Agam 39 Chhed 06 Maha Nishith Sutra Shwetambar Agam Guna Manjusha

Author(s): Gunsagarsuri
Publisher: Jina Goyam Guna Sarvoday Trust Mumbai

Page 28

(३५) महानिसीह छेयसुत्तं (२) तृ. अ.
झणझणे किंचि ||१८|| भत्तिभरनिब्भरो जिणवरिंदपायारविंदजुगपुरओ । भुमिनिठ्ठवियसिरो कयंजलीवावडो चरित्तट्ठो ||१९|| एक्कंपि गुणं हियए धरेज्ज संकाइसुद्धसम्मत्तो | अक्खंडियवयनियमो तित्थयरत्ताए सो सिज्झे ||२०|| जेसिं च णं सुगहियनामग्गहणाणं तित्थयराणं गोयमा ! एस जगपायडमहच्छेरयभूए भुवणस्स वियडपायडमहंताइसयपवियंभो, तंजहा- खीणट्टपायकम्मा मुक्का बहुदुक्खगब्भवसहीणं । पुणरविअ पत्तकेवलमणपज्जवणाणचरिततणू ॥ २१ ॥ महजो विविहदुक्खमयरभवसागरस्स उब्विग्गा दट्ठूणऽरहाइसए भवद्दुत्तमणा खणं जंति ॥ २२॥ अहवा चिट्ठउ ताव सेसवागरणं गोयमा ! एवं चेव धम्मतित्थगरेति नाम सन्निहियं पवरक्खरूव्वहणं तेसिमेव सुगहियनामधिज्जाणं भुवणबंधूणं अरहंताणं भगवंताणं जिणवरिंदाणं धम्मतित्थंकराणं छज्जे, ण अन्नेसिं, जओ य णेगजंमंतरपुठ्ठमोहोवसमसंवेग - निव्वेयणुकं पाअत्थित्ता- भिवत्तीसलक्खणपवर- सम्मदंसणुल्लसंत - विरियाणिगू हियउग्गकठ्ठघोर- दुक्करतवनिरंतरज्जियउत्तुंगपुन्नखंध समुदयमहपब्भार- संविदत्तउत्तमपवरपवित्तविस्स- कसिणबंधुणाहसामिसाल- अनंतकालवत्तभवभावणच्छिन्नपाव- बंधणेक्क अबिइज्जतित्थयरनामकम्मनयणमाणसाउलमहंत विम्हयपमोयकारया असेसकसिणपावक- म्ममलकलंकविप्प- मुक्कसमचउरंसपवरपढम- वज्जरिसहनारायसंघयणाहिठ्ठियपरमपवित्तुत्तममुत्तिधरे, ते चेव भगवंते महायसे महासत्ते महाणुभागे परमिठ्ठी सद्धम्मतित्थंकरे भवंति ||१४|| अन्नंच सयलनरामरतियसिंदसुंदरीरूवकंतिलावन्नं । सव्वंपि होज्ज जइ एगरासिण संपिण्डियं कहवि ॥ २३ ॥ तं च जिणचलणंगुठ्ठग्गकोडिदेसेगलक्खभागस्स । संनिज्झमि न सोहइ जह छारउडं कंचणगिरिस्स ||२४|| त्ति, 'अंहवा नाऊण गुणंतराइं अन्नेसिं ऊण सव्वत्थ । तित्थयरगुणाणमणंतभागमलब्धंतमन्नत्य || २५ || जं तिहुयपि तयलं एगी होऊणमुब्भमेगदिसिं । भागे गुणाहिओऽम्हं तित्थयरे परमपुज्ने ||२६|| त्ति, तेच्चिय अच्चे वंदे पूए अरिहे गइमइसमन्ने । जम्हा तम्हा ते चेव भावओ णमह धम्मतित्थयरे ||२७|| लोगेवि गामपुरनगरविसयजणवयसमग्गभरहस्स । जो जित्तियस्स सामी तस्साणत्तिं ते करेति ॥ २८॥ नवरं गामाहिवई सुटु सुतट्ठे 'एक्कगाममज्झाओ । किं देज्ज ? जस्स नियगे तेलोए एत्तियं पुव्वं ॥ २९॥ चक्कहरो सीलाए सुटु सुधेवंपि देइ न हु मन्ने । तेण य कमागयगुरूदरिद्दनामं समासेइ ||३०|| (सयलबंधुवग्गस्सत्ति) सो मंता चक्कहरं चक्कहरो सुखइत्तणं कखे । इंदो तित्थयरे उण जगस्स जहिच्छियसुहफलए ||३१|| तम्हा जं इंदेहीवि कंखिज्जइ एगबद्धलक्खेहिं । अइसाणुरागहियएहिं उत्तमं तं न संदेहो ||३२|| तो सयलदेवदाणवगहरिक्खसुरिंदचंदमादीणं । तित्थयरे पुज्जयरे ते च्चिय पावं पणासंति ॥ ३ ॥ तेसि य तिलोगमहियाण धम्मतित्थंकराण जगगुरूणं । भावच्चणदव्वच्चणभेदेण दुहच्चणंभणियं || ४ || भावच्चण चारित्ताणुठ्ठाणकडुग्गघोरतवचरणं । विरयाविरयसीलपूयासक्कारदाणादी ||५|| ता गोयमा ! णं एसेऽत्थ परमत्थे तंजहा- 'भावच्चणमुग्गविहारया य दव्वच्चणं तु जिणपूया । पढमा जईण दोन्निवि गिही पढमच्चिय पसत्था ॥६॥ एत्थं च गोयमा ! केई अमुणियसमयसब्भावे ओसन्नविहारी णियवासिणो अदिठ्ठपरलोगपच्चवाए सयंमतीइडिढरससायगारवाइमुच्छिए रागदोसमोहाहंकारममीकाराइसुपडिबुद्धो । कसिणसंजमसद्धम्मपरंमुहे निद्दयनित्तिंसनिग्घिणअकलुणनिक्किवे पावायरणेक्क अभिनिविबुद्धि ए अइचंडरोद्दकूरोभिग्गहिए मिच्छद्दिठ्ठिणो कयसव्वसावज्जजोगपच्चक्खाणे विप्पमुक्कोसेससंगारंभपरिग्गहे तिविहंतिविहेणं पडिवन्नसामाइए य दव्वत्ताए, न भावत्ताए, नाममेव मुंडे अणगारे महव्वयधारी समणेऽवि भवित्ताणं एवं मन्त्रमाणे सव्वहा उम्मग्गं पवत्तंति, जहा किल अम्हे अरहंताणं भगवंताणं गंधमल्लपदीवसंमज्जणोवलेवणविचित्तवत्थलधूवाइएहिं पूयासक्कारेहिं अणुदियहमब्भच्चणं पकुव्वाणा तित्थुच्छप्पणं करेमो, तं च णो णं तहत्ति, गोयमा ! तं वायाएव णो णं तहत्ति समणुजाणेज्जा, से भयवं ! केण अठ्ठेणं एवं वुच्चइ-जहा णं तं च णो णं तहत्ति समणुजाणेज्जा ?, गोयमा ! तयत्थाणुसारेणं असंजमबाहुल्लेणं च मूलकम्मासवाओ य अज्झवसायं पडुच्च थूलेयरसुहासुहकम्मपयडीबंधो सव्वसावज्जविरयाणां च वयभंगो वयभंगेणं च आणाइक्कमे आणाइक्कमेणं तु उम्मग्गगामित्तं उम्मग्गगामित्तेणं च सम्मग्गविप्पलोवणं उम्मग्गपवत्तणसम्मग्गविप्पलोवणेणं च जईणं महती आसायणा, तओ अ अनंतसंसाराहिंडणं, एएणं अठ्ठेणं गोयमा ! एवं
[२०]
or Private & Personal Use Only
Education Inter
YOYORK 5 श्री मनमा १- 4545454545454545
2010 0
www.jainelibrary LF LELE LELE LA LE LEGYOK