Agam 39 Chhed 06 Maha Nishith Sutra Shwetambar Agam Guna Manjusha

Author(s): Gunsagarsuri
Publisher: Jina Goyam Guna Sarvoday Trust Mumbai

Page 47

Roz959555555555555
(३५) महानिसीह छेयसुत्तं (२) पं. अ.
३९]
面与牙牙牙乐坊乐克20
MFC明明明明听听听听听听听听听听听听听听听听乐乐听听听听听听听听听听听听听听听听听听听听听听听听听听
जीवाइपयत्थतत्तं च, अहऽन्नया बहुउवाएहिणं विणिवारिंतस्सवि तस्सायरियस्स गए चेव ते साहुणो कुद्धेणं कयंतेणं परियरिए तित्थयत्ताए, तेसिं च गच्छमाणाणं कत्थइ अणेसणं कत्थइ हरियकायसंघट्टणं कत्थइ बीयक्कमणं कत्थइ पिवीलियादीणं तसाणं संघट्टणपरितावणोद्दवणाइसंभवं कत्थइ वट्ठपडिक्कमणं कत्थइ ण कीरए चेव चाउक्कालियं सज्झायं कत्थड़ ण संपाडेज्जा मत्तभंडोवयरगस्स विहीए उभयकालं पेहपमज्जणपडिलेहणपक्खोडणं, किं बहुणा ?, गोयमा ! कित्तियं भन्निहिइ? अट्ठारसण्हं सीलंगसहस्साणं सत्तरसविहस्स णं संजमस्स दुवालसविहस्स णं सब्भंतरवाहिरस्स तवस्स जाव णं खंताइअहिंसालक्खणस्सेव य दसविहस्साणगारधम्मस्स जत्थेक्केक्कपयं चेव सुबहुएणंपि कालेणं थिरपरिचिएण दुवालसंगमहासुयक्खंघेणं बहुभंगसयसंघत्तणाए दुक्खं निरइयारं परिवालिऊण जे, एयं च सव्वं जहाभणियं निरइयारमणुट्टेयंति, एव संभरिऊण चितियं तेण गच्छाहिवइणा-जहा णं मे विप्परूक्खेण ते दुट्ठसीसे मज्झं अणाभोगपच्चएणं सुबई असंजमं काहेति तं च सव्वं ममऽच्छंतियं होही. जओ णं हं तेसिं गुरू ताहं तेसिं पट्ठीए गंतूणं पडिजागरामि जेणाहमित्थ पए पायच्छित्तेणं णो संबज्झेज्जेति वियप्पिऊणं गओ सो आयरिओ तेसिं पट्ठीए जावणं दिढे तेणं असमंजसेण गच्छमाणे, ताहे गोयमा ! सुमहुरमंजुलालावेणं भणियं तेणं गच्छाहिवइणा. जहा भो भो उत्तमकुलनिम्मलवंसविभूसणा मुगअमुगाइमहासत्ता साहू पहपडिवन्नाणं पंचमहव्वयाहिट्ठियतणूणं महाभागाणं साहुसाहुणीणं सत्तावीसं सहस्साई थंडिलाणं सव्वदंसीहिं पन्नत्ताई, ते य सुउवउत्तेहिं विसोहिज्जति, ण उणं अन्नोवउत्तेहिं, ता किमेयं सुन्नासुन्नीए अणोवउत्तेहिं गम्मइ, इच्छायारेणं उवओगं देह, अन्नंच-इणमो सुत्तत्थं किं तुम्हाणं विसुमरियं भवेज्जा जं सारं सव्वपरमतत्ताणं जहा 'एगे बेइंदिए पाणी एगं सयमेव हत्थेण वा पाएण वा अन्नयरेण वा सलागाइअहिगरणभूओवगरणजाएणं जे णं केई संघट्टेज्जा वा संघट्टावेज्जा वाएवं संघट्टियं वा परेहिं समणुजाणेज्जा से णं तं कम्मं जया उदिन्नं भवेज्जा तया जहा उच्छुखंडाइं जंते तहा निप्पीलिज्जमाणा छम्मासेणं खवेज्जा, एवं गाढे दुवालसेहिं संवेच्छरेहिं तं कम्मं वेदेज्जा, एवं अगाढपरियावणे वाससहस्सं, गाढपरियावणे दसवाससहस्से एवं अगाढकिलामणे वासलक्खं, गाढकिलामणे दसवासलक्खाइं, उद्दवणे वासकोडी, एवं तेइंदियाइसुंपि णेयं, ता एवं च वियाणमाणा मा तुम्हे मुज्झहत्ति, एवं च गोयमा ! सुत्ताणुसारेणं सारयंतस्सावि तस्सायरियस्स ते महापावकम्मे गमगमहल्लफलेणं हल्लोहलीभूएणं तं आयरियाणं वयणं असेसपावकम्मट्टदुक्खविमोयगं णो बहु मन्नेति, ताहे गोयमा ! मुणियं तेणायरिएणं जहा निच्छयओ उम्मग्गपट्ठिए सव्वपगारेहिं चेव मे पावमई दुट्ठसीसे, ताई किमट्ठमहमिमेसिं पट्ठीए लल्लीवागरणं करेमाणोऽणुगच्छमाणो य सुक्खाए गयजलाए णदीए उवुझं, एए गच्छंतु दसदुवारेहिं, अहयं तु तावायहियमेवाणुचिट्ठेमी, म किं मझं परकएणं सुमहतएणावि पुन्न.पब्भारेणं थेवमवि किंची परित्ताणं भवेज्जा ?, सपरक्कमेणं चेव मे आगमुत्ततवसंजमाणुट्ठाणेणं भवोयही तरेयव्वो, एस उण ॥ तित्थयराएसो जहा. 'अप्पहियं कायव्वं जइ सक्का परहियं च पयरेज्जा । अत्तहियपरहियाणं अत्तहियं चेव कायव्वं ॥१२२।। अन्नंच-जइ एते तवसंजमकिरियं अणुपालिहिति तओ एएसिं चेव सेयं होहिइ, जइ ण करेहिति तओ एएसिं चेव दुग्गइगमणमणुत्तरं हवेज्जा, नवरं तहावि मम गच्छो समप्पिओ गच्छाहिवई अहयं भणामि, अन्नं च-जे तित्थयरेहिं भगवंतेहिं छत्तीस आयरियगुणे समाइढे तेसिं तु अहयं एक्कमविणाइक्कमामि जइवि पाणोवरमं भवेज्जा, जं चागमे इहपरलोगविरुद्धं तं णायरामिण कारयामिण कज्जमाणं समणुजाणामि, ता मेरिसगुणजुत्तस्सावि जइ भणियं ण करेति ताऽहमिमेसिं वेसग्गहणं उद्दालेमि, एवं च समए पन्नत्ती जहाजे केई साहू वा साहुणी वा वायामित्तेणावि असंजममणुचेद्वेज्जा से णं सारेज्जा चोएज्जा पडिचोएज्जा, से णं सारेजते वा चोइज्जते वा पडिचोइज्जते वा जे णं तं वयणमवमन्निय अलसायमाणे वा अभिनिविट्ठेइ वा ण तहत्ति पडिवज्जिय इच्छं पउंजित्ताणं तत्थ णो पडिक्कमेज्जा सेणं तस्सवेसग्गहणं उद्दालेज्जा, एवं तु आगमुत्तणाएणं
गोयमा ! जाव तेणायरिएणं एगस्स सेहस्स वेसग्गहणं उद्दालियं तावणं अवसेसे दिसोदिसं पणढे ताहे गोयमा ! सो य आयरिओ सणियं तेसिं पट्टीए जाउमारद्धो णो 4 णं तुरियं २, से भयवं! किमटुं तुरियं २ णो पयाइ ?.गोयमा ! खाराए भूमीए जो महूरसंकमज्जा महुराए खारं किण्हाए पीयं पीयाओ किण्हं जलाओ थलं थलाओ जलं 2 संकमज्जा तेणं विहीए पाए पमज्जिय २ संकमेयव्वं, णो पमज्जेज्जा तओ दुवालससंवच्छरियं पच्छित्तं भवेज्जा, एएणमटेण गोयमा ! सो आयरिओण तुरियं २ गच्छे, Re:
555555555555555555 श्री आगमगुणमंजूषा -१४००55555555555555555555555555STOR