Agam 39 Chhed 06 Maha Nishith Sutra Shwetambar Agam Guna Manjusha

Author(s): Gunsagarsuri
Publisher: Jina Goyam Guna Sarvoday Trust Mumbai

Page 72

(३५) महानिसीह छेयसुत्तं (२) स.अ.
जहासंखेणं णेयं, काऊणं काउस्सग्गं मुहणंतगं पच्चुप्पेहेउं विहीए गुरूणो किइकम्मं काऊणं जंकिंचि कत्थइ सूरूग्गमपभिईए चिट्ठतेण वा गच्छंतेण वा चलंतेण वा भमंतेण वा संभरं (मं) तेण वा पुढवीदग अगणिमारूयवणस्सइहरियतणबीयपुप्फफलकिसलयपवालंकुरदलबितिचउपंचिदियाणं संघट्टणपरियावणकिलावणउद्दवणं वाकयं हवेज्जा तहा तिण्हं गुत्तादीणं चउण्हं कसायाईणं पंचण्हं महव्वयादीणं छण्हं जीवनिकायादीणं सत्तण्डं पाणपिंडेसणाणं अट्ठण्हं पवयणमायादीणं नवहं बंभचेरादीणं दसविहस्स समणधम्मस्स नाणदंसणचारित्ताणं च जं खंडियं जं विराहियं तं निदिऊणं गरहिऊणं आलोइऊणं पायच्छित्तं च पडिवज्नेऊणं एगग्गमाणसे सुत्तत्थोभयं धणियं भावेमाणे पडिक्कमणं ण करेज्जा उवट्ठावणं, एवं तु अदंसणं गओ सूरिओ, चेइएहिं अवंदिएहिं पडिक्कमेज्जा चउत्थं, एत्थं च अवसरं विनेयं, पडिक्कमिऊणं च विहीए रयणीए पढमजामं अणूणगं सज्झायं न करेज्जा दुवालसं, पढमपोरिसीए अणइक्कंताए संथारगं संदिसावेज्जा छट्ठं, असंदिसाविएण्ठ संथारगेणं संथारेज्जा चउत्थं, अपच्चुप्पेहिए थंडिल्ले संथारेइ दुवालसं, अविहीए संथारेज्जा चउत्थं, उत्तरपट्टगेणं विणा संथारेइ चउत्थं, दोउडं संथारेज्जा चउत्थं, सुसिरं सणप्पयादी संथारेज्ना सयं आयंबिलाणं, सव्वस्स समणसंघस्स साहम्मिया ( णमसाहम्मिया) णं च सव्वस्सेव जीवरासिस्स सव्वभावभावंतरेहिं णं तिविहंतिविहेणं खामणमरिसावणं अकाऊणं चेइएहिं तु अवंदिएहिं गुरूपामूलं च उवहिदेहस्सासणादीणंच सागारेणं पच्चक्खाणेणं अकएणं कन्नविवरेसुं च कप्पासरूवेणं तुट्ट (अठ्ठ) इएहिं संथारम्ही ठाएज्जा, एएसुं पत्तेगं उवठ्ठावणं, संथारगम्ही ठाऊणमिमस्स णं धम्मसरीरस्स गुरूपारंपरिएणं समुवलद्धेहिं तु इमेहिं परममंतकुखरेहिं दससुविदिसासुं अहिहरिदुट्ठपंतवाणमंतरपिसायादीण रक्खं ण करेज्जा उवठ्ठावणं, दससुवि दिसासु रक्खं काऊणं दुवालसहिं भावणाहिं अभावियाहिं सोविज्जा पणुवीसं आयंबिलाणि, एक्वं निद्दं मोऊणं पडिबुद्धे ईरियं पडिक्कमेत्ताणं पडिक्कमणकालं जाव सज्झायं न करेज्जा दुवालसं, पसुत्ते दुसुमिणं वा कुसुमिणं वा उग्गहेज्जा सएण ऊसासाणं काउस्सग्गं, रयणीए छीएज्ज वा खासेज्ज वा फलहगपीढगदंडगेण वा खुडुक्कगं पउरिया खमणं, दिया वा राओ वा हासखेड्डकंदप्पणाहवायं करेजा उवठ्ठावणं, एवं जेणं भिक्खू सुत्ताइक्कमेणं कालाइक्कमेणं आवासगं कुव्वीया तस्स णं कारणिगस्स मिच्छउक्कडं गोयमा ! पायच्छित्तं उवइसेज्जा, जे यणं अकारणिगे तेसिं तु णं जहाजोगं चउत्थाइ उवएसे, जे णं भिक्खू सद्दे करेज्जा सद्दे उवइसेज्जा सद्दे गाढागाढसद्दे य सव्वत्थ पइपयं पत्तेयं सव्वपएसुं संबज्झावेयव्वे, एवं जेणं भिक्खू आउकायं वा तेउकायं वा इत्थीसरीरावयवं वा संघट्टेज्ना नो णं परिभुंजेज्जा से णं तस्स पणुवीसं आयंविलाणि उवइसेज्जा, जे उण परिभुंजेज्जा से दुरंतपंतलक्खणे अठ्ठव्वे महापावकम्मे पारंचिए, अहा णं महातवस्सी हवेज्जा सत्तरिं मासखमणाणं सयरिं अद्धमासखमणाणं सयरिं दुवालसाणं सयरिं दसमाणं सरं अमाणं सरिं छठ्ठाणं सयरिं चउत्थाणं सयरिं आयंबिलाणं सयरिं एगठ्ठाणाणं सयरिं सुद्धायामेगासणाणं सयरिं निव्विगइयाणं जाव णं अणुलोमपडिलोमेणं निद्दिसेज्जा, एयं च पायच्छित्तं जे य णं भिक्खू अविस्संतो समणुट्टेज्जा से णं आसण्णपुरक्खडे नेये । ८I से भयवं ! इणमो सयरिं सयरिं अणुलोमपडिलोमेणं केवइयं hi जाव समहि ?, गोयमा ! जाव णं आयारमग्गं वा (ठा) एज्जा, भयवं ! उड्ढं पुच्छा, गोयमा ! उड्ढं केई समणुठ्ठेज्जा केई णो समणुठ्ठेज्जा, जेणं समणुट्ठेज्जा सेणं वंदे से णं पुज्जे से णं दट्ठव्वे से णं सुपसत्थसुमंगले सुगहीयणामधेज्जे तिण्हंपि लोगाणं वंदणिज्जेत्ति, जे णं तु णो समणुट्टे से णं पावे से णं महापावे से णं महापावपावे सेणं दुरंतपंतलक्खणे जाव णं अदट्ठव्वेत्ति | ९| जया णं गोयमा ! इणमो पच्छित्तसुत्तं वोच्छिज्जिहिइ तया णं चंदाइच्चगहरिक्खतारगाणं सत्त अहोरत्ते तेयं णो विफुरेज्जा।१०। इमस्स णं वोच्छेदे गोयमा ! कसिणसंजमस्स अभावो, जओ णं सव्वपावपणिठ्ठवगे चेयं पच्छित्ते, सव्वस्स णं तवसंजमाणुठ्ठाण पहाणमंगे परमविसोहीपए, पवयणस्सावि णं णवणीयसारभूए पन्नत्ते । ११ । इणमो सव्वमवि पायच्छित्ते गोयमा ! जावइयं एगत्थ संपिंडियं हवेज्जा तावइयं चेव एगस्स णं गच्छाहिवइणो मयहरपवत्तणीए य चउगुणं उवइसेज्जा, जओ णं सव्वमवि एएसिं पयंसियं हवेज्जा, अहा णमिमे चेव पमायं संगच्छेज्ना तओ अन्नेसिं संते धीबलवीरय (ए) सुठुतरागमब्भुज्जमं ह (हा) वेज्जा, अहा णं किंचि सुमहंतमवि तओऽणुट्ठाणमब्भुज्जमेज्जा ता णं न तारिसाए धम्मसद्धाए, किं तु मंदुच्छाहे समज्जा, भग्गपरिणामइस य निरत्थगमेव कायकेसे, जम्हा एयं तम्हा उ अचिंताणंतनिरणुबंधिपुन्नपब्भारेणं संभु (जु) ज्जमाणेवि साहुणो न संजुज्नंति, एवं च
5 श्री आगमगुणमंजूषा १४२५
KOKO666666666666
[६४]