Agam 39 Chhed 06 Maha Nishith Sutra Shwetambar Agam Guna Manjusha

Author(s): Gunsagarsuri
Publisher: Jina Goyam Guna Sarvoday Trust Mumbai

Page 45

(३५) महानिसीह छेयसुत्तं (२) पं. अ.
घणगणि (च्छि) यहयकुहुकुहुयवेज्जदुग्गेज्झमुढहिययाउ । होज्जा वावारियाओ इत्थीरज्जं न तं गच्छं || ६ || पच्चक्खा सुयदेवी तवलद्धीए सुराहिवणुयावि । जत्थ रिना कज्जाई इत्थीरज्जं न तं गच्छं ||७|| गोयम ! पंचमहव्वय गुत्तीणं तिण्ह पंचसमिईणं । दसविहधम्मस्सिक्कं कहवि खलिज्जइ न तं गच्छं ॥८|| दिणदिक्खियस्स दमगस्स अभिमुहा अज्जचंदणा अज्जा । निच्छइ आसणगहणं सो विणओ सव्वअज्जाणं || ९ || वाससयदिक्खियाए अज्जाए अज्जदिक्खिओ साहू । भत्तिभरनिब्भराए वंदणविणण सो पुज्जो ||१०|| अज्जियलाभे गिद्धा सएण लाभेण जे असंतुठ्ठा । भिक्खायरियाभग्गा अन्नियउत्तं गिराऽऽह्नेति || १ || गयसीसगणं ओमे भिक्खायरिया अपच्चलं थेरं । गणिहिंति ण ते पावे अअज्जियलाभं गवेसंता ||२|| ओमे सीसपवासं अप्पडिबद्धं अजंगमत्तं च । ण गणेज्ज एगेखेत्ते गणषज्ज वासं णिययवासी ॥३॥ आलंबणाण भरिओ लोओ जीवस्स अजउकामस्स १ जं जं पिच्छइ लोए तं तं आलंबणं कुंण ॥ ४ ॥ जत्थ मुणीण कसाए चमढिज्जंतेवि परकसाएहिं । णेच्छेज्न समुट्ठेउं सुणिविठ्ठो पंगुलव्व तयं (गच्छं ) ||५|| धम्मंतरायभीए भीए संसारगब्भवसहीणं । गोदीरिज्ज कसाए मुणी मुणीणं तयं गच्छं ||६|| • सीलतवदाणभावणचडविहधम्मंतरायभवभीए । जत्थ गीयत्थे गोयम ! गच्छं तयं वासे ||७|| जत्थ य कम्मविवागस्स चिठ्ठियं चउगईऍ जीवाणं। णाऊणमवरदेऽवी नो पकुप्पंति तं गच्छं ॥८॥ जत्थ य गोयम ! पंचण्ह कहवि सूणाण एक्कमवि होज्जा । तं गच्छं तिविहेणं वोसिरिय वइज्ज अन्नत्थ ||९|| सूणारंभपवित्तं गच्छं वेसुज्जलं वणवसेना । जं चारित्तगुणेहिं तु उज्जलं तं निवासेज्जा ॥ १०० ॥ तित्थयरसमो सूरी दुज्जयकम्मट्ठमल्लपडिमल्ले । आणं अइक्कमंते ते कापुरिसे न सप्पुरिसे ||१|| भट्ठायारो सूरी भट्ठायाराणुविक्खओ सूरी। उम्मग्गठिओ सूरी तिण्णिवि मग्गं पणासंति ॥२॥ उम्मग्गठिए सूरिमि निच्छयं भव्वसत्तसंघाए । जम्हा तं मग्गमणुसरंति म्हणतं तं ॥ ३॥ एक्कंपि जो दुहत्तं सत्तं परिबोहिउं ठवे मग्गे । ससुरासुरंमिवि जगे तेणेहं घोसियं अमाघायं || ४ || भूए अत्थि भविस्संति केर्स जगवंदणीयकमजुयले । जेसिं परहियकरणेक्कबद्धलक्खाण वोलिही कालं ||५|| भूए अणाइकालेण केई होति गोयमा ! सूरी। नामग्गहणेणवि जेसिं होज्ज नियमेण पच्छित्तं ||६|| एयं गच्छववत्थं दुप्पसहाणं (वं) तरं तु जो खंडे । तं गोयम ! जाण गणिं निच्छयओऽणंतसंसारी ||७|| जं सयलजीवजगमंगलेक्ककल्लाणपरमकल्लाणे । सिद्धिपए वोच्छिण्णे पच्छित्तं होइ तं गणिणो ||८|| तम्हा गणिणो समसत्तुमित्तपक्खेण परहियरएणं । कल्लाणकंखुणा अप्परो य आणा ण लंघेया ||९|| एवं मेरा ण लंघेयव्वत्ति, एवं गच्छववत्थं लंघेत्तु तिगारवेहिं पडिबद्धे । संखाईए गणिणो अज्जवि बोहिं न पावंति ॥ ११०॥ ण लभेर्हिति य अन्न अणंतहुत्तोवि परिभमं तित्थं । चउगइभवसंसारे चिट्ठिज्ज चिरं सुदुक्खत्ते ॥ १ ॥ चोद्दसरज्जूलोगे गोयम ! वालग्गकोडिमेत्तंपि । तं नत्थि पएसं जत्थ अणंतमरणे न संपत्ते ॥२॥ चुलसीइजोणिलक्खे सा जोणी नत्थि गोयमा ! इहइं । जत्थ ण अणंतहुत्तो सव्वे जीवो समुप्पन्ना ||३|| सूईहिं अग्गिवन्नाहिं, संभिन्नस्स निरंतरं । जावइयं गोयमा ! दुक्खं, गब्भे अठ्ठगुणं तयं ॥ ४ ॥ गब्माओ निप्फिडंतस्स, जोणीजंतनिपीलणे । कोडीगुणं तयं दुक्खं, कोडाकोडिगुणंपि वा ॥ ५॥ जायमाणाण जं दुक्खं, मरमाणाण जंतुणं । तेण दुक्खविवागे (निदाणे) णं, जाई न सरंति, अत्तणिं ॥ ६ ॥ नाणाविहासु जोणीसु, परिभमंतेहिं गोयमा !! तेण दुक्खविवागेण, संभरिएण णवि जिव्व ॥ ७ ॥ जम्मजरामरणदोगच्चवाहीओ चिट्टंतु ता । लज्जेज्जा गब्भवासेणं, को ण बुद्धो महामई ? || ८ || बहुरूहिरपूइजंबाले, असुईकलिमलपूरिए । अणिट्टे य दुब्भिगंधे, गब्भे (ता) को धिनं लभे ? || ९ || ता जत्थ दुक्खविक्खिरणं, एगंतसुहपावणं । से आणा नो खंडेज्जा, आणाभंगे कुओ सुहं ? || १२० || से भयवं ! अट्ठण्हं साहूणमसई उस्सम्गेण वा अबवा एण वा उहिं अणगारेहिं समं गमणमागमणं निसेहियं तहा दसण्हं संजईणं हेट्ठा उस्सग्गेणं चउण्हं तु अभावे अववाएणं हत्थसयाउ उद्धं गमणं णाणुण्णायं आणं वा अइक्कमंते साहू वा साहुणीओ वा अनंतसंसारिए समक्खाए ता णं से दुप्पसहे अणगारे असहाए भवेज्जा साविय विण्डुसिरी असहाया चेव भवेज्जा एवं तु ते कहं आराहगे भवेज्जा ?, गोयमा ! णं दुस्समाए परियंते ते चउरो जुगप्पहाणे खाइगसम्मत्तनाणदंसण चरित्तसमन्निए भवेज्जा, तत्थ णं जे से महायसे महाणुभागे दुप्पसहे अणगारे से णं अच्छंतविसुद्धसम्म सणनाणचरित्तगुणेहिं उववेए सुदिट्ठ सुगइमग्गे आसायणाभीरू अच्चं तपरमसद्धासं वे गवे रग्ग-सम्मग्गट्टिए णिरब्भगयणामलसरयकोमुईसुनिम्माइंदुकरविमलपरपरमजसे वंदाणं परमवंदे पुज्नाणं परमपुज्जे भवेज्जा, तहा साविय सम्मत्तनाणचरित्तपडागा महायसा महासत्ता
श्री आगमगुणमंजूषा १९८
[३७]