंभविवज्जणं, तओ य पुढविदगागणिवाऊवणप्फइबितिचउपंचिदियाणं तहेव अजीवकायसंरंभसमारंभारंभाणं च मणोवइकायतिएणं तिविहंतिविहेण सोइंदियादिसंवरण आहारादिसन्नाविप्पजढत्ताए वोसिरणं, तओ य अ (मलिय) द्वारससीलंगसहस्सधारितं अमलियअठ्ठारससीलंगसहस्सधारणेणं च अखलियअखंडिय अमिलियअविराहियसुट्टुमुग्गुग्गयरविचित्ताभिग्गहनिव्वाहणं, तओ य सुरमणुयतिरिच्छोईरियघोरपरीसहोवसग्गाहियासणं संमकरणेणं, तओ य अहोरायाइपडिमासुं महापयत्तं तओ निप्पडिकम्मसरीरया निप्पडिकम्मसरीरत्ताए य सुक्कज्झाणे निप्पकंपत्तं, तओ य अणाइभवपरंपरसंचियअसेसकम्मठ्ठरासिखयं अनंतनाणदंसणधारित्तं च चउगइभवचारगाओ निप्फेडं सव्वदुक्खविमोक्खं मोक्खगमणं च तत्थ अदिठ्ठजम्मजरामरणाणिट्ठसंपओगिट्ठविओयसंतावुव्वेगअयसऽब्भक्खाणमहवाहिवेयणारोगसोगदारिद्दुदुक्खभयवेमणस्सत्तं, तओ य एगतियं अच्छंतियं सिवमयलमक्खयधुवं परमसासयं निरंतरं सव्वुत्तमसोक्खंति, ता सव्वमेवेयं नाणाओ पवत्तेज्जा, ता गोयमा ! एगंतिय अच्वंतियपरमसास-तधुवनिरंतरसव्वुत्तमसोक्खकंखुणा पढमयरमेव तावायरेणं सामाइयमाइयलोगबिंदुसारपज्जवसाणंदुवालसंगं सुयनाणं कालंबिलादिजहुत्तविहिणोवहाणेणं हिंसादियं च तिविहंतिविण पडिक्कंतेण य सरवंजणमत्ताबिंदुपयक्खराणूणगं पयच्छेदघोसबद्धयाणुपुव्विं पुव्वाणुपुव्विअणाणुपुव्वीए सुविसुद्धं अचोरिक्कायएण एगत्तेण सुविन्नेयं, तं च गोयमा ! अणिहणऽणोरपारसुविच्छिन्नचरमोयहिपिव य सुदुरवगाहं सयलसोक्खपरमहेउभूयं च तस्स य सयलसोक्खहेउभूयाओ न इट्ठदेवयानमोक्कारविरहिए केई पारं गच्छेज्ना, इट्ठदेवयाणं च नमोक्कारं पंचमंगलमेव गोयमा !, णो णमन्नति, ता नियमओ पंचमंगलस्सेव पढमं ताव विणओवहाणं कायव्वंति ॥ ११ ॥ से भयवं । कयराए विहीए पंचमंगलस्स णं विणओवहाणं कायव्वं ?, गोयमा ! इमाए विहीए पंचमंगलस्स णं विणओवहाणं कायव्वं तंजहा- सुपसत्थे चेव सोहणे तिहिकरणमुहुत्तनक्खत्तजोगलग्गससीबले विप्पमुक्कजाया- इमयासंकेण संजायसद्धासंवेगसुतिव्वतरमहंतुल्लसं-तसुहज्झवसायाणुगयभत्तीबहुमाणपव्वं णिणियाणं दुवालसभत्तट्ठिएणं चेइयालए- जंतुविरहिओगासे - भत्तिभरनिब्भरूद्धसियससीसरो मावलीपप्फुल्लणदिट्ठणवणवसंवेगसमुच्छलंतसंजायबहलघणनिरंतरअचिंतपरम- सुहपरिणामविसेसुल्लासियजीववीरियाणुसमयविवहु॑तपमोय-सुद्धसुनिम्मलथिरदढयंतकरणेणं खितिणिहियजाणुणिसिउत्तमंगकरकमलमउलसोहंजलिपुडेणं सिरिउसभाइपवरवरधम्मतित्थयरपडिमाबिंबविणिवेसियणयणमाणसेगग्गतग्गयज्झवसाएणं
फ्र
YOYO श्री आगमगुणमंजूषा १३७८
[१७]
(व)
यणसयवत्तपसत्तसोमथिर