Agam 39 Chhed 06 Maha Nishith Sutra Shwetambar Agam Guna Manjusha

Author(s): Gunsagarsuri
Publisher: Jina Goyam Guna Sarvoday Trust Mumbai

Page 66

(३५) महानिसीह छेयसुत्तं (२) छ.अ./स.अ
संसारकज्जमुज्जुत्तो । दुक्खेहिं न निव्विन्नो सुक्खेहिं न गोयमा ! तिप्पे ॥ ५॥ जीवेण जाणि उ विसज्जियाणि जाईसएस देहाणि । थेवेहिं तओ सयलंपि तिहुयणं होज्ज पडिहत्थं ||६|| नहदंतमुद्धभमुहक्खिकेस जीवेण विप्पमुक्तेसुवि। तेसुवि हविज्ज कुलसेलमेरूगिरिसन्निभे कूडे ||७|| हिमवंतमलयमंदरदीवोदहिधरणिसरिसरासीओ। अहिययरो आहारो जीवेणाहारिओ अनंतहुत्तो ||८|| गुरूदुक्खभरूक्कंतस्स अंसुनिवाएण जं जलं गलियं । तं अगडतलायनईसमुद्दमाईसु णवि होना ||९|| आवीयं थणछीरं सागरसलिलाउ बहुयरं होज्जा । संसारंमि अणंते अबलाजोप्पीऍ एक्काए || ४००|| सत्ताहविवन्नसुकुहियसाणजोणीए मज्झदेसंमि । किमियत्तण केवलण जाणि मुक्काणि देहाणि ||१|| तेसिं सत्तमपुढवीए सिद्धिखेत्तं च याव उक्कुरूडं । चोद्दसरज्जुं लोगं व अणंतभागेणवि भरेज्जा ||२|| पत्ते य कामभोगे कालमणंतं इहं सउवभोगे । अप्पुव्वं चिय मन्नइ जीवो तहवि य विसयसोक्खं ॥ ३॥ जह कच्छुल्लो कच्छ्रं कंडुयमाणो दुहं मुणइ सोक्खं । मोहाउरा मणुस्सा तह कामदुहं सुहं बिति ॥४॥ जाणंति अणुभवंति य जम्मजरामरणसंभवे दुक्खे। न य विसएस विरज्जति (गोयमा !) दुग्गइगमणपत्थिए जीवे ||५|| सव्वगहाणं पभवो महागहो सव्वदोसपायट्टी | कामग्गहो दुरप्पा जेणऽभिभूयं जगं सव्वं । (तस्स वसं जे गया पाणी) ॥६॥ जाणंति जडा भोगिड्डिसंपया सव्वमेव धम्मफलं । तहविं दढमूढहियए पावं काऊण दो गई जंति ||७|| वच्चइ खणेण जीवो पित्तानलधाउसिंभखोभेहिं । उज्जमह मा विसीयह तरतमजोगो इमो दुलहो ||८|| पंचिदियत्तणं माणुसत्तणं आयरिए जणे सुकुलं । साहुसमागमसुणणासद्दहणाऽरोगपव्वज्जा || ९ || सूलअहिविसविसूइयपाणिट्ठासत्थम्गिसंभमेहिं च । देहंतरसंकमणं करेइ जीवो मुहुत्तेण ॥ ४१० ॥ जावाउ सावसेसं जाव थेवोवि अत्थि ववसाओ । ताव करेज्ज अप्पहियं मा तप्पिहहा पुणो पच्छा ॥१॥ सुरधणुविज्जुखणदिठ्ठनठ्ठसंझाणुरागसिमिणसमं । देहं इति तु वियलइ मम्मयभंड व जलभरियं ॥२॥ इय जाव ण चुक्कसि एरिसस्स खणभंगुरस्स देहस्स । उग्गं कठ्ठे घोरं चरसु तवं नत्थि परिवाडी ||३|| गोयमोत्ति ! 'वाससहस्संपि जई काऊण संजमं सुविउलंपि । अंते किलिठ्ठभावो नवि सुज्झइ कंडरीउव्व ||४|| अप्पेणवि कालेणं केइ जहागहियसीलसामन्ना । साहंति निययकज्जं पोंडरियमहारिसिव्व जहा ||५|| ण अ संसारंमि सुहं जाइजरामरणदुक्खगहियस्स । जीवस्स अत्थि जम्हा तम्हा मोक्खो उवाएओ ॥ ४१६ ॥ सव्वपयारेहिं सव्वहा सव्वभावभावंतरेहिं णं गोयमोत्ति बेमि★★★ ॥ महानिसीहसुयक्खंधस्स छट्ठमज्झयणं गीयत्थववहारं नाम समत्तं ॥ ६॥ ★★★ 'भयवं ! ता एयनाएणं, जं भणियं ि मे तुमं (जहा) । परिवाडीए (तच्चं) किं न अक्खसि, पायच्छित्तं तत्थ मज्झवी ||१|| हवइ गोयम ! पच्छित्तं, जइ तुमं तमालंबसि । नवरं धम्मवियारो ते, कओ सुवियारिओ फुडो ||२|| ण होइ तस्स पच्छित्तं, पुणरवि पुच्छेज्ज गोयमा ! । संदेहं जाव देहत्थं, मिच्छत्तं ताव निच्छयं ||३|| मिच्छत्तेणवि अभिभूए, तित्थयरस्स विभासियं । वयणं लंघित्तु विवरीयं, वायत्ताणं पविसंति ॥४॥ (घोरतमतिमिरबहलंघयारं पायालं) णवरं सुवियारिडं काउं, तित्थयरा सयमेव य । भांति तं जहा चेव, गोयमा ! समणुठ्ठए ||५|| अत्थेगे गोयमा ! पाणी, जे पव्वज्जिय जहा तहा। अविहिए तह चरे धम्मं, जह संसारा ण मुच्चए ||६|| से भयवं ! कयरे णं से विहिसीलोगो ?, गोयमा ! इमे णं से विहीसिलोगो, तंजहा चिइवंदंणं पडिकमणं, जीवाइतत्तसब्भावं । समिइंदियदमगुत्ती, कसायनिग्गहणमुवओगं ||७|| नाऊण सो वीसत्थो सामायारिं कियाकलावं च । आलोइय नीसल्लो आगब्भा परमसंविग्गो ||८|| जम्मजरमरणभीओ चउगइसंसारकम्मदहणठ्ठा । पइदियहं हियएणं एय अणवरय झायंतो ॥९॥ जरमरणमयणपउरे रोगकिलेसाइबहुविहतरंगे । कम्मट्ठकसायागाहगहिरभवजलहिमज्झमि ||१०|| भमिहामि भट्ठसम्मत्तनाणचारित्तलद्धवरपोओ । कालं अणोरपारं अंतं दुक्खारमलभंतो ||१|| ता कइया सो दियहो जत्थाहं सत्तुमित्तसमपक्खो । नीसंगो विहरिस्सं सुहझाणनिरंतरों पुर्णोऽभवद्वं ||२|| एवं चिरचितियभिमुहमणोरहरूसंपत्तिहरिसमुल्लसिओ । भत्तिभरनिब्भरोणयरोमंचयकं चुपुलइयंगो ||३|| सीलंगसहस्सठ्ठारसण्ह धरणे समोच्छयक्खंधो । छत्तीसायारुकंठनिट्ठवियासेसमिच्छत्तो ||४|| पडिवज्जे पव्वज्जं विमुक्कमयमाणमच्छरामरिसों । निम्मनिरहंकारो विहिणेवं गोयमा ! विहरे ||५|| विहगडवापडिबद्धो उज्जुत्तो नाणदंसणचरित्ते । नीसंगो घोरपरिसहोवसग्गाई पजिणंतो ||६|| उग्गअभिग्गहपडिमाइ रागदोसेहिं दूरतरमुक्को। रूहट्टज्झाणविवज्जिओ य विगहा अ असत्तो ||७|| जो चंदणेण बाहुं आलिंपइ वासिणा व जो तच्छे । संयुणइ. जो अ निंदइ समभावो हुज्ज दुहंपि ||१८|| एवं अणिगूहियबलविरअपुरिसक्कारपरक्कमो
श्री आगमगुणमंजूषा - १४१९
(GK96
LO
[ ५८ ]
原