Agam 39 Chhed 06 Maha Nishith Sutra Shwetambar Agam Guna Manjusha

Author(s): Gunsagarsuri
Publisher: Jina Goyam Guna Sarvoday Trust Mumbai

Page 58

(३५) महानिसीह छेयसुत्तं (२) छ.अ.
[५० ]
भणित समुद्धरे। (बलवीरिय) असढभावो अणिगूहियपुरिसयारपरक्कमे ||७|| अन्नं च काउ पच्छित्तं, सव्वथेवं णमणुच्चरे जो । दरुद्धियसल्लो यऽप्पेसो, दीहं चाउग्गइयं अडे ॥८॥ भयवं ! कस्सालोएज्जा ?, पच्छित्तं को व देज्न वा ? कस्स व पच्छित्तं देज्जा ? आलोयावेज्ज वा कहं १ ||९|| गोयमालोयणं ताव, केवलणं सुवि। जोयणसएहिं गंतूण, सुद्धभावेहिं दिज्जए ||१०|| चउनाणीणं तयाभावे, एवं ओहि मईसुए । जस्स विमलयरे तस्स, तारतम्मेण दिज्जई || १ | उस्सग्गं पन्नविंतस्स, उस्सग्गे पट्ठियस्स य । उस्सग्गरुइणो चेव, सव्वभावंतरेहिं णं ॥ २॥ उवसंतस्स दंतस्स, संजयस्स तवस्सिणो । समितीगुत्तिपहाणस्स, दढचारित्तस्सासढभाविणो ||३|| आलोएज्जा पडिच्छेज्जा, दिज्जा दाविज्ज वा परं । अहन्निसं तदुद्दिनं, पायच्छित्तं अणुच्चरे ||४|| से भयवं ! कित्तियं तस्स, पच्छित्तं हवइ निच्छियं ? | पायच्छित्तस्स ठाणाई, केवइयाई ? कहेहि मे ॥ ५॥ गोयमा ! जं सुसीलाणं, समणाणं दसण्ह उ । खलियागयपच्छित्तं, संजई तं नवगुणं ॥ ६ ॥ एक्का पावइ पच्छित्तं, जइ सुसीला दढव्वया । अह सीलं विराहेज्जा, ता तं हवइ सयगुणं ॥ ७॥ तीए पंचेदिया जीवा, जोणीमज्झे निवासिणो । सामन्नं नव लक्खाई, सव्वे पासंति केवली ॥८॥ केवलनाणस्स ते गम्मा, णोऽकेवली ताई पासती । ओहिनाणी वियाणेए णो पासे मणपज्जवी ||९|| ता पुरिसं संघट्टंती, कोण्हगंमि तिले जहा । सव्वेसु सुसूरावेइ, रंतुं मत्ता महन्नि (न्ति) या ॥ १०० ॥ चकम्मंतीइ गाढाई, काइयं वोसिरंतिया । वावाइज्जा य दो तिन्नि, सेसाई परियावई || १ || पायच्छित्तस् ठाणाई, संखाईयाई गोयमा !! अणालोइयंतो हु एक्कंपि, ससल्लमरणं मरे ||२|| सयसहस्सनारीणं, पोट्टं फालित्तु निग्घिणो । सत्तट्ठमासिए गब्भे, चडफडते णिगिंतई ||३|| जं तस्स जत्तियं यावं तत्तियं तं नवं गुणं । एक्कसि त्थीपसंगेणं, साहू बंधेज्ज मेहुणे ||४|| साहुणीए सहस्सगुणं, मेहुणेक्कसिं सेविए । कोडीगुणं तु बिज्जेणं, तइए बोही पणस्सई ॥५॥ जो साहू इत्थियं दट्टु, विसयट्टो रामेहिई । बोहिलाभा परिब्भट्ठो, कहं वराओ स होहीइ ? ॥६॥ अबोहिलाभियं कम्मं, संजओ अह संजई । मेहुणे सेविए आऊतेउक्काए पबंधई ||७|| जम्हा तीसुवि एएसु, अवरज्झतो हु गोयमा !। उम्मग्गमेव ववहारे, मग्गं निट्ठपइ सव्वहा ||८|| भगवं ! ता नाएणं, जे गारत्थी मउक्कडे । रत्तिंदिया ण छडंति, इत्थीयं तस्स का गई ? ||९|| ते सरीरं सहत्थेणं, छिदिऊणं तिलंतिलं । अग्गीए जइवि होमंति, तोऽवि सुद्धी दीसई ॥११०॥ तारिसोवि णिवित्तिं सो, रट्टारस्स जई करे। सावगधम्मं च पालेइ, गई पावेइ मज्झिमं || १ || भयवं ! सदारसंतोसे, जइ भवे मज्झमं गई । ता सरीरेऽवि होमंतो, कीस सुद्धिं णं पावई ? ||२|| सदारं परदारं वा, इत्थी पुरिसो व गोयमा !! रमंतो बंधए पावं, णो णं भवइ अबंधगो ॥ ३॥ सावगधम्मं जहुत्तं जो, पाले परदारगं चए । जावज्जीवं तिविहेणं, तमणुभावेण सा गई ||४|| णवरं नियमविहूणस्स, परदारगमण (ग) स्स य । अणियत्तस्स भवे बंधं, णिवित्तीए महाफलं ॥५॥ सुथेवाणंपि निवित्तिं, जो मणसावि विराहए। सो मओ दुग्गइं गच्छे, मेघमाला जहऽज्जिया ॥ ६ ॥ मेघमालज्जियं नाहं, जाणिमो भुवणबंधव !| मणसावि अणुनिव्वत्तिं, जा खंडिय दुग्गइं गया ||७|| वासुपुज्जस्स तित्यंमि, भोला कालगच्छवी । मेघमालऽज्जिया आसि, गोयमा ! मणदुब्बला ॥८॥ सा नियमोगासे पक्खं दाउ, काउं भिक्खा य निग्गया । अन्नओ एत्थिणी सारमंदिरोवरि संठिया ||९|| आसन्नमंदिरं अन्नं लंघित्ता गंतुमिच्छगा। मणसाऽभिनंदेवं जा(व), ताव पज्जलिया दुवे ॥ १२० ॥ नियमभंग तयं सुहुमं, तीए तत्थ ण णिदियं । तंनियमभंगदोसेणं, डज्झित्ता पढमियं गया || १ || एवं नाउं सुहुमंपि, नियमं मा विराहिह । जेच्छिया अक्खयं सोक्खं, अणंतं च अणोवमं ॥२॥ तक्संजमे वएसुं च, नियमो दंडनायगो । तमेव खंडमाणस्स, ण वए णो व सजमे ||३|| आजम्मेणं तु जं पावं, बंधेज्जा मच्छबंधगो । वयभंगं काउमणस्स, तं चेवगुणं मुणे ||४|| सयसहस्सं सलद्धीए जोवसामित्तु निक्खेमे । वयं नियमखंडतो, जं सो तं पुन्नमज्जिणे ||५|| पवित्ता य निवित्ता य, गारत्थी संजमे तवे । जमणुट्ठिया तयं लाभं, जाव दिक्खा न गिव्हिया ॥६॥ साहुसाहुणीवग्गेणं, विन्नायव्वमिह गोयमा !। जेसिं मोत्तूण ऊसासं, नीसासं नाणुजाणियं ॥७॥ तमवि जयणाए अणुन्नायं, विजयणाए ण सव्वहा । अजयणाइ ऊससंतस्स, कओ धम्मो ? कओ तवो ? ||८|| भयवं ! जावइयं दिट्ठ, तावइयं कहऽणुपालिया । जे भवे अवीयपरमत्थे, किच्चाकिच्चमयाणगे ? ||९|| एगंतेणं हियं वयणं, गोयम ! दिस्संति केवली । णो बलमोडीइ कारेति, हत्थे घेत्तूण जंतुणो || १३० || तित्थयरभासिए
MO श्री आगमगुणमंजूषा १४११