Agam 39 Chhed 06 Mahanishith Sutra Shwetambar

Author(s): Purnachandrasagar
Publisher: Jainanand Pustakalay

Page 219

तं रायहाणी, समुद्धाइए णं सन्नद्धबद्धद्धए णिसियरवालकुंतविप्फुरंतचक्काइपहरणाडोववग्गपाणी हणहणहणरावभीसणा बहुसभरसंघट्टादिण्णपिट्टी जीयंतरे अलबलपरक्कमे णं महाबले परबले जोहे, एयावसरम्हि य कुमारस्स चलणेसु निवडिअणं दिट्ठपच्चए मरणभ्याउलत्ताए अगणियकुलकमपुरिस्यारं विप्पणासे, दिसिमेकमासइत्ताणं सपरिगरे पणटे से णं नरवरिंदे, एत्थंतरंमि चिंतियं गोयमा! तेणं कुमारेणं-जहा णं नो सरिसं कुलक्कमेऽम्हाणं जं पट्टि दाविजइ, णो णं तु पहरियव्वं भए कस्सावि णं अहिंसालक्खणधम्म वियाणमाणेणं कयपाणाइवायपच्चक्खाणेणं च, ता किं करेमिणं?, सागारे भत्तपाणाईणं पच्चक्खाणे अहवा णं करेमि?, जओ दिढे णं ताव मए दिट्ठीमित्तकुसीलस्सणामागहणेणावि एमहंतसंविहाणगे, ता संपयं सीलस्साविणं एत्थं परिक्वं करेभित्ति चिंतिऊणं भणिउमाढत्ते णं गोयमा! से कुमारे जहाणंजइ अहयं वायामित्तेणावि कुसीलो ताणं माणीहरेज्जाह अक्ख्यतणू खेमेणं एयाए रायहाणीए, अहा णं मणोवइकायतिएणं सव्वपयारेहिं णं सीलकलिओ ता मा वहेजा ममोवरि इमे सुनिसिए दारुणे जीयंतकरे पहरणणिहाए, णमो २ अहंताणंति भणिऊणं जाव णं पवरतोरणदुवारेणं चलचवलगई जाउभारद्धो, जाव णं | पडिक्कमे थेवं भूमिभागं तावणं हलावियं कप्पडिगवेसेणं गच्छद एस नरवइत्तिकाऊणं सरहसं हण हण मर मरत्ति भणमाणुक्खित्तकवालादिपहरणेहिं पवरबलजोहेहिं,जावणंसमुद्धाइए अच्चंतं भीसणे जीयंतकरे परबलजोहे तावणं अविसण्ण अणुयाभीयअतत्थअदीणमाणसेणं गोयमा! भणियं कुमारेणं जहाणं भो भो दुट्ठपुरिसा! मभोवरि चेह एरिसेणं घोरतामसभावेण ॥ श्री महानिशीथसूत्र ॥
| २०८
पू. सागरजी म. संशोधित