Agam 39 Chhed 06 Maha Nishith Sutra Shwetambar Agam Guna Manjusha

Author(s): Gunsagarsuri
Publisher: Jina Goyam Guna Sarvoday Trust Mumbai

Page 23

(३५) महानिसीह छेयसुत्तं (२) द्वि. अ. / तृ. अ.
|
॥७॥ जीवे संमग्गमोइन्ने, घोरवीरतवं चरे । अचयंतो इमे पंच, कुज्जा सव्वं निरत्ययं ॥ ८॥ कुसीलोसन्नपासत्थे, सच्छंदे सबले तहा । दिट्ठीएवि इमे पंच, गोयमा ! न निरिक्खए ||९|| सव्वन्नुदेसियं मग्गं, सव्वदुक्खप्पणासगं । सायागारवगुंफाते, अन्नहा भणियमुज्झए || १७०॥ पयमक्खरंपि जो एगं, सव्वन्नूहिं पवेदियं । न रोज्नऽन्नहा भासे, मिच्छद्दिठ्ठी स निच्छियं ॥ १ ॥ एवं नाऊण संसग्गिं, दरिसणालावसंथवं । संवासं च हियाकंखी, सव्वोवाएहिं वज्जए ॥२॥ भयवं ! निब्भठ्ठसीलाणं, दरिसणं तंपि निच्छसि । पच्छित्तं वागरेसीय, इति उभयं न जुज्जए १ || ३ || गोयमा ! भट्ठसीलाणं, दुत्तरे संसारसागरे । धुवं तमणुकंपित्ता, पायच्छित्ते पदरिसिए ॥४॥ भयवं ! किंपायच्छित्तेण, छिदिज्जा नारगाउयं ? | अणुचरिऊण पच्छित्तं, बहवे दुग्गड़ गए ॥ ५ ॥ गोयमा ! जे समज्जेज्जा, अनंतसंसारियत्तणं । पच्छित्तेणं धुवं तंपि, छिदे किं पुणो नरयाउ ? ||६|| पायच्छित्तस्स भुवणेऽत्थ, नासज्झं किंचि विज्जए । बोहिलाभं पमोत्तूणं, हारियं तं न लब्भए || ७|| तं चाउकायपरिभोगे, तेउकायस्स निच्छियं । अबोहिलाभियं कम्मं, वज्जए मेहुणेण य ॥८॥ मेहुणं आउकायं च, तेउकायं तहेव य । तम्महा तओवि जत्तेणं, वज्जेज्जा संजइंदिए ||९|| से भयवं ! गारत्थीणं, सव्वमेवं पवत्तइ । (तो जइ अबोही भवेज्ज) एसु तओ सिक्खागुणाणुव्वयधरणं तु निष्फलं ॥ १८० ॥ गोयमा ! दुविहे पहे अक्खाए, सुसमणे अ सुसावए । महव्वयधरे पढमे, बीएऽणुव्वयधारए || १ || तिविहंतिविहेण समणेहिं, सव्वसावज्जमुज्झियं । जावज्जीवं वयं घोरं, पडिवज्जियं मोक्खसाहणं ||२|| दुविहेगविहं व तिविहं वा, थूलं सावज्जमुज्झियं । उद्दिठ्ठकालियं तु वयं (देसेण) संवसे गारत्थी हि ॥३॥ तहेव तिविहंतिविहेणं, इच्छारंभपरिग्गहं । वोसिरंति अणगारे, जिणलिंग धरेति य ||४|| इयरे (य) अणुज्झित्ता, इच्छारंभपरिग्गहं । सदाराभिरए स गिही, जिणलिंगं तू पूयए (ण धारयंति ) ||५|| ता गोयमेगदेसस्स, पडिक्कंते गारत्थे भवे । तं वयमणुपालयंताणं, नो सि आसायणं भवे || ६ || जे पुण सव्वस्स पडिक्कंते, धारे पंच महव्वए । जिणलिंगं तु समुव्वहइ, तं तिगं नो विवज्जए ||७|| तो भहयासायणं सिं, इत्थिऽग्गी आउसेवणे । अणंतनाणी जिणे जम्हा, एयं मणसावि णऽभिलसे ॥८॥ ता गोयमा ! साहियं एयं, एवं वीमंसिउं दढं । विभावय जई बंधिज्जा, गिहिणो न अबोहिला भयं || ९ || संजए पुण निबंधिज्जा, एयाहिं हेऊहि य । आणाइक्कम वयभंगा, तह उम्मग्गपवत्तणा || १९०|| मेहुणं चाउकायं च, तेउकायं तहेव य । हवइ तम्हा तितयंति, (जत्तेणं) वज्जेज्जा सव्वहा मुणी ||१|| जे चरंते व पच्छित्तं, मणेणं संकिलिस्सए । जह भणियं वाऽह णाणुठ्ठे, निरयं सो तेण वच्चई || २ || भयवं १ मंदसुद्धेहिं, पायच्छित्तं न कीरई । अह काहंति किलिठ्ठमणे, ताऽणुकंपं विरुज्झए ? ||३|| नो रायादीहिं संगामे, गोयमा ! सल्लिए नरे । सल्लुद्धरणे भवे दुक्खं, नाणुकंपा विरुज्झ ॥४॥ एवं संसारसंगामे, अंगोवंगंतबाहिरं । भावसल्लुद्धरिंताणं, अणुकंपा अणोवमा || ५ || भयवं ! सल्लंमि देहत्थे, दुक्खिए होति पाणिणो । समयं निप्फिडे सल्लं, तक्खणा सो सुही भवे || ६ || एवं तित्थयरे सिद्धे, साहू धम्मं विवंचिउं । जं अकज्जं कयं तेणं, निरिरिएणं सुही भवे ||७|| पायच्छित्तेणं के तत्थ, कारिएणं गुणो भवे ? । जेणं कीवस्सवी देसि, दुक्करं दुरणुच्चरं ॥८॥ उद्धरिडं गोयमा ! सल्लं, वणभंगे जाव णो कये । वणपिंडीपट्टबंधं च, ताव णं किं परूज्झए ? ॥९॥ भावसल्लस्स वणपिंडपट्टभूओ इमो भवे । पच्छित्तो दुक्खरोहंपि, पाववणं फिप्पं परोहए || २०० || भयवं ! किमणुविज्जंते, सुव्वंते जाणिए इ वा ? । सोहेइ सव्वपावाई, पच्छित्ते सव्वन्नुदेसिए ?|| १ || सुसाऊ सीयले उदगे, गोयमा ! जाव णो पिए । णरे गिम्हे वियाणंते, ताव तण्हा ण उवसमे ॥२॥ एवं जाणित्तु पच्छित्तं असढभावेण जा चरे । ताउ तस्स तयं पावं, वहुए उ ण हायए ॥ ३॥ भयवं ! किं तं वह्वेज्जा, जं पमादेण कत्थई । आगयं ? पुणो आउत्तस्स, तेत्तियं किं न ठाय ?||४|| गोयमा ! जह पमाएणं, निच्छंतो अहिडंकिए। आउत्तस्स जहा पच्छा विसं, वड्डे तह चेव पावगं ॥ ५॥ भयवं ! जे विदियपरमत्थे, सव्वपच्छित्तजाणगे । ते किं परेसिं साहंति, नियमकज्जयं जहट्टियं ?॥६॥ गोयमा ! मंततंतेहिं, दियहे जो कोडिमुट्ठव्वे । सेवि दट्ठे विणिच्चिट्ठे, धारियल्लेहिं भल्लिए ||७|| एवं सीलुज्जले साहू, पच्छित्तं न दढव्वए । अन्नेसिं निउणं (लद्बठ्ठ) साहे, ससीसं व ण्हावओ जहत्ति ॥२०८ ★★★ ॥ महानिसीयसुयक्खंधस्स कम्मविवागवागरणं नाम बीयमज्झयणं ॥२॥ ★★★ एएसिं तु दोहं अज्झयणाणं विहीपुव्वगेणं सव्वसामन्नं वायणंति ॥ ३१ ॥ 'अओ परं चउक्कन्नं, सुमहत्थाइसयं परं । आणाए सद्दहेयव्वं, सुत्तत्थं जं जहट्ठियं
ॐॐॐॐॐ श्री आगमगुणमंजूषा - १३७६
(原
[१५]
五五五五五五五