Agam 24 Chhed 01 Nishith Sutra Nishihajjhayanam Terapanth

Author(s): Tulsi Acharya, Mahapragna Acharya
Publisher: Jain Vishva Bharati

Page 63

एक्कारसमो उद्देसो
७३७
४८. जे भिक्खु अण्णउत्थियस्स वा गारत्थियस्स वा उट्ठे लोद्वेण वा कक्केण वा चुणेण वा वण्णेण वा उल्लोलेज्ज वा उब्वट्टेज्ज वा, उल्लोलेंत वा उब्वतं वा सातिज्जति ||
४६. जे भिक्खू अण्णउत्थियस्स वा गारत्थियस्स वा उट्ठे सीओदग - वियडेण वा उसिणोद - वियडेण वा उच्छोलेज्ज वा पधोएज्ज वा, उच्छोलेंतं वा पधोएंतं वा सातिज्जति ॥
५०. जे भिक्खू अण्णउत्थियस्स वा गारत्थियस्स वा उट्ठे फुमेज्ज वा रएज्ज वा, फुमेंतं वा रतं वा सातज्जति ॥
दीह-रोम-पदं
५१. जे भिक्खू अण्णउत्थियस्स वा गारत्थियस्स वा दीहाई उत्तरोट्ठ-रोमाई कप्पेज्ज वा संठवेज्ज वा, कप्पेतं वा संठवेंतं वा सातिज्जति ॥
५२. जे भिक्खू अण्णउत्थियस्स वा गारत्थियस्स वा दीहाई णासा- रोमाई कप्पेज्ज वा संठवेज्ज वा, कप्पेतं वा संठवेंतं वा सातिज्जति ॥
अच्छ-पत्त-पदं
५३. जे भिक्खू अण्णउत्थियस्स वा गारत्थियस्स वा दोहाई अच्छि - पत्ताई कप्पेज्ज वा संठवेज्ज वा, कप्पेतं वा संठवेंतं वा सातिज्जति ॥
अच्छ-पदं
५४. जे भिक्खू अण्णउत्थियस्स वा गारत्थियस्स वा अच्छीणि आमज्जेज्ज वा पमज्जेज्ज वा, आमज्जतं वा पमज्जंतं वा सातिज्जति ॥
५५. जे भिक्खू अण्णउत्थियस्स वा गारत्थियस्स वा अच्छीणि संवाहेज्ज वा पलिभद्देज्ज वा, संवातं वा पलितं वा सातिज्जति ॥
५६. जे भिक्ख अण्णउत्थियस्स वा गारत्थियस्स वा अच्छीणि तेल्लेण वा घएण वा वसाए वा णवणीएण वा अब्भंगेज्ज वा मक्खेज्ज वा अब्भंगतं वा मक्खेत वा साविज्जति ॥
५७. जे भिक्खू अण्णउत्थियस्स वा गारत्थियस्स वा अच्छीणि लोद्वेण वा कक्केण वा चुष्णेण वा वण्णेण वा उल्लोलेज्ज वा उव्वट्टेज्ज वा, उल्लोलेंतं वा उब्वतं वा सातिज्जति ॥
५८. जे भिक्खू अण्णउत्थियस्स वा गारत्थियस्स वा अच्छीणि सीओदग-वियडेण वा उसिणोदग वियडेण वा उच्छोलेज्ज वा पधोएज्ज वा, उच्छोलेंतं वा पधोएंतं वा सांतिज्जति ॥
५६. जे भिखू अण्णउत्थियस्स वा गारत्थियस्स वा अच्छीणि फुमेज्ज वा रएज्ज वा, फुमेतं वा रतं वा सातिज्जति ॥