Agam 39 Chhed 06 Maha Nishith Sutra Shwetambar Agam Guna Manjusha

Author(s): Gunsagarsuri
Publisher: Jina Goyam Guna Sarvoday Trust Mumbai

Page 22

(३५) महानिसीह छेयसुत्तं (२) द्वि. अ. [१४]
पलयकालरयणीमिव सव्वकालं तमोवलित्ताउ भवंति विज्जु इव खणदिठनट्ठपेम्माओ भवंति सरणागयघायगो इव एक्कजंमियाओ तक्खणपसूयजीवंतसुद्ध नियसिसुभक्खीओ इव एक्कजंमियाओ तक्खणपसूयजीवंतसुद्धनियसिसुभक्खीओ इव महापावकम्माओ भवंति खरपवणुच्चालियलवणोदहीवेलाइव बहुविहविकप्पकल्लोलमालाहिं खर्णपि एगत्थ असंठियमाणसाओ भवंति भयंभुरमणोदहीमिव दुर्वगाहकइतवाओ भवंति पवणो इव चडुलसहावाओ भवंति अग्गी इव सव्वभक्खीओ वाऊ इव सव्वफरिसाओ तक्करो इव परत्थलोलाओ साणो इव दाणमेत्तमित्तिओ मच्छो इव हव्वपरिचत्तनेहाओ एवमाइअणे गदो सलक्खपडि पुण्ण सव्वं यो वंगसब्भं तरबाहिराणं महापावकम्माणं अविणयविसमंजरीणं तत्थुप्पन्नअणत्थगच्छपसूईणं इत्थीणं अणवरयनिज्झरंतदुग्गंधासुइविलीणकुच्छणिज्जनिंदणिज्जखिंसणिज्जसव्वंगोवंगाणं सब्भंतरबाहिराणं परमत्थओ महासत्ताणं निविन्नकामभोगाणं गोयमा ! सव्वृत्तमुत्तमपुरिसाण के नाम सयन्ने सुविन्नायधम्माहम्मे खणमवि अभिलासं गच्छिज्जा ? ||२६|| जासिंचणं अभिलसिउकामे पुरिसे तज्जोणिसंमुच्छिमपंचेंद्रियाणं एक्कपसंगेण चेव णवण्हं सयसहस्साणं णियमा उवद्दवगे भवेज्जा, ते य अच्वंतसुहुमत्ताउ मंसचक्खउणो ण पासिया ||२७|| एएणं अद्वेणं एवं बुच्चइ जहा णं गोयमा ! णो इत्थीयं आलवेज्ना नो संलवेज्जा नो इत्थीणं अंगोवंगाई संणिरिक्खेज्ना जाव णं नो इत्थीए सद्धिं एगे बंभयारी अद्धाणं पडिवज्जेज्जा ||२८|| से भयवं ! किमित्थीए संलावुल्लावंगोवंगनिरिक्खणं वज्जेज्जा उयाहु मेहुणं ?, गोयमा ! उभयमवि, से भयवं ! किमित्थिसंजोगसमायरणे मेहुणे परिवज्जिया उयाहुणं बहुविसुं सचित्ताचित्तवत्थुविसएसु मेहुणपरिणामे तिविहंतिविहेणं मणोवइकायजोगेणं सव्वहा सव्वकालं जवज्जीवाएत्ति ?, गोयमा ! सव्वं सव्वहा विवज्जिज्जा ||२९|| से भयवं ! जे णं केई साहू वा साहुणी वा मेहुणमासेविज्जा से णं वंदेज्जा ?, गोयमा ! जे णं केई साहू वा साहुणी वा मेहुणं सयमेव अप्पणा सेवेज्ज वा परेहिं उवहसेत्तुं सेवाविज्ना वा सेविजमाणं समणुज्जाणिज्ज वा दिव्वं वा माणुस वा तिरिक्खजोणियं वा जाव णं करकम्माई सच्चित्ताचित्तवत्थुविसयं वा विविहज्झवसाणं कारिमाकारिमोवगरणेणं मणसा वा वयसा वा कारण वा से णं समणे वा समणी वा दुरंतपंतलक्खणे अदठ्ठव्वे अमग्गसमायारे महापावकम्मे णो णं वंदिना णो णं वंदाविज्जा नो णं वंदिज्जमाणं वा समणुजाणेज्जा तिविहंतिविहेणं जाव णं विसोहिकालंति, से भयवं ! जे वंदेज्जा से किं लभेज्जा ?, गोयमा ! जे तं वंदेज्जा से अठ्ठारसण्हं सीलंगसहस्सधारीणं महाणुभागाणं तित्थयरादीणं महर्ती आसायणं कुज्जा, जेणं तित्थयरादीणं आसायणं कुज्जा से णं अज्झवसायं पडुच्चा जाव णं अनंतसंसारियत्तणं लभेज्जा||३०|| ‘विप्पहिच्चित्थियं सममं, सव्वहा मेहुणंपिय । अत्थेगे गोयमा ! पाणी, जे णो चयइ परिग्गहं ||७|| जावइयं गोयमा ! तस्स, सचित्ताचित्तोभयत्तगं । भूयं वाऽणु जीवस्स, भवेज्जा उ परिग्गहं ॥ ८॥ तावाइएणं तु सो पाणी, ससंगो मोक्खसाहणं । णाणाइतिगं ण आराहे, तम्हा वज्जे परिग्गहं ||९|| अत्थेगे गोयमा ! पाणी, जे पयहित्ता परिग्गहं । आरंभं नो विवज्जेज्जा, तंपीयं भवपरंपरा ॥ १६० ॥ आरंभे पत्थियस्सेगवियलजीवस्स वइयरे। संघट्टणाइयं कम्मं, जं बद्धं गोयमा ! मुणे ॥१६१|| एगे बेईदिए जीवे एगं समयं अणिच्छमाणे बलाभिओगेणं हत्थेण वा पाएण वा अन्नयरेण वा सलागाइउवगरणजाएणं जे केई पाणी अगाढं संघटेज्ज वा संघट्टावेज्ज वा संघट्टिज्जमाणं अगाढं परेहिं समणुजाणेज्जा से णं गोयमा ! जया तं कम्मं उगयं गच्छेज्जा तया णं महया केसेणं छम्मासेणं वेदिज्जा, गाढं दुवालसहि संवच्छरेहिं, तमेव अगाढं परियावेज़्ज़ा वाससहस्सेणं गाढं दसहिं वाससहस्सेहिं, तमेव अगाढं किलामेज्जा वासक्खेणं गाढं दसहिं वासलक्खेहिं, अहा णं उद्दवेज्जा तओ वासकोडी, एवं तिचउपंचिदिए दठ्ठव्वं ॥ ३१ ॥ 'सुहुमस्स पुढविजीवस्स, जत्थेगस्स विराहणं । अप्पारंभं तयं बेति, गोयमा ! सव्वकेवली ||२|| सुमस पुढविजीवस्स, वावत्ती जत्थ संभवे । महारंभं तयं बेति, गोयमा ! सव्वकेवली ||३|| एवं तु संमिलतेहि, कम्मुक्करडेहिं गोयमा !। से सोठ्ठब्भे अनंतेहिं, जे आरंभे पवत् ||४|| आरंभे वट्टमाणस्स, पुद्धपुट्ठनिकाइयं । कम्मं बद्धं भवे तम्हा, तम्हाऽऽरंभं विवज्जए ||५|| पुढवाइअजीवकायंता, सव्वभावेहिं सव्वहा । आरंभा जे नियट्टेज्जा, से अइरा (जम्मजरामरणसव्वदारिद्ददुक्खाण) विमुच्चइ ॥६॥ त्ति, अत्थेगे गोयमा ! पाणी !, जे एयं परिवुज्झिउं । एगंतसुहतल्लिच्छे, ण लभे सम्मग्गवत्तणिं
gain Education International 2010_03
www.jainelibrary
क