Agam 39 Chhed 06 Maha Nishith Sutra Shwetambar Agam Guna Manjusha

Author(s): Gunsagarsuri
Publisher: Jina Goyam Guna Sarvoday Trust Mumbai

Page 31

(३५) महानिसीह छेयसुत्तं (२) तृ. अ. [२३]
तु जो सो यस अचिंतचिंतामणिकप्पभूयस्स महानिसीहसुयक्खंधस्स पुव्वायरिसो आसी तहिं चेव खंडाखंडीएं उद्देहियाइएहिं हेऊहिं बहवे पत्तगा परिसडिया तहावि अच्वंतसुमहत्थाइसयंति इमं महानिसीहसुयक्खंधं कसिणपवयणस्स परमसारभूयं परं तत्तं महत्यंति कलिऊणं पवयणवच्छल्लत्तणेणं बहुभव्वसत्तोवयारियं च काउं तहा य आयहियठ्ठयाए आयरियहरिभद्देणं जं तत्थायरिसे दिठ्ठे तं सव्वं समतीए साहिऊणं लिहियंति, अन्नेहिपि सिद्धसेणदिवाकरवुद्धवाइजक्खसेणदेवगुत्तजसवद्धणखमासमणसीसरविगुत्तणेमिचंदजिणदासगणिखमगसच्चसिरिपमुहेहिं जुगप्पहाणसुयहरेहिं बहु मन्नियमिति ॥ १८ ॥ से भयवं ! एवं जहुत्तविणओ वहाणेणं पंचमंगलमहासुयक्खंधमहिज्जित्ताणं पुव्वाणुपुवीए पच्छाणुपुवीए सरवंजणमत्ताबिंदुपयक्खरविन्द्धं थिरपरिचियं काऊणं महया पबंधेणं सुत्तत्थं च विन्नाय ओ य णं किमहिज्जेज्जा ?, गोयमा ! ईरियावहियं, से भयवं ! केणं अठ्ठेणं एवं वुच्चइ जहा णं पंचमंगलमहासुयक्खंधमहिज्जित्ताणं पुणो ईरियावहियं अहीए ?, गोयमा ! जे एस आया से णं जया गमणागमणाइपरिणामपरिणए अणेगचीवपाणभूयसत्ताणं अणोवउत्तपमत्ते संघट्टणअवदावणकिलामणं काऊणं अणालोइय अपडिक्कं चेव असे सकम्मक्खयठ्ठयाए किंचि चिइवं दणसज्झायज्झाणाइएसु अभिरमेज्जा तया से एगचित्ता समाही भवेज्जा ण वा, जओ णं गमणागमणाइअणेगअन्नवावारपरिणामासत्तचित्तयाए केई पाणी तमेव भावंतरमच्छडिडय अठ्ठदुहट्टज्झवसिए कंचि कालखणं विर (व) तेजा ताहे तं तस्स फलेणं विसंवएज्जा, जया उण कर्हिचि अन्नाणामोहपमायदोसेण सहसा एगिंदियादीणं संघट्टणं परियावणं वा कयं भवेज्जा तया य पच्छा हाहाहा दुटु कयमम्हेहिं घणरागदोसमोहमिच्छत्त अन्नाणंधेहिं अदिठ्ठपरलोगपच्चवाएहिं कूरकम्मनिग्धिणेहिंति परमसंवेगमावन्ने सुपरिफुडं आलोइत्ताणं निंदित्ताणं गरहित्ताणं पायच्छित्तमणुरित्ताणं णीसल्ले अणाउलचित्ते असुहकम्मक्खयठ्ठा किंची आयहियं चिइवंदणाइ अणुठ्ठेज्जा तया तयठ्ठे चेव उवउत्ते से भवेज्जा, जया णं से जयत्थे
उत्ते भवेज्जा तया तस्स णं परमेगग्गचित्तसमाही हवेज्जा, तया चेव सव्वजगजीवपाणभूयसत्ताणं जहिठ्फलसंपत्ती भवेज्जा, ता गोयमा ! णं अपडिक्कंताए ईरियावहियाए न कप्पइ चेव काउं किंचि चेइयवंदणसज्झायाइयं फलासायमभिकंखुगाणं, एएणं अठ्ठेणं गोयमा ! एवं वुच्चइ जहा णरं गोयमा ! ससुत्तत्थोभयं पंचमंगल थिरपरिचियं काऊणं तओ ईरियावहियं अज्झीए || १९|| से भयवं ! कयराए विहीए तमिरियावहियमहीए ?, गोयमा ! जह णं पंचमंगलमहासुयक्खंधं ||२०|से भयवमिरियावहिवमहिज्जित्ताणं तओ किमहिज्जे ?, गोयमा ! सक्कत्थयाइयं चेइयवंदणविहाणं, णवरं सक्कत्थयं एगेणऽठ्ठमेण बर्त्त, साए आयंबिलेहिं, अरहंतत्थयं एगेण चउत्थेणं पंचहिं आयंबिलेहिं, चउवीसत्थयं एगेणं छठ्ठेणं एगेण चउत्थेणं पणवीसाए आयंबिलेहिं, णाणत्थयं एगेणं चउत्थेणं पंचहिं आयंबिलेहिं, एवं सरवंजणमत्ताबिंदुपयच्छेयपयक्खरविसुद्धं अविच्चामेलियं अहिज्जित्ताणं गोयमा ! तओ कसिणं सुत्तत्थं विन्नेयं, जत्थ य संदेहं भवेज्जा तं पुणो २ वीमंसिय णीसंकमवधारेऊणं णीसंदेहं करिज्जा ॥ २१ ॥ एवं सुत्तत्योभयत्तगं चिइवंदणाइविहाणं अहिज्जेत्ताणं तओ सुपसत्थे सोहणे तिहिकरणमुहुत्तनक्खत्तजोगलग्गससीबले जहासत्तीए जगगुरूणं संपाइयपूओवयारेणं पडिलाहियसाहुवम्गेणं य भत्तिभरनिब्भरेण रोमंचकंचुयपुलइज्जमाणतणू सहरिसाविसिठ्ठवयणारविन्देणं सद्धासंवेगविवेगपरमवेरग्गमूलविणिहयरागदोसमोहमिच्छत्तमलकलंकेणं सुविसुद्धसुनिम्मलविमलसुभसुभयरऽणुसमयसलुल्ल-संतसुपसत्थऽज्झवसायगएणं भुवणगुरूजिणइंदपडिमविणिवेसि यणयणमाणसेणं अणण्णमाणसेणमेगग्गचित्तयाए धन्नोऽहं पुन्नोऽहंति जिणवंदणाइसहलीकयजम्मोत्ति इइ मन्त्रमाणे विरइयकरकमलंजलिणा हरियतणबीयजंतुविरहियभूमीए निहिओभयजाणुणा सुपरिफुडसुविइयणीसंकीकयजहत्यसुत्तत्योभयं पए पर भावेमाणेणं दढचरित्तसमयन्नुअप्पमायाइअणेगगुरसंपओववेएणं गुरुणा सद्धिं साहुसाहुणीसाहम्मिय असेसबंधुपरिक्म्मपरियरिएणं चेव पढमं चेइए वंदियव्वे, तयणंतरं च गुणड्डे य साहुणो तहा साहंमियजणस्स णं जहासत्तीए पाणिवायजाएणं सुहमग्घयमउयचोक्खवत्थपयाणाइणा वा महासंमाणो कायव्वो, एयावसरंमि सुविइयसमयसारेणं गुरूणा पबंधेणं अक्खेवनिक्खेवाइएहिं पबंधेहिं संसारनिव्वेयजणणं सद्धासंवेगुप्पायगं धम्मदेसणं कायव्वं ॥ २२ ॥ तओ परमसद्धासंवेगपरं नाऊणं आजम्मा भिम्हं XOXO श्री आगमगुणमंजूषा - १३८४
फ्र