Agam 39 Chhed 06 Mahanishith Sutra Shwetambar

Author(s): Purnachandrasagar
Publisher: Jainanand Pustakalay

Page 192

वा हासखेड्डकंदप्पणाहवायं रेज्जा उवट्ठावणं, एवं जे णं भिक्खू सुत्ताइक्कमेणं कालाइक्कमेणं आवासगं कुव्वीया तस्सणं कारणिगस्स मिच्छुक्कडं गोयमा! पायच्छित्तं उवइसेज्जा, जे य णं अकारणिगे तेसिं तु णं जहाजोगं चउत्थाइ उवएसे, जेणं भिक्खू सद्दे करेजा सद्दे उवइसेज्ना सद्दे गाढागाढसद्दे य सव्वत्थ पइपयं पत्तेयंसव्वपएसुं संबझावेयव्ये, एवं जे णं भिक्खू आउकायं वा तेउकायं वा इत्थीसरीरावयवं वा संघट्टेजा नो णं परिभुजेज्जा से णं तस्स पणुवीसं आयंबिलाणि उवइसेज्जा, जे उण परिभुजेज्जा से णं दुरंतपंतलक्खणे अदट्ठव्वे महापावकम्मे पारंचिए, आह णं महातवस्सी हवेज्जा सत्तरि मासखमणाणं सयरिं अद्धमासखभणाणं सयरि दुवालसाणं सयरिं दसमाणं सयरिं अट्ठमाणं सथरि छट्ठाणं सथरि चउत्थाणं सयरि आयंबिलाणं सयरिं एगहाणाणं सयर सुद्धायामेगासणाणं सयरिं निव्विगइयाणं जाणं अणुलोमपडिलोमेणं निद्दिसेज्जा, एयं च पायच्छित्तं जे यण भिक्खू अविस्संतो समणद्वेज्जा से णं आसण्णपुरक्खडे नेयेटी से भयवं! इणमो सयरिंसयरिं अणुलोमपडिलोमेणं केवइयं कालं जाव सभणुद्विहिइ?, गोयमा! जावणं आयारमग्गंवा(ठ)एज्जा, भयवं! उड् पुच्छा, गोयमा! उड्ढे केई सभणुद्वेज्जा केई णो सभणुढेजा, जेणंसमणुढेजा से णं वंदे से णं पुज्जे से णं दट्ठव्वे से णं सुपसत्थसुमंगले सुगहीयणामधेजे तिण्हंपि लोगाणं वंदणिज्जेत्ति, जे णं तु णो समणुढे सेंणं पावे से णं महापावे सेणं महापावपावे से णं दुरंतपंतलक्खणे जाव णं अट्ठव्वेत्ति जया णं गोयमा! इणमो पच्छित्तसुत्तं वोच्छिजिहिइ त्या णं चंदाइच्चगहरिक्खतारगाणं सत्त अहोरत्ते तेयं णो विफुरेजा।१०। इमस्सणं वोच्छेदे गोयमा! कसिणसंजमस्स ॥ श्री महानिशीथसूत्रं ॥
| १८१]
पू. सागरजी म. संशोधित